Yelemia 23:1-40
23 “Malwa abo bakumbi bonakanya ne kupalakanya mikōko ya mu madyo ami!” i Yehova unena.+
2 O mwanda Yehova Leza wa Isalela wanena bakumbi bakumba bantu bami namino amba: “Mubapalakanya mikōko yami, kadi mwiisalakanyanga’nka kwiisalakanya, kemwiitelepo mutyima.”+
“Nami nkemuta mutyima pa mwanda wa bilongwa byenu bibi,” i Yehova unena.
3 “Penepo nkakongakanya mikōko yami ishele’ko ku matanda onso kobeipalakeninye,+ kadi nkeijokeja ku madyo ayo,+ ikabutula ne kwivudija.+
4 Kadi nkeitambijija bakumbi bakeikumba bya binebine.+ Keikakwatwapo moyo monka nansha kuzakala, kekukajiminapo nansha umo,” i Yehova unena.
5 “Talai! Mafuku āyanga,” i Yehova unena, “onkatambija mutombo* moloke kudi Davida.+ Kadi mulopwe ukabikala+ ne kulombola bujinguludi ne kukwatakanya bululame ne boloke mu ntanda’ya.+
6 Mu andi mafuku, Yuda ukapanda,+ Isalela nandi ukekala na mutyima-ntenke.+ Kadi bakamwita dino dijina’mba: Yehova I Boloke Bwetu.”+
7 “Inoko, mafuku āyanga,” i Yehova unena, “okebakanenapo monka’mba: ‘Bine ne Yehova byadi’ko mūmi, mwine watambije bantu ba Isalela mu ntanda ya Edipito!’+
8 ino bakanena’mba, ‘Bine ne Yehova byadi’ko mūmi, mwine watambije ne wajokeje lutundu lwa njibo ya Isalela ku ntanda ya kungala ne mu matanda onso monebapalakeninye,’ kadi bakekala mu ntanda yabo.”+
9 Pa mwanda wa bapolofeto:
Mutyima wami i mutyumuke munda mwami.
Mikupa yami yonso izakalanga.
Ngidi pamo bwa muntu mukolweNe pamo bwa muntu munekenibwe na vinyu,Pa mwanda wa Yehova ne pa mwanda wa binenwa byandi bijila.
10 Mwanda ntanda ibayula bantu ba makoji;+Pa mwanda wa mafingo, ntanda idi mu madilo+Kadi madyo a mu ntanda mutuputupu abaūme.+
Mwiendelejo wabo i mubi, kadi bengidijanga bukomo bwabo bibi.
11 “Ne mupolofeto ne kitobo mwine i basubijibwe.*+
Natana bubi enka ne mu njibo yami,”+ i Yehova unena.
12 “O mwanda kashinda kabo kakekala kasenena kadi kafīta;+Bakebatakika, nabo bakapona.
Mwanda nkebaletela kyamalwaMu mwaka wa mfuto,” i Yehova unena.
13 “Kadi mu bapolofeto ba Samadia,+ namone’mo kintu kya nzuzu.
Bupolofeto bwabo busoñanibwanga na Bāla,Kadi basāsukijanga bantu bami bene Isalela.
14 Kadi mu bapolofeto ba Yelusalema namone’mo bintu bya mwiko.
Baloñanga makoji+ ne kunangila mu bubela;+Bakankamikanga* banonga-bibi,Kadi kebavundaminangapo bubi bwabo.
Kondi badi pamo bwa Sodoma,+Kadi bekadi bandi badi pamo bwa Ngomola.”+
15 O mwanda Yehova wa bibumbo wanena bapolofeto namino amba:
“Nsa kwibadisha ndulweKadi nsa kwibapa mema a bulembe a kutoma.+
Mwanda bapolofeto ba Yelusalema abasambakanya bupondo mu ntanda yonso.”
16 Yehova wa bibumbo wanena namino amba:
“Kemwakevwanai binenwa bya bapolofeto banena bupolofeto komudi.+
Bemulubijanga.*
Kimonwa kyobesamba kitambanga ku mutyima wa abo bene,+Kekitambangapo mu kyakanwa kya Yehova.+
17 Banenanga kyaba ne kyaba boba bampunika’mba,‘Yehova wanena’mba: “Mukekala na ndoe.”’+
Kadi yewa ulonda mutyima wandi wa kibengo nandi bamunena’mba,‘I kutupu kyamalwa kikemufikila.’+
18 Mwanda le i ani waimene mu bukata mwa kibumbo kya YehovaAmba amone ne kwivwana kinenwa kyandi?
Le i ani watele mutyima ku kinenwa kyandi amba ekivwane?
19 Talai! Kimpumpu kya luvula kya Yehova kikatetuka na bukalabale;Kikenyenga ku mutwe wa babi pamo bwa kimpumpu kinyenga.+
20 Bulobo bwa Yehova kebukajokapoKufika’nka ne byavuija ne kufikidija milangwe ya mutyima wandi.
Mukevwanijanga biyampe kino’ki ku mfulo ya mafuku.
