Yelemia 22:1-30
22 Yehova wanena namino amba: “Tūkila ku njibo* ya mulopwe wa Yuda, usapule uno musapu.
2 Nena namino amba, ‘A mulopwe wa Yuda ushikete pa lupona lwa Davida, ivwana kinenwa kya Yehova, abe ne bengidi bobe ne bantu bobe, boba batwelelanga pa bino bibelo.
3 Yehova wanena namino amba: “Kwatakanyai bululame ne boloke. Kūlai yewa ukwetwe mu kuboko kwa muntu wa budimbidimbi. Kemwakisusulai mweni wa kibundi kadi kemwakasanshijai mwana wampikwa shandi* nansha mukaji wa kishala.+ Kadi kemwakimwangai mashi ampikwa mambo mu kino kifuko.+
4 Mwanda shi mulame senene kino kinenwa, nabya balopwe bashikete pa lupona lwa Davida,+ bakatwelela pa bibelo bya ino njibo bakandile pa makalo ne pa tubalwe, abo pamo ne bengidi babo ne bantu babo.”’+
5 “‘Ino shi kemukōkelepo bino binenwa, natyipe mu dijina dyami,’ i Yehova unena, ‘amba ino njibo ikasalwa.’+
6 “Mwanda Yehova wanena pa mwanda wa njibo ya mulopwe wa Yuda namino amba,‘Kondi udi pamo bwa NgileadePamo bwa nsongo ya Lebanona.
Ino nkakwalamuna kodi mu ntanda mutuputupu;I kutupu kibundi kyobe nansha kimo mukekalwa.+
7 Kadi nsa kutonga* ba kukonakanya,Ense na byabulwi byandi.+
Bakaketa mityi yobe milumbuluke ya sedeleNe kwiyela mu mudilo.+
8 “‘Kadi mizo mivule ikapityila ku kino kibundi, kebanena abo bene na bene amba: “Mwanda waka Yehova walonga namino ku kino kibundi kikatampe?”+
9 Nabo bakalondolola’mba: “I mwanda balekele kipwano kya Yehova Leza wabo, kebevukwila ku baleza bakwabo ne kwibengidila.”’+
10 Kemwakidilai yewa ufwile,Kemwakamwivwaninai bulanda.
Ino dilai bininge yewa waselwa,Mwanda kakajokapo monka kumona ntanda yabutwidilwe’mo.
11 “Mwanda Yehova wanena pa mwanda wa Shalumu*+ mwanā Yoshia, mulopwe wa Yuda ubikele pa kyaba kya shandi Yoshia+ kadi watamba panja pa kino kifuko, namino amba: ‘Kakajokela’mopo monka.
12 Mwanda ukafwila kokwa kobamuselela bu musungi, kadi kakamonepo monka ino ntanda.’+
13 Malwa andi yewa ūbaka njibo yandi kwampikwa bolokeNe byumba byandi bya peulu kwampikwa bululame,Yewa wingija mukwabo ku bitupu,Upela kumufuta mfutwa yandi;+
14 Yewa unena’mba, ‘Nsa kwiubakila njibo mikatampeYa byumba bya peulu bikatakata.
Nsa kwela’ko madidishaNe kubamba’ko mbao ya mutyi wa sedele, mpente’ko ne bikundakane.’*
15 Le ukendelela na kubikala mwanda’po ubapite bakwabo mu kwingidija mityi ya sedele?
Shobe nandi wadile ne kutoma,Ino aye wakwatakenye bululame ne boloke,+Kadi bintu byamwendekele biyampe.
16 Wanenēne kimonya-malwa ne mulanda mu kisambo,Penepo bintu byamwendekela biyampe.
‘Mwene kuno’ku ye kundyuka?’ i Yehova unena.
17 ‘Ino meso ne mutyima obe utele’nka ku kumwena mu bya budimbidimbi,Ku kumwanga mashi ampikwa mambo,Ne ku bwivi ne bya manyengenyenge.’
18 “O mwanda Yehova wanena namino pa mwanda wa Yehoyakimi+ mwanā Yoshia mulopwe wa Yuda amba:
‘Kebakamudilapo amba:
“Yō, a tutu! Yō, a kaka!”
Kebakamudilapo amba:
“Yō, a mfumwami! Yō, a mukatakata!”
19 Ukajīkwa’nka na mujīkilwanga mpunda,+Ukabululwa ne kwelwa,Panja pa bibelo bya Yelusalema.’+
20 Kanda ku Lebanona, ukadile,Tulula diwi dyobe mu Bashane,Didila mu Abadimi,+Mwanda boba bonso badi bakukenene abavingakanibwa.+
21 Nesambile nobe powadi ukīmona bu udi na mutyima-ntenke.
Ino wanenene amba, ‘Nkisapo kukukōkela.’+
Uno o mwikadilo obe tamba pa bwanuke,Mwanda kukōkelepo diwi dyami.+
22 Kivula kikakumba bakumbi bobe bonso,+Kadi boba bakukenene bakenda bu misungi.
Penepo ukafwijibwa bumvu ne kuzobejibwa pa mwanda wa kyamalwa kyobe kyonso.
23 Abe ushikete mu Lebanona,+Mwadilwe bunswa mu mityi ya sedele,+Bine, ukabinza pokevwana bisanso,Bisanso* bidi pamo bwa bya mwana-mukaji ubutula!”+
24 “‘Bine ne byondi mūmi,’ i Yehova unena, ‘Nansha shi Konia*+ mwanā Yehoyakimi,+ mulopwe wa Yuda, wadi lumpete lwa kashé ku kuboko kwami kwa lundyo, nadi wa kukuvūla’ko!
25 Nsa kukupāna mu kuboko kwa boba bakimba kuyata būmi bobe,* mu kuboko kwa boba botyinanga, mu kuboko kwa Nebukaneza* mulopwe wa Babiloni, ne mu kuboko kwa bene Kaladea.+
26 Nkakwela abe ne inobe wakubutwile mu ntanda mikwabo mokemubutwidilwepo, kadi mukafwila konka.
27 Kadi kebakajokelapo monka nansha dimo mu ntanda yobabilanga.*+
28 Le uno muntu Konia i kisuku’tu kiladike ne kifutululwe,Kipungwa kekyabilwapo na muntu nansha umo?
Mwanda waka aye ne lutundu lwandi i belweNe kusumbulwa mu ntanda yokebayukilepo?’+
29 A ntanda, ntanda, ntanda, ivwana kinenwa kya Yehova.
30 Yehova wanena namino amba:
‘Lemba uno muntu bu wampikwa mwana,Bu muntu kabwanyapo kunekenya mu būmi bwandi,*Mwanda kekudipo muntu nansha umo ku lutundu lwandi ukabwanyaKushikata pa lupona lwa Davida ne kubikala monka mu Yuda.’”+
Kunshi kwa Dyani
^ Nansha’mba “njibo mikatakata.”
^ Nansha’mba “mwanā nshiye.”
^ Kishima pa kishima i, “kupandula.”
^ Witwa ne bu Yehoahaza.
^ Nansha’mba “bityila.”
^ Nansha’mba “Bisanso bya lubutulo.”
^ Witwa ne bu Yehoyakini ne bu Yekonia.
^ Nansha’mba “bakimba muya obe.”
^ Kishima pa kishima i, “Nebukadeleza,” mulembelo mukwabo wa dino dijina.
^ Nansha’mba “ntanda mine yobatulwilanga’ko muya wabo.”
^ Kishima pa kishima i, “mafuku andi.”
