Yelemia 48:1-47
-
Bupolofeto pa Moabu (1-47)
48 Yehova wa bibumbo, Leza wa Isalela, wanena pa mwanda wa Moabu+ namino amba:
“Nebo+ malwa andi, mwanda waonakanibwa!
Kidiataimi+ wafwijibwa bumvu ne kukwatwa.
Kinyemeno kya mutyima-ntenke* kibafwijibwa bumvu ne kutyumunwa.+
2 Kebakitendelapo Moabu monka.
Abamukutyila nkuku ya kumuponeja mu Heshebone+ amba:
‘Iyai, tumonakanye aleke kwikala bu muzo.’
A Madamene, nobe uba talala,Mwanda kipete kikulondanga.
3 Kudi lunwa lwa kudila ku Holonaimi,+Lwa bonakani ne kupona kukatampe.
4 Moabu watyumunwa.
Bandi bana batyetye badilanga.
5 Badilanga’nka kudila pa mukuna wa Luhite pobakanda.
Mu dishinda ditamba ku Holonaimi ditūka, abaivwana kudila kwa kyamalwa pa mwanda wa kimpengele.+
6 Nyemai, pandijai būmi bwenu!*
Mufwaninwe kwikala pamo bwa mutyi wa jenevidiye mu ntanda mutuputupu.
7 Mwanda mukulupile mu mingilo yenu ne mu byabulēme byenu,Nenu musa kukwatwa.
Kadi Kemoshi+ ukenda mu bu musungi,Pamo ne babitobo bandi ne bamfumu bandi bene.
8 Yewa onakanya ukatwela mu kibundi kyonso,I kutupu kibundi nansha kimo kikapanda.+
Musanza* ukonakanibwa,Kadi ntanda ya mutantanshi* ikatukijibwa, monka mwanenena Yehova.
9 Shimikilai Moabu kiyukeno,Mwanda papona mu masala aye ukanyema,Kadi bibundi byandi bikekala ke kintu kya nzuba,Mwampikwa mwikadi.+
10 Afingwe mafingo yewa wingila mwingilo wa Yehova na mulēle!
Afingwe mafingo yewa upeleja kipete kyandi kumwanga mashi!
11 Bene Moabu kebakambakanibwepo tamba pa bwanuke bwabo,Pamo bwa vinyu peulu pa nkuja.
Kebapungulwilwepo mu kipungwa kimo baelwa mu kikwaboKadi kebaendele nansha dimo mu bu misungi.
O mwanda butobaji bwabo budi’nka muswelo umo,Kadi luvumba lwabo luyampe kelushintyilepo.
12 “‘Shi ke pano talai! mafuku āyanga,’ i Yehova unena, ‘onkatuma bana-balume ba kwibafulamuna. Bakebakuvumika ne kushiya bipungwa byenu mutupu kintu, kadi bakavingakanya milondo yenu mikatampe bibesebibese.
13 Kadi bene Moabu bakafwa bumvu pa mwanda wa Kemoshi, monka mufwila njibo ya Isalela bumvu pa mwanda wa Betele, obadi bakulupile.+
14 Mubasomonwa namani kunena’mba: “Twi ba bulwi bakomokomo, batengele kulwa”?’+
15 ‘Moabu waonakanibwa,Abatwela ku bukomo mu bibundi byandi,+Kadi bansongwalume bandi balumbuluke abatapwe,’+I Mulopwe, wa dijina dya bu Yehova wa bibumbo unena.+
16 Kyamalwa kīyanga panopano ponka pa bene Moabu,Kupona kwabo kubafwena bukidibukidi.+
17 Boba bonso bebajokolokele bakebevwanina bulanda,Boba bonso bayukile dijina dyabo.
Wibasapwile amba: ‘Yō lusonde lukomokomo lubatyumuka, mukombo wa buya!’
18 Tūka ku ntumbo yobe,Shikata na kyumwa,* a mwana mwana-mukaji wikele mu Dibone,+Mwanda yewa wa konakanya Moabu waiya kukulwa,Kadi usa kusala bifuko byobe bikomejibwe.+
19 Imana ku dishinda utale, a mwikadi wa Aloele.+
Ipangula mwana-mulume unyema ne mwana-mukaji unyema’mba, ‘Le i bika byalongeka?’
20 Moabu wafwijibwa bumvu ne kuzakajibwa.
Yoyokotai miyoa ne kudila.
Sapulai mu Alenona+ amba Moabu waonakanibwa.
21 “Butyibi bubaiya mu ntanda ya mutantanshi,*+ pa Holone, Yahaza,+ ne Mefate;+
22 pa Dibone,+ Nebo,+ ne Bete-Dibelataimi;
23 pa Kidiataimi,+ Bete-Kamule, ne Bete-Meone;+
24 pa Kediote,+ ne Bozala; ne pa bibundi byonso bya ntanda ya Moabu, bya kulampe ne bya kubwipi bine.
25 ‘Bukomo bwa* Moabu bubatetwa;Kuboko kwandi kubatyumunwa,’ i Yehova unena.
26 Mutomejei akolwe,+ mwanda wezunzwila Yehova.+
Moabu wialañanyanga mu bilashe byandi,Kadi aye i kintu kya kufutululwa.
27 Le Isalela kadipo kintu kya kufutululwa kodi?+
Le wadi mu bukata mwa bangivi,Amba umupukile mutwe obe ne kumunenena bibi?
