Yelemia 46:1-28
46 Yehova wanenene mupolofeto Yelemia kino kinenwa pa mwanda wa mizo:+
2 Mwanda wa Edipito,+ pangala pa kibumbo kya divita kya Felo Neko+ mulopwe wa Edipito, wadi ushikete ku Munonga wa Ufalete kadi wanekenibwe ku Kalekemishi na Nebukaneza* mulopwe wa Babiloni mu mwaka wa buná wa Yehoyakimi+ mwanā Yoshia, mulopwe wa Yuda, namino amba:
3 “Longololai mangabo matyematye* ne mangabo makatampe,Mwende ku bulwi.
4 Banwe bakandanga pa tubalwe, vwikai tubalwe mukande’po.
Imanijai kadi vwalai bilama-mitwe byenu.
Nonai mikobe kadi vwalai makotyi a byuma.
5 Mwanda waka nebamone bazakala?
Abajoka, ba bulwi babo abavingakanibwa.
Abanyema na moyo, ba bulwi babo kebalamukilepo.
Konsokonso kudi luzakalo,’ i Yehova unena.
6 ‘Wa lubilo kabwanyapo kunyema, kadi ba bulwi kebabwanyapo kupanda.
Kungala, dya ku lubungo lwa Munonga wa Ufalete,Abakukala ne kupona.’+
7 Lelo i ani le yewa ukanda pamo bwa Munonga wa Nile,Pamo bwa minonga ya mema atūta?
8 I Edipito ukanda pamo bwa Munonga wa Nile,+Pamo bwa minonga ya mema atūta,Kadi unena’mba, ‘nkakanda ne kupūta ntanda.
Nkonakanya kibundi ne boba bekele’mo.’
9 A tubalwe, kandai!
A makalo, endai lubilo bya bulubi!
Ba bulwi bende,Ba Kusha ne Puta, bengidija ngabo,+Ne Luda+ wingidija buta bwa miketo ne kwibukana.*+
10 “Dyodya difuku i dya Mfumu Mwinē Lupusa Lonso, Yehova wa bibumbo, difuku dya kinongo dya kulubwila balwana nandi kinongo. Kadi kipete kikasasamuna ne kwikuta ne kuyula mashi abo, mwanda Mfumu Mwinē Lupusa Lonso, Yehova wa bibumbo udi na kitapwa* mu ntanda ya kungala kubwipi na Munonga wa Ufalete.+
11 Kanda ku Ngileade ukasele balasome,+A mujike mwana mwana-mukaji wa Edipito.
Ubavudija kwiundapija bya bitupu,Mwanda i kutupu bundapi bwa kukundapa.+
12 Mizo ibaivwana kufutululwa kobe,+Kadi kudila kobe kubayula pa ntanda.
Ke-pantu wa bulwi wakukala kudi wa bulwi,Kadi abapone abo bonso pamo.”
13 Yehova wanenene kino kinenwa kudi mupolofeto Yelemia pangala pa kwiya kwa Nebukaneza* mulopwe wa Babiloni mwanda wa kunekenya ntanda ya Edipito+ amba:
14 “Nenai’kyo mu Edipito, sapulai’kyo mu Mikedole.+
Sapulai’kyo mu Nofe* ne mu Tapanese.+
Nenai amba, ‘Imanijai, mwilongolole,Mwanda kipete kisa kusasamuna kufulakufula kobe konso.
15 Mwanda waka bantu bobe bakomokomo abakubijibwa?
Abo kebaimenepo,Mwanda Yehova webaponeja panshi.
16 Abakukala ne kupona bangi bininge.
Benenanga amba:
“Imanai! Tujokelei ku bantu betu ne ku ntanda yetuMwanda wa kipete kibikibi.”’
17 Basapulanga kwine’kwa amba,‘Felo mulopwe wa Edipito udi pamo bwa lunwa lwa bitupuWapityija mukenga.’*+
18 ‘Bine ne byondi mūmi,’ i Mulopwe wa dijina dya bu Yehova wa bibumbo unena,‘Aye* ukatwela pamo bwa Tabola+ mu nguluNe pamo bwa Kalamela+ kubwipi na dijiba.
