Nkindi 23:1-35
23 Shi ubashikata kudya na mulopwe,Tá mutyima bininge ku byobya bidi ku meso obe;
2 Tūla lupete pa mudibu obe*Shi udi na nzala bininge.*
3 Kokabila bininge byakudya byandi bya munsonso,Mwanda i byakudya bya kyongo.
4 Kokepūngija mwanda wa kumona bupeta.+
Leka, kadi ikala na ñeni.*
5 Kitatyi kyoela’ko diso, kebukidi’popo,+Mwanda bine bukamena mapapa pamo bwa mukebo ne kutumbuka mūlu.+
6 Kokadya byakudya bya muntu wa mwino;*Kokabila bininge byakudya byandi bya munsonso,
7 Mwanda aye udi pamo bwa muntu ubala’nka kubala.*
Ukunena’mba: “Dyá, toma,” ino bidi ku mutyima bingi.*
8 Ukalasa bibese byowadya’byaKadi luñanyañanya lobe lukenda mu bitupu.
9 Kokesambila mu matwi a kivila,+Mwanda kikafutulula tunangu twa binenwa byobe.+
10 Kokatundulula kiyukeno kya mukalo kya kala+Nansha kutwela mu budimi bwa mwana wampikwa shandi.
11 Mwanda Mwine wa kwibalwila* i mukomo;Ukakulandulanga mambo abo.+
12 Itabija bulemununi na mutyima onsoNe kuta kutwi kobe ku binenwa bya buyuki.
13 Kokasuminwa mwana mwana-mulume* bulemununi.+
Shi umukupile lusonde, kasapo kufwa.
14 Ufwaninwe kumukupila lusonde,Mwanda wa kumupandija* ku Kibundu.*
15 Wami mwana, shi mutyima obe wikale na tunangu,Nabya mutyima wami ukasangala.+
16 Bya munda byami* bikasangalaShi milomo yobe īsamba byoloke.
17 Mutyima obe kewakabila babipya-mambo,+Ino tyina Yehova difuku dyonso dituntulu,+
18 Mwanda nabya ukekala na būmi bwa kumeso,+Kadi lukulupilo lobe kelukatalulwapo.
19 Wami mwana, ivwana wikale wa tunangu,Kadi ludikila mutyima obe mu dishinda dyoloke.
20 Kokekala mu bukata mwa boba batoma vinyu mingi mpata,+Mu bukata mwa boba badyadyadya mwita wa ntanda.+
21 Mwanda nkolwankolwa ne wa mudyopolo bakafula ku bulanda,+Kadi kukunuka kukavwika muntu bisasa.
22 Ivwana shobe wakubutwile,Kadi kokafutulula inobe mwanda’po’tu wanunupa.+
23 Pota* bubine, kokapotoloja’bo nansha dimo,+Ne tunangu ne bulemununi ne ñeni.+
24 Bine, shandya moloke ukekala na nsangaji;Yewa ense ubutula mwana wa tunangu ukamusangela.
25 Ba shobe ne inobe bakasepelela,Kadi inobe wakubutwile ukekala na nsangaji.
26 Wami mwana, mpe mutyima obe,Kadi meso obe asangele mashinda ami.+
27 Mwanda ndumba i kīna kilampe,Kadi mwana-mukaji wa busekese* i mushimwa mutyetye.+
28 Ulālanga utengele pamo bwa kabwalāla;+Uvudijanga bana-balume bampikwa kikōkeji.
29 Lelo udi na malwa i ani? Lelo uzuzukutazuzukuta i ani?
Lelo wa lupotopoto i ani? Lelo wa mitompwe i ani?
Lelo wa bilonda byampikwa mwanda i ani? Lelo wa meso atyila* i ani?
30 I boba beja kitatyi kilampe pa vinyu;+Boba bakimbakimba* vinyu mityange.
31 Kokatala kutyila kwa vinyuPoyeñenya mu kitomeno kadi yenda itūka senene,
32 Mwanda ku mfulo isumananga pamo bwa nyoka,Kadi itambijanga bulembe pamo bwa mpidi.
33 Meso obe akamona bintu byeni,Mutyima obe nao ukesamba bintu bya bupupakane.+
34 Kadi ukekala pamo bwa muntu ulēle mu bukata mwa dijiba,Pamo bwa muntu ulēle pa nsongo ya mikabo ya kidindo kya kyombo.
35 Ukanena’mba: “Baunkupile, ino nkyebivwenepo.*
Baunkupile, ino ami kuyuka mpika.
Le nkalanguka kitatyi’ka?+
Nsaka ntome monka.”*
Kunshi kwa Dyani
^ Nansha’mba “Wikoke.”
^ Nansha’mba “muya muyule bya kusakasaka.”
^ Bibwanika padi i, “Leka ñeni ya abe mwine.”
^ Nansha’mba “bya muntu wa diso dibi.”
^ Nansha’mba “upikula mu muya wandi.”
^ Kishima pa kishima i, “mutyima wandi keudipo nobe.”
^ Kishima pa kishima i, “Mukūdi.”
^ Nansha’mba “mwanuke.”
^ Nansha’mba “kupandija muya wandi.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Kishima pa kishima i, “mfyo yami.”
^ Nansha’mba “Ikala na.”
^ Nansha’mba “abumbudima.”
^ Nansha’mba “bebunga mwanda wa kutompa.”
^ Nansha’mba “nkyaivwenepo misanshi.”
^ Nansha’mba “Nkakimba’yo monka.”
