Obadia 1:1-21
1 Kimonwa kya Obadia:*
Mfumu Mwinē Lupusa Lonso Yehova wanena pa mwanda wa Edoma+ namino amba:
“Tubaivwana mwanda utamba kudi Yehova,Mutumwa watumwe mu bukata mwa mizo amba:
‘Imanai, twilongololei mwanda wa kulwa nandi.’”+
2 “Tala! Nakwalamuna kodi mutyetyetyetye mu mizo;Ubafutululwa bininge.+
3 Ditatu dya* mutyima obe dibakongola,+Abe wikele mu kidibwe mwa kunyemena,Ushikete patunduke, unena mu mutyima obe amba,‘Le i ani ukantūkija panshi?’
4 Nansha shi ukandije kīkalo kyobe palampe* pamo bwa mukebo,Nansha shi wale bunswa bobe mu bukata mwa ñenyenye,Nkakutūkija’mo,” i Yehova unena.
5 “Shi bangivi baile kodi, batubwalāla nabo bufuku,(Bine ukonakanibwa binebine!)*
Mwene badi ba kwiba enka byobasaka?
Kadi shi bangudi ba mañanza bo badi ba kwiya kodi,Le kebakashiye’kopo bya kukōkolola bimo?+
6 Bine, Esau wakimbwe!
Bine, byabulēme byandi bifibwe bibakimbwe!
7 Abakupangila ku mukalo.
Bapwani* nobe bonso abakongola.
Bantu badi nobe mu ndoe abakunekenya.
Boba badyanga nobe byakudya bakakuta bukonde munshi,Ino kukajingulula’kyopo.
8 Mu dyodya difuku,” i Yehova unena,“Le nkikonakanyapo bantu ba tunangu mu Edoma+Ne konakanya kusansanya mu ntanda ya ngulu ya Esau?
9 Kadi ba bulwi bobe bakatuyuka,+ abe Temani,+Mwanda muntu ense mu ntanda ya ngulu ya Esau ukatapwa.+
10 Pa mwanda wa lūma lowatambile mwanenu Yakoba,+Bumvu bukakupūta,+Kadi ukoneka lonso.+
11 Mu difuku dyowaimene kufula,Mu difuku dyaselelwe kibumbo kyandi mu bu misungi na beni,+Patwelele beni mu kibelo kyandi ne kuta bubale+ pangala pa Yelusalema,Abe walongele pamo bwa abo.
12 Kufwaninwepo kusangela difuku dya mwanenu mu difuku dya bulanda bwandi,+Kufwaninwepo kusangala pangala pa bantu ba Yuda mu difuku dya koneka kwabo,+Kadi kufwaninwepo kwisamba bya kibengo mu difuku dya tusua twabo.
13 Kufwaninwepo kutwela mu kibelo kya bantu bami mu difuku dya kimpengele kyabo,+Kufwaninwepo kusangela kyamalwa kyandi mu difuku dya kimpengele kyandi,Kadi kufwaninwepo kōlola maboko obe pa bupeta bwandi mu difuku dya kimpengele kyandi.+
14 Kufwaninwepo kwimana pa mansanka mwanda wa kutapa bantu bandi bapanda,+Kadi kufwaninwepo kupāna bantu bandi bashele bōmi mu difuku dya tusua.+
15 Mwanda difuku dya Yehova pa mizo yonso dibafwena.+
Monka mowalongele, nobe ye mokalongelwa.+
Muswelo owalongele bakwenu, ukajokela pa mutwe obe.
16 Mwanda monka mowatomene pa lūlu lwami lujila,Mizo yonso nayo ikatoma kyaba kyonso.+
Ikatoma ne kumina kubyu,Kadi ikekala pamo bwa ayo keyaikele’ko kashā.
17 Ino pa Lūlu lwa Ziona pakekala boba bapanda,+Lukekala lujila;+Kadi njibo ya Yakoba ikayata bintu byabo.+
18 Njibo ya Yakoba ikekala ke mudilo,Njibo ya Yosefa nayo ke lubimbi,Kadi njibo ya Esau ikekala pamo bwa bityakuku;Bakebakija ne kwibasōka,Kadi kekukekalapo nansha umo ukashala mūmi mu njibo ya Esau,+Mwanda Yehova mwine wesambe’kyo.
19 Bakayata Nengeba ne ntanda ya ngulu ya Esau ke yabo,+Shefela ne ntanda ya bene Fidishitia.+
Bakayata budimi bwa Efelaimi ne budimi bwa Samadia ke bwabo,+Benjemani nandi ukayata Ngileade ke wandi.
20 Misungi ya dino dibunda,*+Bantu ba Isalela bakayata ntanda ya bene Kenani kufika ne ku Zelefata.+
Misungi ya Yelusalema, yadi mu Sefalade nayo ikayata bibundi bya Nengeba ke byayo.+
21 Kadi bapandiji bakakanda ku Lūlu lwa ZionaMwanda wa kutyibila ntanda ya ngulu ya Esau mambo,+Kadi bulopwe bukekala bwa Yehova.”+
Kunshi kwa Dyani
^ Ko kushintulula’mba “Mwingidi wa Yehova.”
^ Nansha’mba “Kibutakwe kya.”
^ Bibwanika padi i, “utumbuke palampe.”
^ Bibwanika padi i, “Mwene badi ba konakanya?”
^ Nansha’mba “Boba badi nobe mu kipwano.”
^ Nansha’mba “ino nsakwa.”