21 Nkyatuminepo bapolofeto, ino abo baiya lubilo.
Nkyesambilepo nabo, ino abo banena bupolofeto.+
22 Ino shi baimene mu bukata mwa kibumbo kyami,Longa baivwanije bantu bami binenwa byamiNe kwibajokeja ku dishinda dyabo dibi ne bilongwa byabo bibi.”+
23 “Le amiwa ne Leza wa pabwipi kete,” i Yehova unena, “le nkidipo Leza ne wa kulampe kwine’ni?”
24 “Le kudi muntu ubwanya kufyama mu kifuko kifyame monkibwanyapo kumumona?”+ i Yehova unena.
“Mwene ami ne muyule mu madiulu ne ntanda mine?”+ i Yehova unena.
25 “Naivwana bapolofeto banena bupolofeto bwa bubela mu dijina dyami amba, ‘Nalota kilotwa! Nalota kilotwa!’+
26 Le mulangwe wa kunena bya bubela ukekala mu mityima ya bano bapolofeto kufika ne kitatyi’ka? I bapolofeto ba bongojani bwa mityima yabo.+
27 Basakanga kulengeja bantu bami belwe dijina dyami na bilotwa byobesapwila abo bene na bene, monka mwaidilwe bashabo dijina dyami pa mwanda wa Bāla.+
28 Mupolofeto ulota kilotwa alombole kilotwa, ino yewa udi na kinenwa kyami ufwaninwe kunena kinenwa kyami na bubine.”
“Le kayombo ne museke pobiifwene i paka?” i Yehova unena.
29 “Mwene kinenwa kyami kidi pamo bwa mudilo,”+ i Yehova unena, “ne pamo bwa kitotwa kilalakanya kidibwe?”+
30 “O mwanda nsa kulwa na bapolofeto,” i Yehova unena, “beiba binenwa byami abo bene na bene.”+
31 “Nsa kulwa na bapolofeto,” i Yehova unena, “boba bengidija ludimi lwabo kebanena’mba, ‘Wanena’mba!’”+
32 “Nsa kulwa na bapolofeto ba bilotwa bya bubela,” i Yehova unena, “balombola’byo ne kusāsukija bantu bami pa mwanda wa bubela bwabo ne kwitumbija kwabo.”+
“Ino nkyebatuminepo nansha kwibasoñanya kwine. O mwanda kebakamwejapo bano bantu kamweno nansha kamo,”+ i Yehova unena.
33 “Kadi shi bano bantu nansha mupolofeto nansha kitobo wakwipangula’mba, ‘Le kiselwa kilēma kya* Yehova i kika?’ ukebalondolola’mba, ‘“Banwe bantu kyo kiselwa kilēma! Kadi ami nkemwela,”+ i Yehova unena.’
34 Ino mupolofeto nansha kitobo nansha bantu banena’mba, ‘Kino kyo kiselwa kilēma kya* Yehova!’ Nkata yao muntu mutyima ne ba mu njibo yandi bene.
35 Muntu ense momudi wipangulanga mukwabo ne mwanabo amba, ‘Le Yehova walondolola bika? Le i bika byanena Yehova?’
36 Ino kemufwaninwepo kutela monka kiselwa kilēma kya* Yehova, mwanda kiselwa kilēma* i kinenwa kya muntu ense, kadi mubashinta binenwa bya Leza mūmi, Yehova wa bibumbo, Leza wetu.
37 “Ukepangula mupolofeto namino amba, ‘Le Yehova wakulondolola bika? Le i bika byanena Yehova?
38 Kadi shi munena’nka kunena’mba, “Kiselwa kilēma kya* Yehova!” Yehova wanena namino amba: “Byomunena’mba, ‘Kino kinenwa i kiselwa kilēma kya* Yehova,’ ami papo kendi mwimulombole amba, ‘Kemufwaninwepo kunena’mba: “Kiselwa kilēma kya* Yehova!”’
39 talai! Nkemutekuna ne kwimufundula ku meso ami, banwe ne kibundi kyonemupele banwe ne bakulutuba benu.
40 Kadi nkemuletela bumvu bwa nyeke ne kuzobejibwa kwa nyeke, bintu kebikedibwapo.”’”+
Kunshi kwa Dyani
^ Nansha’mba “mpyana.”
^ Nansha’mba “batupondo.”
^ Kishima pa kishima i, “Bakomejanga maboko a.”
^ Nansha’mba “Bemuyujanga lukulupilo lwa bubela.”
^ Nansha’mba “musapu ulēma wa.” Kishima kya Kihebelu kidi na buluji bubidi: “musapu wa Leza ulēma” nansha’mba “kintu kilēma.”
^ Nansha’mba “musapu ulēma wa.”
^ Nansha’mba “musapu ulēma wa.”
^ Nansha’mba “musapu ulēma.”
^ Nansha’mba “musapu ulēma wa.”
^ Nansha’mba “musapu ulēma wa.”
^ Nansha’mba “musapu ulēma wa.”
