Yelemia 21:1-14
21 Yelemia watambula kinenwa kya Yehova kitatyi kyamutumīne Mulopwe Zedekia+ ba Pashula+ mwanā Malekiya ne Zefenia+ mwanā Maaseya, kitobo, bakamunene amba:
2 “Tubakwisāshila, witwipangwile kudi Yehova, mwanda Nebukaneza* mulopwe wa Babiloni waiya kwitutamba bulwi.+ Kepabulwe padi Yehova uketulongela kilongwa kya kutendelwa, amba etusonsoloke.”+
3 Penepo Yelemia webatentulula’mba: “Kalombolei Zedekia amba,
4 ‘Yehova Leza wa Isalela wanena namino amba: “Nsa kwimwalamwina* byabulwi bya divita bidi mu makasa enu, byomulwa nabyo mulopwe wa Babiloni+ ne bene Kaladea badi panja pa lubumbu bemutēkele kasāla. Kadi nsa kwibikongakanya mu bukata mwa kino kibundi.
5 Kadi ami mwine nkalwa nenu+ na kuboko kōlole ne kuboko kwa bukomo, na bulobo ne bukalabale ne kwimufītyilwa mutyima.+
6 Nkakupila bekadi ba kino kibundi, ne bantu ne banyema bene. Bakafwa ku kipupo kikatampe kya misongo.”’*+
7 “‘“Kupwa kino’ki,” i Yehova unena, “nkapāna Zedekia mulopwe wa Yuda ne bengidi bandi ne bantu ba kino kibundi—boba bapandile ku kipupo kya misongo, ku kipete, ne ku kipupo kya nzala—nkebapāna mu kuboko kwa Nebukaneza* mulopwe wa Babiloni, mu kuboko kwa balwana nabo, ne mu kuboko kwa boba bakimba kuyata būmi bwabo.*+ Ukebepaya na kipete. Kakebevwaninapo bulanda, nansha kwibafwila lusa nansha kanye.”’+
8 “Ukasapwila bano bantu amba, ‘Yehova wanena namino amba: “Nsa kutūla ku meso enu dishinda dya būmi ne dishinda dya lufu.
9 Boba bashala mu kino kibundi bakafwa ku kipete, ku kipupo kya nzala, ne ku kipupo kya misongo. Ino yewa ense utamba ne kwitūla ku bene Kaladea bemutēkele kasāla ukashala mūmi, kadi ukekala na būmi bwandi* bu kitūtwa.”’*+
10 “‘“Mwanda natadidija mpala yami ku kino kibundi mwanda wa kyamalwa, ke mwandapo wa biyampe,”+ i Yehova unena. “Kikapānwa mu kuboko kwa mulopwe wa Babiloni,+ nandi ukekisōka mu mudilo.”+
11 “‘Ku ba mu njibo ya mulopwe wa Yuda nenu: Ivwanai kinenwa kya Yehova.
12 A njibo ya Davida, Yehova wanena namino amba:
“Kwatakanyai boloke lubanga lonso,Kadi kūlai yewa ukwetwe mu kuboko kwa muntu wa budimbidimbi,+Kutyina’mba bukalabale bwami bwakāka pamo bwa mudilo+Ne kusōka kwampikwa nansha umo wa kwibubulaPa mwanda wa bilongwa byenu bibi.”’+
13 ‘Nsa kulwa nobe, abe mwikadi wa mu musanza,*Abe dibwe dya mu ntanda ya mutantanshi,’ i Yehova unena.
‘Banwe nenu banena’mba: “Le i ani ukāya kulwa netu?
Ne i ani ukāya kutwela mu bīkalo byetu?”
14 Nkemupa mfutoMungya bilongwa byenu,’+ i Yehova unena.
‘Kadi nkasōka ditó dyandi mudilo,Kadi ukasōka bintu byonso bimujokolokele.’”+
Kunshi kwa Dyani
^ Kishima pa kishima i, “Nebukadeleza,” mulembelo mukwabo wa dino dijina.
^ Nansha’mba “Nsa kwimufulamwina.”
^ Nansha’mba “misongo.”
^ Nansha’mba “bakimba muya wabo.”
^ Kishima pa kishima i, “Nebukadeleza,” mulembelo mukwabo wa dino dijina.
^ Nansha’mba “muya wandi.”
^ Nansha’mba “ukapandija būmi bwandi.”
^ Nansha’mba “dilungu dya musanza.”