19 Longolola bintu byobe mwa kwendela bu musungi,Abe mwana mwana-mukaji wikele mu Edipito.
Mwanda Nofe* ukekala ke kintu kya nzuba;Ukasōkwa mudilo* ne kushala pambulwa mwikadi.+
20 Edipito udi pamo bwa ñombe mukaji mwana muyampe,Ino nji isumana ya kungala ikamwiila.
21 Enka ne basola balobele badi mu bukata mwandi badi pamo bwa bañombe banune,Ino nabo abavundamuka kebanyema pamo.
Kebakokejapo kwimana,+Mwanda difuku dyabo dya kyamalwa dibebafikila,Kitatyi kyabo kya kupebwa mfuto.’
22 “Lunwa lwandi ludi pamo bwa nyoka wibulula,Mwanda bamulondanga na bukomo, bakwete tusolwa,Pamo bwa bantu batēta mityi.*
23 Bakatēta ditó dyandi,’ i Yehova unena, ‘nansha byodimweka bu keditwelekapo.
Mwanda i bangi bininge kupita njie, kebabadikapo.
24 Mwana mwana-mukaji wa Edipito ukafwijibwa bumvu.
Ukapānwa ku bantu ba kungala.’+
25 “Yehova wa bibumbo, Leza wa Isalela, wanena’mba: ‘Pano nate mutyima wami kudi Amona+ wa ku No,*+ kudi Felo, kudi Edipito, kudi baleza bandi,+ ne kudi balopwe bandi—bine, kudi Felo ne boba bonso bamukulupile.’+
26 “‘Kadi nkebapāna kudi boba bakimba kuyata būmi bwabo,* kudi Nebukaneza* mulopwe wa Babiloni+ ne bengidi bandi. Ino kupwa ukekalwa’mo pamo bwa mu bitatyi bya kala,’ i Yehova unena.+
27 ‘Ino abe mwingidi wami Yakoba, kokakwatwa moyo,Kadi kokizakala, abe Isalela.+
Mwanda nkakupandija kulampeKadi lutundu* lobe nkelupandija ku ntanda ya bu misungi bwabo.+
Yakoba ukajoka ne kwikala talala kukambakanibwa mpika,Kwampikwa muntu nansha umo wa kwibakwatyija moyo.+
28 Nanshi kokakwatwa moyo, a mwingidi wami Yakoba,’ i Yehova unena, ‘mwanda ami ngidi nobe.
Nkakubija mizo yonso konakupalakeninye,+Inoko, abe nkikakukubijapo.+
Nkakulemununa* mobyendele,+Ino nkikakulekapo kwampikwa kukupa mfuto.’”
Kunshi kwa Dyani
^ Kishima pa kishima i, “Nebukadeleza,” mulembelo mukwabo wa dino dijina.
^ Kangabo, divule kaselwanga na boba bela miketo.
^ Kishima pa kishima i, “kwibutonta.”
^ Nansha’mba “mukubo.”
^ Kishima pa kishima i, “Nebukadeleza,” mulembelo mukwabo wa dino dijina.
^ Nansha’mba “Memfise.”
^ Kishima pa kishima i, “kitatyi kitungwe.”
^ Ko kunena’mba, Yewa wa kushinda Edipito.
^ Nansha’mba “Memfise.”
^ Bibwanika padi i, “Ukekala ke mu ntanda mutuputupu.”
^ Nansha’mba “batyaba nkuni.”
^ Ko kunena’mba, Tebe.
^ Kishima pa kishima i, “Nebukadeleza,” mulembelo mukwabo wa dino dijina.
^ Nansha’mba “bakimba muya wabo.”
^ Kishima pa kishima i, “lukunwa.”
^ Nansha’mba “Nkakōlola.”