28 A Bekadi ba Moabu, tambai mu bibundi mukashikate pa kidibwe,Ikalai pamo bwa nkutyi wala bunswa kufula kwa lupongo.’”
29 “Tubaivwana mitatulo ya Moabu—wizunzulanga bininge—Ne kibengo kyandi, mitatulo yandi, kwizunzula kwandi, ne kwizunzula kwa mutyima wandi.”+
30 “‘Ndyukile bukalabale bwandi,’ i Yehova unena,‘Ino binenwa byandi bya bitupu kebikalongapo kintu.
Kebakalongapo kintu.
31 O mwanda nkayoyokota miyoa pangala pa Moabu,Nkadila pa mwanda wa Moabu enseNe kubinza pa mwanda wa bantu ba Kile-Helese.+
32 Kutabuka madilo a Yazele,+Nkakudila, abe muñanza wa Sibema.+
Mitombo yobe mivwambile ibatyibuluka dijiba.
Ibafika’nka ne ku dijiba, ku Yazele.
Pa bipa byobe bya ku dikumbi ne pa mwangulo obe wa mañanzaPabatūkila yewa onakanya.+
33 Nsangaji ne kusepelela bibatalulwa mu kitongoNe mu ntanda ya Moabu.+
Nalengeja vinyu ileke kusūma ku byengelo bya vinyu.
I kutupu muntu ukaponda na byungwe bya nsangaji.
Byungwe bikekala ke byungwe bikwabo’tu.’”+
34 “‘Kudi kudila kutamba ku Heshebone+ kufika ne ku Eleale.+
Abatulula diwi dyabo kufika ne ku Yahaza,+Tamba ku Zoale kufika ku Holonaimi+ ne ku Ekelete-Shedishiya.
Enka ne mema a Nimedime akekala ke masala.+
35 Nkajimankanya Moabu,’ i Yehova unena,‘Yewa uleta kyamulambu pa mutentaNe yewa ulambula bitapwa kudi leza wandi.
36 O mwanda mutyima wami ukabinza* pa mwanda wa Moabu pamo bwa lushiba,*+Kadi mutyima wami ukabinza* pa mwanda wa bantu ba Kile-Helese pamo bwa lushiba.*
Mwanda bupeta bwalupula bukoneka.
37 Mwanda mutwe ne mutwe i mutendwe lupole+Kadi mwevu onso i mutendwe.
Pa kuboko konso padi biketekete,+Kadi mu bifuka mwabo mudi sāka!’”+
38 “‘Pa misaka yonso ya MoabuNe mu bīkwe byandi byonso,I mutupu kintu kikwabo poso’nka kuyoyokota miyoa.
Mwanda natyumuna MoabuPamo bwa mulondo mwelwe,’ i Yehova unena.
39 ‘Bine wazakala! Wayoyokota miyoa!
Bine, Moabu waela’ko nyuma na bumvu!
Moabu waikala ke kintu kya kufutululwa,Kintu kizakaja ku boba bonso bamujokolokele.’”
40 “Mwanda Yehova wanena namino amba:
‘Talai! Pamo bwa mukebo utūka,+Aye ukabāla mapapa andi padi Moabu.+
41 Bibundi bikakwatwa,Kadi bifuko byandi bikomejibwe bikayatwa.
Mu dyodya difuku mutyima wa ba bulwi ba MoabuUkekala pamo bwa mutyima wa mwana-mukaji ubutula.’”
42 “‘Kadi Moabu ukatukijibwa fututu ne kuleka kwikala bu muzo,+Mwanda i Yehova waezunzwila.+
43 Luzakalo ne lubao ne kidiba bidi ku meso obe,A mwikadi wa Moabu,’ i Yehova unena.
44 ‘Ense unyema luzakalo ukaponena mu lubao,Kadi ense wabuka mu lubao ukapya mu kidiba.’
‘Mwanda nkaletela Moabu mwaka wa mfuto yabo,’ i Yehova unena.
45 Boba banyema, bemene pampikwa bukomo mu mwemba wa Heshebone.
Mwanda mudilo ukatamba ku HesheboneLubimbi nalo lukatamba mu Shihone.+
Lukaloteja mpala ya MoabuNe kabamba ka bana ba kavutakanya.’+
46 ‘A Moabu, malwa obe!
Bantu ba Kemoshi+ abafu.
Mwanda bana bobe bana-balume abaselwa bu misungi,Kadi bana bobe bana-bakaji abaenda mu bu misungi.+
47 Ino ami nkakongakanya misungi ya Moabu ku mfulo ya mafuku,’ i Yehova unena.
‘Butyibi bwa Moabu bubafudila pano.’”+
Kunshi kwa Dyani
^ Nansha’mba “Mutenta wa mutyima-ntenke.”
^ Nansha’mba “myuya yenu.”
^ Nansha’mba “Dilungu dya muzanza.”
^ Nansha’mba “dilungu dya pa mutenta; nzaba ya peulu.”
^ Bibwanika padi i, “pa nshi myumu.”
^ Nansha’mba “dilungu dya pa mutenta; nzaba ya peulu.”
^ Kishima pa kishima i, “Lusengo lwa.”
^ Ko kunena’mba, lushiba lobelanga padilwa madilo.
^ Nansha’mba “ukasunkanibwa.”
^ Ko kunena’mba, lushiba lobelanga padilwa madilo.
^ Nansha’mba “ukasunkanibwa.”
