Yelemia 17:1-27
17 “Bubi bwa Yuda i bulembwe na ka kulemba nako ka kyuma.
I bulembwe na nsongo ya dyama pa kipāpo kya mutyima waboNe ku masengo a bisōkelo byabo,
2 Babo bana papo bavuluka bisōkelo byabo ne byabo bipanda bikola*+Kufula kwa mutyi muvwambile, pa mikuna milamila,+
3 Pa ngulu mu ntanda.
Bupeta ne byabulēme byobe byonso, nkebipāna bu kitūtwa+—Bine, mitenta yobe pa mwanda wa bubi budi mu matanda obe onso.+
4 Ukapāna ku bitupu, abe mwine, bupyani bobe bonakupele.+
Kadi nkakulengeja wingidile balwana nobe mu ntanda yokuyukilepo,+Mwanda mubaakija bulobo bwami pamo bwa mudilo.*+
Bukatēma kitatyi kyonso.”
5 Yehova wanena namino amba:
“Afingwe mafingo yewa muntu* ukulupila mu bantu ba bituputupu,+Ukulupila mu bukomo bwa muntu,*+Kadi wa mutyima upaluka kudi Yehova.
6 Ukekalanga pamo bwa mutyi mwitolwele mu ntanda mudi zolē.
Kakamonepo pāya biyampe,Ino ukekala mu kifuko mūmu tē mu ntanda mutuputupu,Mu ntanda ya mwepo kemushikatyika.
7 Eselwe dyese yewa muntu* ukulupile mudi Yehova,Kikulupiji kyandi kidi mudi Yehova.+
8 Ukekalanga pamo bwa mutyi mukunwe ku mema,Utweja miji yao mu kamunonga.
Kakajingululapo pāya kyanga,Ino mani andi akavwambila mafuku onso.+
Kadi mu mwaka wa mulanga kakazumbijapo mutyima wandi,Nansha kuleka kupa bipa.
9 Mutyima i ñongojani kutabuka kintu kyo-kyonso kadi i mubimubi.*+
Le i ani ubwanya kwiuyuka?
10 Amiwa Yehova, nsātanga mutyima,+Mandaulanga milangwe ya munda,*
Mwanda wa kufuta muntu ne muntu mungya mashinda andi,Mungya bipa bya mingilo yandi.+
11 Pamo bwa nkwadi ukongakanya mai akēlelepo,Mo mwikadile ne muntu umona bupeta na budimbidimbi.*+
Bukamushiya pa bukata bwa būmi bwandi,Kadi mfulo mfulō ukekala wampikwa ñeni.”
12 Lupona lwa ntumbo, luzunzulwe tamba ku ngalwilo,I kifuko kya kipandulwe kyetu.+
13 A Yehova, lukulupilo lwa Isalela,Boba bonso bakuleka bakafwa bumvu.
Boba bonso bakupondoka* bakalembwa mu luvumbi,+Mwanda abaleka Yehova, nsulo ya mema a būmi.+
14 A Yehova, ñundape, nami nkakoma.
Mpandije, nami nkapanda,+Mwanda abe wi mitendelo yami.
15 Tala! Kudi bantu banena’mba:
“Le kinenwa kya Yehova kidi kwepi?+
Kīye nanshi!”
16 Ino amiwa, nkyalekelepo kukulonda pamo bwa mukumbi,Kadi nkyaabilepo bininge difuku dya kyamalwa.
Uyukile biyampe bintu byonso binena milomo yami;Byonso byalongekele ku meso obe!
17 Kokinkwatyija moyo.
Abe wi kinyemeno kyami mu difuku dya kyamalwa.
18 Boba bampangapanga bafwijibwe bumvu,+Ino ami kokamfwija bumvu.
Bazakajibwe,Ino ami kokanzakaja.
Wibaletele difuku dya kyamalwa,+Kadi wibavingakanye ne kwibonakanya fututu.*
19 Yehova waunenene namino amba: “Enda ukemane mu kibelo kya bana ba bantu patwelelanga ne patambilanga balopwe ba Yuda, ne mu bibelo byonso bya Yelusalema.+
20 Wibalombole amba, ‘Tejai kinenwa kya Yehova, banwe balopwe ba Yuda, ne bantu bonso ba Yuda, ne bekadi bonso ba Yelusalema, batwelelanga pa bino bibelo.
21 Yehova wanena namino amba: “Tadijai,* kemwakiselai kiselwa kyo-kyonso mu difuku dya Sabato nansha kwikitwejeja pa bibelo bya Yelusalema.+
22 Kemufwaninwepo kutambija kiselwa kyo-kyonso mu mobo enu mu difuku dya Sabato; kadi kemufwaninwepo kwingila mwingilo nansha umo.+ Lamai difuku dya Sabato dikale dikola, monka monasoñaninye’kyo bakulutuba benu.+
23 Ino kebaivwenepo nansha kuta matwi abo, bapelele na kibengo* kukōkela nansha kwitabija kulemununwa.”’+
24 “‘“Inoko, shi munkōkele mu byonso,” i Yehova unena, “kadi shi muleke kutweja kiselwa kyo-kyonso pa bibelo bya kino kibundi mu difuku dya Sabato, kadi mulame difuku dya Sabato dikale dikola na kuleka kwingila’dyo mwingilo nansha umo,+
25 nabya balopwe bonso ne bamfumu bashikete pa lupona lwa Davida+ nabo bakatwelela pa bibelo bya kino kibundi, bakandile pa dikalo ne pa tubalwe, abo ne bamfumu babo, ne bana-balume ba Yuda ne bekadi ba Yelusalema;+ kadi kino kibundi kikekalwa’mo kitatyi kyonso.
26 Kadi bantu bakatamba ku bibundi bya Yuda, ku bifuko bijokolokele Yelusalema, ku ntanda ya Benjemani,+ ku kitabataba,+ ku ntanda ya ngulu, ne ku Nengeba,* bakaleta byamulambu bisōkwe bituntulu,+ bitapwa,+ byamulambu bya miseke,+ ensense itōka, ne bitapwa bya kufwija’ko mu njibo ya Yehova.+
27 “‘“Ino shi kemunkōkelepo mu myanda ya kulama difuku dya Sabato bu dikola ne kuleka kusela biselwa ne kwibitwejeja pa bibelo bya Yelusalema mu difuku dya Sabato, nabya nkasōka bibelo byandi na mudilo, ukaloteja binebine biteba bikomejibwe bya Yelusalema+ kadi keukabulepo.”’”+
Kunshi kwa Dyani
^ Tala Nshintulwilo ya Bishima.
^ Bibwanika padi i, “Mwanda mubaakijibwa mu bulobo bwami pamo bwa mudilo.”
^ Nansha’mba “muntu mukomo.”
^ Kishima pa kishima i, “Utūla ngitu ke kuboko kwandi.”
^ Nansha’mba “muntu mukomo.”
^ Bibwanika padi i, “keundapikapo.”
^ Nansha’mba “milangwe mifyame.” Kishima pa kishima i, “mfyo.”
^ Nansha’mba “ino kwampikwa boloke.”
^ Kishima pa kishima i, “bampondoka,” mobimwekela kifunkila padi Yehova.
^ Nansha’mba “wibonakanye misunsa ibidi.”
^ Nansha’mba “Myuya yenu itadije.”
^ Kishima pa kishima i, “baūmije nshingo yabo.”
^ Nansha’mba “kunshi.”
