Nehemia 10:1-39
10 Boba baitabije na kukoma’po kashé+ kabo i bano:
Nehemia mbikavu,* mwanā Hakadia,Ne Zedekia,
2 Selaya, Azadia, Yelemia,
3 Pashula, Amadia, Malekiya,
4 Hatushe, Shebania, Maluke,
5 Hadime,+ Melemote, Obadia,
6 Danyele,+ Nginetone, Baluki,
7 Meshulama, Abidya, Miyamini,
8 Mazia, Bilekai, ne Shemaia; bano’ba i babitobo.
9 Bene Levi nabo: Yeshua mwanā Azania, Binui wa ku bana ba Henadade, Kademiele,+
10 ne banababo ba Shebania, Hodia, Kedita, Pelaya, Hanana,
11 Mīka, Lehobe, Hashabia,
12 Zakula, Shelebia,+ Shebania,
13 Hodia, Bani, ne Beninu.
14 Mitwe ya bantu nayo: Paloshi, Pahata-Moabu,+ Elama, Zatu, Bani,
15 Buni, Azakade, Bebai,
16 Adoniya, Bikivai, Adine,
17 Atele, Hezekia, Azula,
18 Hodia, Hashuma, Bezai,
19 Hadife, Anatote, Nebai,
20 Makepiashi, Meshulama, Hezila,
21 Meshezabele, Zadoki, Yadua,
22 Pelatia, Hanana, Anaya,
23 Hoshea, Hanania, Hashubu,
24 Haloheshe, Pileha, Shobeka,
25 Lehumi, Hashabena, Maaseya,
26 Ahiya, Hanana, Anane,
27 Maluke, Hadime, ne Baane.
28 Bantu bakwabo nabo—babitobo, bene Levi, batulama ba ku kibelo, batuimba, bengidi ba ku tempelo,* ne yewa ense wasonsolokele bantu ba matanda’a kalonda Bijila bya Leza wa bine,+ pamo ne babo bakaji, babo bana bana-balume, ne babo bana bana-bakaji, boba bonso badi na buyuki ne kwivwanija*—
29 bekupa kudi banababo, bana-balume babo ba ntumbo, batyipa koku befinga, kunangila mu Bijila bya Leza wa bine byaletelwe kupityila kudi Mosesa mwingidi wa Leza wa bine, ne kulama na katentekeji mbila yonso ya Yehova Mfumwetu, butyibi bwandi ne misoñanya yandi.
30 Ketukasongejapo betu bana bana-bakaji ku bantu ba ntanda, kadi ketukasongelapo betu bana bana-balume babo bana bana-bakaji.+
31 Shi bantu ba ntanda abaiya na bintu bya kupoteja ne miseke ya miswelo yonso ya kupoteja mu difuku dya Sabato, ketukebapotepo kintu nansha kimo mu dya Sabato+ nansha mu difuku dijila.+ Kadi tukaleka byangulwa bya mu mwaka wa busamba-bubidi+ ne mapu onso ashele.+
32 Kadi twetūdīle musoñanya wa amba muntu ne muntu alete kipindi kimo kya pa bipindi bisatu bya shekele* mwaka ne mwaka mwanda wa mingilo ya njibo* ya Leza wetu,+
33 mwanda wa mikate mitentakanye,*+ ne kyamulambu kya miseke+ kya kyaba ne kyaba, ne kyamulambu kisōkwe kya kyaba ne kyaba kya Masabato,+ ne makweji katenta,+ ne mwanda wa masobo matungwe,+ ne mwanda wa bintu bijila, ne mwanda wa byamulambu bya bubi+ bya kupūtyila Isalela bubi, ne mwanda wa mwingilo onso wa njibo ya Leza wetu.
34 Kadi twata bubale bwa mwa kuletela nkuni yadi ifwaninwe kuleta babitobo, bene Levi, ne bantu ku njibo ya Leza wetu, mungya mobo a batata, pa kitatyi kitungwe, mwaka ne mwaka, ya kusōka pa kisōkelo kya Yehova Leza wetu, mungya bilembelwe mu Bijila.+
35 Tukaleta ne bipa bibajinji byele bya mu ntanda yetu ne bipa bibajinji byele bya mityi ya miswelo yonso ipa bipa, mwaka ne mwaka, ku njibo ya Yehova,+
36 ne umbedi wa ku betu bana ne wa ku bimunanwa byetu+—mungya bilembelwe mu Bijila—ne kilala-ndá kya bañombe betu ne mikōko yetu. Tukebileta ku njibo ya Leza wetu, kudi babitobo bengila ku njibo ya Leza wetu.+
37 Kadi byangulwa bibajinji bya byakudya byetu bya nsekenseke,+ ne byabuntu byetu, ne bipa bya mityi ya miswelo yonso,+ ne vinyu mipya, ne māni,+ tukebileta kudi babitobo, ku byumba bya bibīko* bya njibo ya Leza wetu,+ pamo ne kipindi kimo kya pa bipindi dikumi* bya mu ntanda yetu kudi bene Levi,+ mwanda bene Levi bo abo bakongakanya bya dikumi mu bibundi byetu byonso bya madimi.
38 Kitobo, mwanā Alone, ufwaninwe kwikala na bene Levi pakongakanya bene Levi kipindi kimo kya pa bipindi dikumi; kadi bene Levi bafwaninwe kulambula kipindi kimo kya pa bipindi dikumi kya kipindi kimo kya pa bipindi dikumi ku njibo ya Leza wetu,+ ku byumba* bya kibīko.
39 Mwanda i ku byumba bya bibīko* kukaleta bene Isalela, ne bana ba bene Levi kyabuntu+ kya miseke, ne vinyu mipya, ne māni,+ kadi ko kudi bipungwa bya kipandulwe, ne babitobo bengila, ne batulama ba ku kibelo, ne batuimba. Ketukasūlapo njibo ya Leza wetu.+
Kunshi kwa Dyani
^ Nansha’mba “Tidishata,” kitenta kya mbikavu wa ntanda ya bubikavu ku bene Peleshia.
^ Nansha’mba “bene Netini.” Kishima pa kishima i, “bapānwe.”
^ Bibwanika padi i, “boba bonso badi na myaka ya kwivwanija.”
^ Shekele imo i mangalame 11,4. Tala Mbwejo B14.
^ Nansha’mba “tempelo.”
^ Ko kunena’mba, mikate milombolwe.
^ Nansha’mba “bya kujikija dikumi.”
^ Nansha’mba “byumba bya kudīla’mo.”
^ Nansha’mba “byumba bya kudīla’mo.”
^ Nansha’mba “byumba bya kudīla’mo.”
