Nkindi 20:1-30
20 Vinyu idi na kibengo,+ bitomibwa bikolwañana i bikutakane;+Yewa ense ulubijibwa nabyo kadipo na tunangu.+
2 Kuzakajibwa* na mulopwe kudi pamo bwa kubuluma kwa ntambo;*+Yewa ense ukolomona bulobo bwandi utūlanga būmi bwandi mu kyaka.+
3 I kya bulēme kudi muntu kupela lupata,+Ino mulembakane ense ukeela’mo.+
4 Muzoze kadimangapo mu kitatyi kya mashika,O mwanda ukekala wa lulombo mu kitatyi kya mwangulo shi kadipo na kintu.*+
5 Milangwe* ya mutyima wa muntu idi pamo bwa mema malampe,Ino muntu wa kusansanya wiitekanga’mo.
6 Bantu bavule basapulanga buswe bwabo bwa ndamatyidile,Ino le i ani ubwanya kutana muntu mukōkele?
7 Moloke unangilanga mu bululame bwandi.+
Ba nsangaji i bandi bana* bamulonda’ko.+
8 Shi mulopwe washikata pa lupona mwanda wa kutyiba mambo,+Upēpanga bibi byonso na meso andi.+
9 Lelo i ani ubwanya kunena’mba: “Natōkeja mutyima wami;+Ngidi tō ku bubi bwami”?+
10 Bipimo bya bulēmi bya budimbidimbi ne bipimo bya bubela*—Byonso i bya munyanji kudi Yehova.+
11 Enka ne mwana* uyukilwanga ku bilongwa byandi,Shi udi na mwiendelejo utōka tō ne moloke.+
12 Matwi evwana ne meso amona—Yehova ye wibilongele byonso.+
13 Kokasanswa tulo, nankyo ukafulanga ku bulanda.+
Pūtula meso obe, nabya ukekūta byakudya.+
14 Mpotyi unena’mba, “Ke biyampepo, ke biyampepo!”Kupwa wataluka kaetumbika.+
15 Kudi olo, ne mabwe a kolaye* mangi,Ino milomo ya buyuki i kintu kya bulēme.+
16 Yata kivwalwa kya muntu shi waleta kyeya pa mwanda wa mweni;+Muyate kyeya shi wekiletele pa mwanda wa mwana-mukaji mweni.*+
17 Byakudya bimonwa na bongojani bitobalanga muntu,Ino kupwa kyakanwa kyandi kikayula lubweyele.+
18 Shi kudi kwisambila pamo,* mpango ikendeka,*+Kadi na bwendeji bwa bwino,* lwá divita dyobe.+
19 Vubavuba wendakananga usokola myanda mifyame;+Kokapwana na yewa usenswe lubabo.*
20 Yewa ense ufinga shandi ne inandi,Kinanu kyandi kikabula shi fukutu ibafika.+
21 Bupyani bupyanwa dibajinji na makomwa-mesoKebukekalapo bu dyese ku mfulo.+
22 Kokanena’mba: “Nsa kulubula kibi!”+
Kulupila mudi Yehova,+ nandi ukakupandijanga.+
23 Bipimo bya bulēmi bya budimbidimbi* i bya munyanji kudi Yehova,Kadi bipimo bya bulēmi bya bongojani ke biyampepo.
24 Matabula a muntu aludikwanga na Yehova;+Le muntu ubwanya namani kwivwanija dishinda dyandi?*
25 I dikinga kudi muntu wela lubila bukidibukidi amba, “I kijila!”+
Kupwa kabandaula mpiko yawapika’ya.+
26 Mulopwe wa tunangu upēpanga babi+Ne kwibalandala na ditonto dya kipungwa kya kupūla nakyo.+
27 Umpuya wa muntu i kinanu kya Yehova,Kikimbakimba mu bya munda byandi.
28 Buswe bwa ndamatyidile ne kikōkeji bilamanga mulopwe;+Uningishanga lupona lwandi na buswe bwa ndamatyidile.+
29 Ntumbo ya bansongwalume i bukomo bwabo,+Buya bwa dyangi bwa banunu nabo i mvwi yabo.+
30 Bivimvilwa ne bilonda bitalulanga* kibi,+Bikupilwa nabyo bitōkejanga bya munda bya muntu.
Kunshi kwa Dyani
^ Nansha’mba “Kulengejibwa moyo.”
^ Nansha’mba “ntambo mwana wa manyenze.”
^ Bibwanika padi i, “Ukatala mu kitatyi kya mwangulo ino kumona kintu mpika.”
^ Nansha’mba “Mifwatakanyo.” Kishima pa kishima i, “Madingi.”
^ Kishima pa kishima i, “bana bana-balume.”
^ Nansha’mba “Bipimo bibidi bishile bya mabwe ne bintu bibidi bishile bya kupima nabyo.”
^ Nansha’mba “mwana mwana-mulume.”
^ Tala Nshintulwilo ya Bishima.
^ Nansha’mba “mweni.”
^ Nansha’mba “madingi.”
^ Nansha’mba “ikakomejibwa.”
^ Nansha’mba “bwendeji bwa tunangu.”
^ Nansha’mba “ongola na milomo yandi.”
^ Nansha’mba “Bipimo bibidi bishile bya mabwe.”
^ Nansha’mba “dishinda dya kwenda?”
^ Nansha’mba “bitōkejanga.”
