Yelemia 19:1-15
19 Yehova wanena namino amba: “Enda kwa umbumbi ukapote katyibi ka dilongo.+ Usele bakulumpe bamo ba bantu ne bakulumpe bamo ba babitobo,
2 wende ku Musanza wa Mwanā Hinome,+ pa ntwelelo ya Kibelo kya Bininga. Kanene kwine’kwa binenwa byonakulombola.
3 Ukanena’mba, ‘Ivwanai kinenwa kya Yehova banwe balopwe ba Yuda ne bekadi ba Yelusalema. Yehova wa bibumbo, Leza wa Isalela wanena namino amba:
“‘“Kensa kuleta kyamalwa pa kino kifuko, kadi matwi a muntu ense ukevwana’kyo akatenda.
4 I mwanda abaundeka+ kadi abaalamuna kino kifuko kekikiyukwapo.+ Balambulanga’mo bitapwa ku baleza bakwabo bokebayukilepo abo ne bakulutuba babo ne balopwe ba Yuda bene, kadi abayuja kino kifuko na mashi a bantu bampikwa mambo.+
5 Baubakīle Bāla mitenta mwanda wa kusōka babo bana mu mudilo bu byamulambu bisōkwe bituntulu kudi Bāla,+ kintu kyonkyasoñenyepo nansha kwisamba’kyo kwine, kadi kekyailepo nansha dimo ku mutyima wami.”’*+
6 “‘“O mwanda tala! mafuku āyanga,” i Yehova unena, “kino kifuko kekiketwepo monka bu Tofeta nansha bu Musanza wa Mwanā Hinome, ino bu Musanza wa Kutukija.+
7 Nkakankaja mpango ya Yuda ne ya Yelusalema mu kino kifuko, kadi nkebaponeja ku kipete ku meso a balwana nabo ne ku kuboko kwa boba bakimba kuyata būmi bwabo.* Kadi nkapāna imbidi yabo mifwe ke byakudya bya byoni bya mūlu ne bya banyema ba pa ntanda.+
8 Nkalamuna kino kibundi ke kintu kya nzuba, ke kintu kya kwidilwa muluji. Muntu ense ukapita’ko, ukatala na moyo ne kwila muluji pa mwanda wa bipupo byayo byonso.+
9 Kadi nkebadisha mwita wa babo bana bana-balume ne bana-bakaji, kadi muntu ne muntu ukadya mwita wa mukwabo, pa mwanda wa kasāla ne kufudilwa pa kutyinibwa mbavu na balwana nabo ne boba bakimba kuyata būmi bwabo.”’*+
10 “Ebiya ulale katyibi ku meso a bana-balume bokenda nabo,
11 kupwa wibanene amba: ‘Yehova wa bibumbo wanena namino amba: “I namino monkaladila bano bantu ne kino kibundi, pamo bwa muntu ulala kipungwa kya umbumbi muswelo okekibwanikapo kulongololwa nansha dimo; kadi bakajīka bafwe mu Tofeta enka ne byomubulwa kyaba kya kwibajīka.”’+
12 “‘Byo byonkalonga kino kifuko,’ i Yehova unena, ‘ne bekadi bakyo, kulonga kino kibundi pamo bwa Tofeta.
13 Kadi mobo a Yelusalema ne mobo a balopwe ba Yuda akekala a disubi pamo bwa kino kifuko, Tofeta,+ bine, mobo onso a misaka pobalambwidile bitapwa ku bibumbo byonso bya mūlu+ ne pobapungulwidile byamulambu bya bitomibwa ku baleza bakwabo.’”+
14 Yelemia pa kujoka ku Tofeta kwamutumine Yehova kukanena bupolofeto, waimana mu kipango kya njibo ya Yehova kanena ku bantu bonso amba:
15 “Yehova wa bibumbo, Leza wa Isalela wanena namino amba, ‘Nsa kuletela kino kibundi ne bibundi byakyo byonso byamalwa byonso byonekinenēne, mwanda bapelele na kibengo* kukōkela ku binenwa byami.’”+
Kunshi kwa Dyani
^ Nansha’mba “kekyatwelelepo mu milangwe yami.”
^ Nansha’mba “bakimba muya wabo.”
^ Nansha’mba “bakimba muya wabo.”
^ Kishima pa kishima i, “baumije nshingo yabo mwanda wa kuleka.”
