Yelemia 47:1-7
-
Bupolofeto pa bene Fidishitia (1-7)
47 Yehova wanenene mupolofeto Yelemia kino kinenwa pa mwanda wa bene Fidishitia,+ kumeso kwa Felo kutyumuna Ngaza.
2 Yehova wanena namino amba:
“Tala! Mema ao aya kungala.
Akekala ke kamunonga kalobeja.
Kadi akalobeja ntanda ne bintu byonso bidi’mo,Kibundi ne boba bekele’mo.
Bana-balume bakadila,Muntu ense ushikete mu ntanda’ya ukayoyokota miyoa.
3 Pa kwivwana lunwa lwa mishindo ya mikono ya tubalwe twandi tulume,Ne kutenda kwa makalo andi a bulwiNe lupumo lwa matonto andi,Bashabana kebakalamukilapo enka ne kudi babo bana,Mwanda makasa abo abapone,
4 Mwanda difuku dīya’di dikonakanya bene Fidishitia bonso;+Dikatyiba ku Tyila+ ne Shidona+ yewa ense wikupile kobadi ushele’ko.
Mwanda Yehova ukonakanya bene Fidishitia,Bashele ku kisanga kya Kafetola.*+
5 Dibala* dikāya ku Ngaza.
Ashekelona watalajibwa nyā.+
Abe ushele’ko wa ku dilungu dyabo dya musanza,Le ukeketaketa kufika ne kitatyi’ka?+
6 Yō! Kipete kya Yehova!+
Le kukekalapo talala kufika ne kitatyi’ka?
Jokela mu kikwa kyobe.
Kōkolokwa, wikale talala.
7 Le kibwanya kwikala talala namaniAye Yehova papo wikisoñanya?
Ku Ashekelona ne mbadi ya dijiba,+Kwine’kwa ye kwaekitumine.”
Kunshi kwa Dyani
^ Ko kunena’mba, Kelete.
^ Ko kunena’mba, bakatenda mitwe yabo pobadi mu madilo ne bumvu.
