Yelemia 49:1-39
49 Yehova wanena namino pa mwanda wa bene Amone+ amba:
“Le Isalela kadipo na bana?
Le kadipo na mpyana?
Mwanda waka Malakame+ wayata Ngade+ ke wandi?
Mwanda waka bantu bandi bashikete mu bibundi bya Isalela?”
2 “‘O mwanda tala! mafuku āyanga,’ i Yehova unena,‘Onkalengeja diwi dya kidyumu kya divita* divwanwe pa Laba+ wa bene Amone.+
Ukekala ke mulwi wa masala,Kadi bibundi bidi mu bwendeji bwandi* bikasōkwa mudilo.’
‘Isalela ukayata ntanda ya boba bamuyete yandi ntanda,’+ i Yehova unena.
3 ‘A Heshebone, yoyokota miyoa, mwanda Ai waonakanibwa!
A bibundi bidi mu bwendeji bwa Laba, dilai.
Vwalai masāka.
Yoyokotai miyoa, jokolokai bipombo bya mabwe,*Mwanda Malakame ukaselwa bu musungi,Pamo ne babitobo ne bamfumu bandi bene.+
4 Mwanda waka wianinya misanza,*Dilungu dyobe dikuka, a mwana mwana-mukaji wampikwa kikōkeji,Ukulupile byabulēme byandiKadi unena’mba: “Le i ani ukantamba divita?”’”
5 “‘Nsa kukuletela kintu kilenga moyo,’ i Mfumu Mwinē Lupusa Lonso, Yehova wa bibumbo unena,‘Kikatamba ku boba bonso bakujokolokele.
Mukapalakanibwa ku mitamba yonso,I kutupu nansha umo ukakongakanya boba banyema.’”
6 “‘Ino kupwa nkakongakanya misungi ya bene Amone,’ i Yehova unena.”
7 Yehova wa bibumbo wanena namino pa mwanda wa Edoma amba:
“Le mu Temani+ kemukidipo monka tunangu?
Le madingi mayampe abaoneka ku boba badi na ñeni?
Le tunangu twabo tubabola?
8 Nyemai, alamukai!
Endai mukashikate munshi mulampe, banwe bekadi ba Dedane!+
Mwanda nsa kuletela Esau kyamalwaShi kitatyi kyami kibabwana kya kumuta mutyima.
9 Shi bangudi ba mañanza abatwela mu bukata mobe,Le kebakashiye’kopo amo a kukōkolola?
Shi bangivi abatwela bufuku,Bakonakanya bininge’nka mobasakila.+
10 Ino ami nkavūla Esau.
Nkapūtula bifuko byandi bya kufyama’mo,Amba akomenwe kwifya.
Bandi bana ne banababo ne balondakani nandi bakonakanibwa bonso,+Kadi kakekala’kopo dikwabo.+
11 Shiya bobe bana bampikwa shabo,Nkebapandija,Bobe bakaji ba kishala bakankulupila.”
12 Mwanda Yehova wanena namino amba: “Tala! Shi boba batyibilwe nsambu ya kutoma kitomeno bafwaninwe kutoma’kyo, le abe ye ukaleka kupebwa mfuto? Kukabulwepo kupebwa mfuto, mwanda ufwaninwe kutoma’kyo.”+
13 “Mwanda natyipe ne ami mwine,” i Yehova unena, “amba Bozala ukekala ke kintu kya nzuba,+ mutonko, bonakani ne mafingo; kadi bibundi byandi byonso bikekala ke masala a nyeke.”+
14 Naivwana mwanda utamba kudi Yehova,Mutumwa watumwe mu mizo amba:
“Mwikongakanyei mukamutambe;Mwilongololei mwanda wa bulwi.”+
15 “Mwanda tala! Nakulonga kodi mutyetyetyetye mu mizo,Mufutululwe mu bantu.+
16 Kutetema kowalengeje kubakongola,Ditatu dya* mutyima obe,Abe wikele mu kidibwe mwa kunyemena,Ushikete pa mukuna mulampe bininge.
Nansha byoadile bunswa bobe peulu pamo bwa mukebo,Nsa kukutūkija’po,” i Yehova unena.
17 “Kadi Edoma ufwaninwe kwikala kintu kya nzuba.+ Muntu ense upityila kubwipi nandi ukatala na moyo ne kwila muluji pa mwanda wa bipupo byandi byonso.
18 Monka mwaponene Sodoma ne Ngomola ne bibundi bya kubwipi,”+ i Yehova unena, “i kutupu nansha umo ukekala’mo, kadi i kutupu muntu nansha umo ukashikata’mo.+
19 “Tala! Muntu umo ukakanda kutamba madyo a mutyima-ntenke pamo bwa ntambo+ utamba mu bivunda* bijike bya kufula kwa Yodano, ino mu kitatyi kityetye nkamunyemeja kwadi. Kadi nkamutūdila mutongwe wa kumuludika. Mwanda, le i ani udi pamo bwa ami, ne i ani ukankolomona? I mukumbi’ka ubwanya kwimana ku meso ami?+
20 O mwanda, a bana-balume ivwanai butyibi* bwakwata Yehova pa Edoma ne byalanga pa bekadi ba Temani:+
Bine twana twa mu luombe tukabululwa.
