Yelemia 13:1-27
13 Yehova wansapwidile namino amba: “Enda ukapote mukaba wa bukonge uvwale’o mu kifuka, ino kokatubika’o mu mema.”
2 Penepo napota mukaba mwendele kinenwa kya Yehova, navwala’o mu kifuka.
3 Kadi kinenwa kya Yehova kyaiya kondi musunsa wa bubidi amba:
4 “Yata mukaba owapotele ovwele’o, utaluke wende ku Ufalete ukeufye’ko mu mpako ya kidibwe.”
5 Penepo kala naenda nakeufya ku Ufalete monka mwaunsoñaninye Yehova.
6 Ino mafuku mavule pa kupita’po, Yehova waunena’mba: “Taluka wende ku Ufalete, ukasele’ko mukaba onakusoñenye kufya’ko.”
7 Penepo naenda ku Ufalete, nakola mukaba neutambija pa kifuko kyoneufile, namona’mba mukaba’wa wadi ke moneke; kewadipo monka na kamweno nansha kamo.
8 Ebiya kinenwa kya Yehova kyaiya kondi amba:
9 “Yehova wanena namino amba, ‘Mo monka monkonakenya mitatulo ya Yuda ne mitatulo mikatampe ya Yelusalema.+
10 Bano bantu babi bapela kukōkela binenwa byami,+ balonda mutyima wabo na kibengo+ kadi balonda baleza bangi, bebengidila ne kwivukwila kobadi, bakekalanga pamo bwa uno mukaba wampikwa kamweno nansha kamo.’
11 ‘Mwanda monka mulametanga mukaba mu kifuka kya muntu, nami nalamatyije njibo yonso ya Isalela ne njibo yonso ya Yuda kondi,’ i Yehova unena, ‘amba bekale kondi bu bantu,+ bu dijina,+ bu mitendelo ne bu kintu kilumbuluke. Ino abo kebakōkelepo.’+
12 “Kadi ufwaninwe kwibasapwila namino amba: ‘Yehova Leza wa Isalela wanena namino amba: “Mulondo onso mukatampe ukadingwa’mo vinyu.”’ Nabo bakakulondolola’mba, ‘Mwene tuyukile kala’mba mulondo onso mukatampe ukadingwa’mo vinyu?’
13 Ebiya ukebanena’mba, ‘Yehova wanena namino amba: “Bekadi bonso ba ino ntanda’i,+ ne balopwe bashikete pa lupona lwa Davida, ne babitobo ne bapolofeto ne bekadi bonso ba Yelusalema, nsa kwibadinga bunkolwankolwa.
14 Kadi nsa kwibasonsakanya umo ku mukwabo, ne bashabantu ne bana bene pamo,” i Yehova unena.+ “Nkikebevwaninapo kanye, nansha kwibevwanina bulanda, nansha kwibafwila lusa; i kutupu kintu nansha kimo kikankankaja kwibonakanya.”’+
15 Ivwanai kadi tai mutyima.
Kemwakezunzulai, mwanda Yehova wesambe.
16 Tumbijai Yehova Leza wenu ntumboPano pakaletele fukutuNe kepakukele maulu enu ku ngulu pa kapita i kāni.
Mukatengela kitōkeji,Ino aye ukaleta mwemba mukatampe;Ukekyalamuna ke mfindi bwī.+
17 Kadi shi mupele kwivwana,Ami nkadila* kufula pangala pa mitatulo yenu.
Nkasūmija impolo mingi, meso ami akazululuka impolo,+Mwanda luombe lwa Yehova+ lubaselwa bu misungi.
18 Lombola mulopwe ne ina mfumu* amba,+ ‘Shikatai pa kifuko kya munshi,Mwanda kilukwa kyenu kilumbuluke kikapona ku mitwe yenu.’
19 Bibundi bya kunshi bibashitwe,* i kutupu muntu wa kwibishitula.
Yuda ense waselwa bu musungi, waselwa ense bu musungi.+
20 Tulula meso obe umone boba bāya kungala.+
Le luombe lobakupele, mikōko yobe milumbuluke koidi i kwepi?+
21 Lelo ukanena bika shi abakupe mfutoKudi balunda nobe ba pa mutyima bowapwene nabo tamba ku ngalwilo?+
Mwene bisanso bya lubutulo bikakukwata, pamo bwa bya mwana-mukaji ubutula?+
22 Kadi shi unene mu mutyima obe amba ‘Mwanda waka bino bintu bibamfikila?’+
Milomo ya kivwalwa kyobe yavūdilwe pa mwanda wa kilubo kyobe kikatampe+Kadi o mwanda tupondo tobe twasanshijibwe bininge.
23 Lelo mwine Kusha* ubwanya kushinta lukoba lwandi, nansha ngé makeme andi?+
Shi i amo, nankyo mukokeja kulonga biyampe,Banwe bantu bobafundije kulonga bibi.
24 O mwanda nkebapalakanya pamo bwa bityakuku bipepulwa na kivula kya mu ntanda mutuputupu.+
25 Kino kyo kyepelo kyobe, kipindi kyonakupimina,” i Yehova unena,“Mwanda ubangilwa+ kadi ubakulupila mu bubela.+
26 O mwanda, nkakandija milomo ya kivwalwa kyobe ku mpala yobe,Kadi bumvu bobe bukamweka,+
27 Bilongwa byobe bya makoji+ ne kudila kodila kilokoloko,Busekese bobe bwa kiboja.*
Pa mikuna, mu ntanda,Namone’mo mwiendelejo obe wa mukenye.+
Malwa obe abe Yelusalema!
Le ukekala wa disubi kufika ne kitatyi’ka?”+
Kunshi kwa Dyani
^ Nansha’mba “Muya wami ukadila.”
^ Nansha’mba “lolo mfumu.”
^ Nansha’mba “bibatēkelwa kasāla.”
^ Nansha’mba “mwine Efiopya.”
^ Nansha’mba “bwa bumvu.”
