Nkindi 16:1-33
16 Muntu uteakanyanga milangwe ya mutyima wandi,*Ino malondololo aleta* atambanga kudi Yehova.+
2 Mashinda onso a muntu amwekanga bu moloke* kwadi,+Ino Yehova ubandaulanga milangwe.*+
3 Pāna kudi Yehova byonso byolonga,*+Kadi mpango yobe yonso ikendeka biyampe.
4 Yehova walonga bintu byonso mwanda wa mpango yandi,Enka ne mubi mwine amba onakanibwe mu difuku dya kyamalwa.+
5 Muntu ense wa mutyima wa mitatulo i wa munyanji kudi Yehova.+
Kulupila’mba* kakabulwepo kupebwa mfuto.
6 Pa buswe bwa ndamatyidile ne bubinebine, kilubo kipūtwanga,+Kadi pa kutyina Yehova, muntu uvundaminanga bibi.+
7 Shi Yehova wasangela mashinda a muntu,Ulengejanga enka ne balwana nandi bekale nandi mu ndoe.+
8 Bintu bityetye ne boloke ponka i biyampe+Kupita’ko kumona bintu bivule pampikwa boloke.+
9 Muntu ubwanya kulanga dishinda dyandi mu mutyima wandi,Ino i Yehova uludika matabula andi.+
10 Butyibi bwa ku bukomo bwa mushipiditu* bufwaninwe kwikala ku milomo ya mulopwe;+Kafwaninwepo nansha dimo kusāsuka ku boloke.+
11 Bitompekejo ne bipimo bya bulēmi byoloke bitambanga kudi Yehova;Bipimo byonso bidi mu mufuko i bilongwa byandi.+
12 Bilongwa bibi i bya munyanji kudi balopwe,+Mwanda lupona i lukomejibwe pototo na boloke.+
13 Binenwa byoloke bisangajanga balopwe.
Basenswe yewa unena pampikwa budimbidimbi.+
14 Bukalabale bwa mulopwe budi pamo bwa mukendi wa lufu,+Ino muntu wa tunangu utalajanga’bo.*+
15 Mu kitōkeji kya mpala ya mulopwe mudi būmi;Kwitabijibwa nandi kudi pamo bwa dikumbi dya mvula wa ku muketeko.+
16 Bine, kwikala na tunangu i kupite buya kwikala na olo!+
I biyampe kutonga kwikala na ñeni kupita’ko ndalama.+
17 Dishinda dikatampe dya muntu moloke swā dinyemanga bibi.
Yewa ense ulama dishinda dyandi ulamanga būmi bwandi.*+
18 Mitatulo ibadikidilanga kupona,Kadi mushipiditu wa kwizunzula ubadikidilanga kukukala.+
19 I kipite buya kwikala mwityepeje* mu bukata mwa betyepeje+Kupita’ko kwiabila kitūtwa kya bantu ba kwizunzula.
20 Yewa ulombola bujinguludi mu mwanda bikamwendekela,*Kadi wa nsangaji i yewa ukulupile mudi Yehova.
21 Wa tunangu mu mutyima ukatelwa bu wa ñeni,+Kadi muntu wa binenwa biyampe* ubwejanga kunekenya.+
22 Bujinguludi i nsulo ya būmi ku boba badi nabo,Ino balembakane balemununwanga na bulembakane bwa abo bene.
23 Mutyima wa muntu wa tunangu upanga kyakanwa kyandi bujinguludi+Kadi ubwejanga kunekenya ku binenwa byandi.
24 Binenwa bisangaja i kisá kya būki,Bitobajanga muya* kadi byundapanga mikupa.+
25 Kudi dishinda dimweka kudi muntu bu dyoloke,Ino ku mfulo ditwala ku lufu.+
26 Buya bwa kudya* bwa mwingidi bumulengejanga engile bikomoMwanda nzala* yandi imutononanga.+
27 Muntu wa bituputupu ukolanga byobya bibi;+Binenwa byandi bidi pamo bwa mudilo usōka.+
28 Muntu wa kavutakanya* uleñanga lupotopoto,+Kadi vubavuba ukalañanyanga balunda ba pa mutyima.+
29 Muntu wa lūma ongolanga mukwaboNe kumutwala mu dishinda dibi.
30 Ufīkanga diso dyandi pakuta nkuku mibi.
Usumanga milomo yandi pafikidija kitumba kyandi kibi.
31 Mvwi i kilukwa kya buya*+Shi idi mu dishinda dya boloke.+
32 Yewa wija pa kukwatwa bulobo+ i mupite buya muntu mukomokomo,Kadi yewa wīfula* i mupite yewa unekenya kibundi.+
33 Bubale butelwanga mu nsonsa,+Ino butyibi bonso butamba’ko i bwa kudi Yehova.+
Kunshi kwa Dyani
^ Nansha’mba “malondololo mayampe.” Kishima pa kishima i, “malondololo a ludimi.”
^ Kishima pa kishima i, “Kulongolola mutyima i kwa muntu.”
^ Kishima pa kishima i, “atōka.”
^ Kishima pa kishima i, “mishipiditu.”
^ Kishima pa kishima i, “Kunkulumwina mingilo yobe kudi Yehova.”
^ Kishima pa kishima i, “Kuboko ku kuboko.”
^ Nansha’mba “bwa Leza.”
^ Nansha’mba “unyemanga’bo.”
^ Nansha’mba “muya wandi.”
^ Kishima pa kishima i, “wa mushipiditu mupēlulwe.”
^ Kishima pa kishima i, “ukamona biyampe.”
^ Nansha’mba “Kadi binenwa bikoka.” Kishima pa kishima i, “Kadi butobaji bwa milomo.”
^ Nansha’mba “Bitobalanga.” Tala Nshintulwilo ya Bishima.
^ Nansha’mba “Muya.”
^ Kishima pa kishima i, “kyakanwa.”
^ Nansha’mba “ukuta nkuku.”
^ Nansha’mba “ntumbo.”
^ Kishima pa kishima i, “utādila mushipiditu wandi.”
