Yelemia 14:1-22
14 Kino’ki kyo kinenwa kya Yehova kyaile kudi Yelemia pa mwanda wa mulanga amba:+
2 Yuda udilanga madilo,+ kadi bibelo byandi bibaoneka.
Bibatwela pa nshi bifītwe,Kadi madilo abakanda mu Yelusalema.
3 Bamfumwabo abatume bengidi babo* bakateke mema.
Abaenda ku mishimwa ya* mema ino kebatenepo mema.
Abajoka na bintu byabo mwambulwa kintu.
Abafu bumvu ne kutyumukwa mutyima.
Kadi abepūta ku mitwe yabo.
4 Nshi byoyaladikaladika,Mwanda kekudipo mvula pa ntanda,+Babidimye abatuyuka kadi abepūta ku mitwe yabo.
5 Nansha ke kasha kakaji mu ntanda kashiyanga wako mwanaMwanda i kutupu biyombo.
6 Bampunda ba ntanda abaimana pa mikuna idi tō.
Balula luvula pamo bwa mizeu;Meso abo abakōka mwanda i kutupu munamuna.+
7 Nansha bilubo byetu byobituponeja,A Yehova, longa’po kintu pa mwanda wa dijina dyobe.+
Mwanda bilongwa byetu bya kubulwa kikōkeji i bingi,+Kadi i abe otwapya mambo.
8 A lukulupilo lwa Isalela, Umpandiji+ wandi mu bitatyi bya tusua,Mwanda waka udi pamo bwa mweni mu ntanda,Pamo bwa ñenda wimana mwanda’tu wa kulāla bufuku?
9 Mwanda waka udi pamo bwa muntu wakwatwa moyo,Pamo bwa muntu mukomokomo kabwanyapo kupandija?
Mwanda udi mu bukata mwetu, a Yehova,+Kadi betwityilanga pa dyobe dijina.+
Koketuleka.
10 Yehova wanena pa mwanda wa bano bantu namino amba: “Basenswe kunangakana;+ kebakankajangapo maulu abo.+ O mwanda Yehova kebasangedilepo.+ Pano usa kuvuluka kilubo kyabo ne kwibeta beshintulwile pa bubi bwabo.”+
11 Penepo Yehova waunena’mba: “Kokalombela pa mwanda wa bano bantu bamone biyampe.+
12 Pobashikilwa na nzala, nkivwanangapo kwabija kwabo,+ kadi pobalambula byamulambu bisōkwe bituntulu ne byamulambu bya miseke, nkibisangelangapo,+ mwanda nkebepaya ku kipete, ku kipupo kya nzala, ne ku kipupo kya misongo.”*+
13 Ponkapo nanena’mba: “Yō, a Mfumu Mwinē Lupusa Lonso Yehova! Bapolofeto aba bebalombola’mba, ‘Kemukamonepo kipete, kadi kipupo kya nzala kekikemuponenapo, ino ami nkemupa ndoe ya bine mu kino kifuko.’”+
14 Penepo Yehova waunena’mba: “Bapolofeto’bo banenanga bupolofeto bwa bubela mu dijina dyami.+ Nkibatuminepo nansha kwibasoñanya nansha kwisamba nabo.+ Bupolofeto bobanena kodi i kimonwa kya bubela ne lubuko lwa bitupu kadi i bongojani bwa mityima yabo.+
15 O mwanda Yehova wanena namino pa mwanda wa bapolofeto banena bupolofeto mu dijina dyami, nansha byonkibatuminepo, banena’mba i kutupu kipete nansha kipupo kya nzala kikāya mu ino ntanda, amba: ‘Babo bapolofeto’bo bakafwa ku kipete ne ku kipupo kya nzala.+
16 Kadi bantu bobanenena bupolofeto bakelwa mu bipito bya Yelusalema mwanda wa kipupo kya nzala ne kipete, pambulwa nansha umo wa kwibajīka+—abo, babo bakaji, babo bana bana-balume ne bana-bakaji bene—mwanda nkebapungulwila kyamalwa kibafwaninwe.’+
17 “Ukebalombola bino binenwa’mba,‘Meso ami azululuke impolo bufuku ne dyuba, kuleka’byo mpika,+Mwanda mujike, mwanā bantu bami mwana-mukaji wavingakanibwa ne kutyumunwa lonso,+Na kilonda kikatampe bininge.
18 Shi naenda mu ntanda na’mba ntale,Namona boba batapwe na kipete!+
Kadi shi natwela mu kibundi,Namona misongo ya kipupo kya nzala!+
Mwanda ne mupolofeto ne kitobo bajokolokanga mu ntanda yokebayukilepo.’”+
19 Lelo ubapele Yuda lonso, kadi le ubashikididilwa* Ziona?+
Mwanda waka ubetukupila, byoketubwanyapo kundapwa?+
Kwadi lukulupilo lwa ndoe, ino i kutupu kiyampe kiile’ko,Kwadi lukulupilo lwa kitatyi kya kundapwa, ino kudi luzakalo!+
20 A Yehova tubaitabija bubi bwetu,Ne kilubo kya bakulutuba betu,Mwanda tubakupi mambo.+
21 Pa mwanda wa dijina dyobe, koketwela;+Kokafutulula lupona lobe lwa ntumbo.
Vuluka, kadi kokatyiba kipwano kyopwene netu.+
22 Le bilezaleza bya bitupu bya mizo bibwanya kuleta mvula,Nansha madiulu le abwanya kunokeja mvula ao mene?
Mwene i Abe kete, a Yehova Leza wetu?+
Kadi tukukulupile,Mwanda abe bunka bobe ubalonga bino bintu byonso.
Kunshi kwa Dyani
^ Nansha’mba “bantu babo ba munshi.”
^ Nansha’mba “bīna bya; byumbu bya.”
^ Nansha’mba “ku misongo.”
^ Nansha’mba “muya obe ubashikididilwa.”