Ukasala kīkalo kyato pa mwanda wabo.+
21 Lunwa lwa kupona kwabo lubatenkanya ntanda.
Kudi kudila!
Lunwa lubaivwanwa kufika ne ku Dijiba Dityila.+
22 Talai! Ukakanda ne kutūka pamo bwa mukebo,+Kadi ukabāla mapapa andi pa Bozala.+
Mu dyodya difuku, mutyima wa bantu ba bulwi ba EdomaUkekala pamo bwa mutyima wa mwana-mukaji ubutula.”
23 Pa mwanda wa Damakasa:+
“Hamata+ ne Alapade abafwijibwa bumvu,Ke-pantu abaivwana mwanda mubi.
Abasunguluka moyo.
Kudi kuzumbazumba mu dijiba kedibwanyapo kutalajibwa.
24 Damakasa wabulwe bukankamane.
Waalamuka kanyema, ino luzakalo lubamukwata.
Tusua ne misanshi bibamukwata,Pamo bwa mwana-mukaji ubutula.
25 Le kibundi kya mitendelo kekishilwepo namani,Kibundi kya kusepelela?
26 Mwanda bansongwalume bandi bakapona mu bīkwe byandi,Kadi basola bonso bakafwa mu dyodya difuku,” i Yehova wa bibumbo unena.
27 “Nkasōka lubumbu lwa Damakasa mudilo,Kadi nkaloteja biteba bikomejibwe bya Bene-Hadada.”+
28 Yehova wanena namino pa mwanda wa Kedala+ ne malopwe a Hazola, obatyumwine kudi Nebukaneza* mulopwe wa Babiloni amba:
“Imanai, mukande ku Kedala,Kadi onakanyai bana ba Kutunduka.
29 Mapema abo ne luombe lwabo lukayatwa,Bisandi bya mapema abo ne bintu byabo byonso.
Bangamedia babo bakaselwa,Kadi bakebadidila amba, ‘Luzakalo ludi konsokonso!’”
30 “Nyemai, endai kulampe!
Endai mukashikate munshi mulampe, banwe bekadi ba Hazola,” i Yehova unena.
“Mwanda Nebukaneza* mulopwe wa Babiloni wemukadila manwa,Kadi wemukwatyila mpango.”
31 “Imanai, kandai mukatambe muzo udi mu ndoe,Ushikete na mutyima-ntenke!” i Yehova unena.
“Keudipo na milango nansha mikabo; bashikete kwa bunka bwabo.
32 Bangamedia babo bakatūtwa,Luombe lwabo lungilungi nalo lukakwatwa.
Nkebapalakenya ku mvula yonso,*Boba batendelwe nywene yabo dya ku matwi,+Nkebaletela kyamalwa ku mitamba yonso,” i Yehova unena.
33 “Hazola ukekala ke kīkalo kya mizeu,Masala a nyeke.
I kutupu nansha umo ukekala’mo,Kadi i kutupu muntu nansha umo ukashikata’mo.”
34 Kino’ki kyo kinenwa kya Yehova kyaile kudi mupolofeto Yelemia pa mwanda wa Elama,+ ku ngalwilo kwa bulopwe bwa Zedekia+ mulopwe wa Yuda amba:
35 “Yehova wa bibumbo wanena namino amba, ‘Nsa kutyumuna buta bwa miketo bwa Elama,+ nsulo* ya bukomo bwabo.
36 Nsa kuletela Elama mvula iná ya ku mafulo aná a mūlu, kadi nsa kwibapalakenya ku ino mvula yonso. I kutupu muzo kekukendapo bantu ba Elama bapalakanibwe.’”
37 “Nkavingakanya bene Elama ku meso a balwana nabo ne ku meso a boba bakimba kuyata būmi bwabo;* kadi nkebaletela kyamalwa, bulobo bwami budyendyemuka,” i Yehova unena. “Kadi nkatuma kipete kibalonde kufika ne byonebakubija.”
38 “Nkatūla lupona lwami mu Elama,+ kadi nkonakanya’mo mulopwe ne bamfumu,” i Yehova unena.
39 “Ino ku mfulo ya mafuku, nkakongakanya misungi ya Elama,” i Yehova unena.
Kunshi kwa Dyani
^ Bibwanika padi i, “lunwa lwa kyungwe kya divita.”
^ Nansha’mba “bimujokolokele.”
^ Nansha’mba “bipombo bya mikōko.”
^ Nansha’mba “malungu a misanza.”
^ Nansha’mba “Kibutakwe kya.”
^ Nansha’mba “bifinga.”
^ Nansha’mba “madingi.”
^ Kishima pa kishima i, “Nebukadeleza,” mulembelo mukwabo wa dino dijina.
^ Kishima pa kishima i, “Nebukadeleza,” mulembelo mukwabo wa dino dijina.
^ Nansha’mba “ku mitamba yonso.”
^ Kishima pa kishima i, “ngalwilo.”
^ Nansha’mba “bakimba muya wabo.”
