Yelemia 43:1-13
43 Yelemia pa kupwa kusapwila bantu bonso bino binenwa bya Yehova Leza wabo, kinenwa kyonso kyamutumine Yehova Leza wabo amba ebasapwile,
2 Azadia mwanā Hoshaia, ne Yohanana+ mwanā Kalea ne bantu bonso ba ditatu* banena Yelemia amba: “Ubabepa bubela! Yehova Leza wetu kakutuminepo kunena’mba, ‘Kemwakendai kukashikata ku Edipito.’
3 I Baluki+ mwanā Nedia ukusoñanya mwanda wa tupānwe ku bene Kaladea betwipaye nansha kwituselela ku Babiloni bu misungi.”+
4 Penepo Yohanana mwanā Kalea ne bakata bonso ba kibumbo kya divita ne bantu bonso baleka kukōkela diwi dya Yehova dya kwikala mu ntanda ya Yuda.
5 Ino Yohanana mwanā Kalea ne bakata bonso ba kibumbo kya divita, basela bashele’ko bonso ba Yuda batambile ku mizo yonso kobadi bapalakenine bajoka kushikata mu ntanda ya Yuda.+
6 Basela bana-balume, bana-bakaji, bana, bana ba mulopwe bana-bakaji ne muntu ense* washilwe na Nebuzaladana+ mukata wa basola balami kudi Ngedadia+ mwanā Ahikama+ mwanā Shafana,+ ne mupolofeto Yelemia ne Baluki mwanā Nedia.
7 Ebiya baenda mu ntanda ya Edipito, mwanda kebakōkelepo diwi dya Yehova, baenda kufika’nka ne ku Tapanese.+
8 Penepo kinenwa kya Yehova kyaiya kudi Yelemia mu Tapanese amba:
9 Sela mabwe makatampe mu kuboko kobe, wiafye mu bitoto, mu lukala lwa bidiki pa kibelo kya njibo ya Felo mu Tapanese, mu meso a bana-balume Bayuda.
10 Kupwa wibanene amba, ‘Yehova wa bibumbo, Leza wa Isalela wanena namino amba: “Nsa kwityija Nebukaneza* mulopwe wa Babiloni, mwingidi wami,+ kadi nsa kutūla lupona lwandi pangala pa ano mabwe onafya, nandi ukabāla’po pema wandi wa bulopwe.+
11 Kadi ukāya kukupila ntanda ya Edipito.+ Yewa wa ku kipupo kileta lufu, ku kipupo kileta lufu, yewa wa kuselwa bu musungi, ku bu musungi, yewa wa ku kipete, nandi ku kipete.+
12 Nkasōka mobo* a baleza ba Edipito mu mudilo,+ nandi ukebasōka ne kwibasela bu misungi. Ukepomba ntanda ya Edipito pamo bwa mukumbi wipomba kivwalwa kyandi, kadi ukataluka’mo mu ndoe.*
13 Aye ukalala bibesebibese bikomo bya* Bete-Shemeshe* mu ntanda ya Edipito, kadi ukasōka mobo* a baleza ba Edipito mudilo.”’”
Kunshi kwa Dyani
^ Nansha’mba “ba kibutakwe.”
^ Nansha’mba “muya onso.”
^ Kishima pa kishima i, “Nebukadeleza,” mulembelo mukwabo wa dino dijina.
^ Nansha’mba “matempelo.”
^ Nansha’mba “kusanshijibwa mpika.”
^ Nansha’mba “milawalawa ya.”
^ Nansha’mba “Njibo (Tempelo) ya Dyuba,” ko kunena’mba, Heliopolise.
^ Nansha’mba “matempelo.”
