Yelemia 9:1-26
9 Yō, shi mutwe wami wadi mema,Ne meso ami bu nsulo ya impolo!+
Nabya nadi wa kudila dyuba ne bufukuMwanda wa batapwe ba bantu bami.
2 Yō, shi nadi na kifuko mwikalanga bañenda mu ntanda mutuputupu!
Nabya nadi wa kushiya bantu bami naenda kulampe nabo,Mwanda abo bonso i ba makoji,+Kibumbo kya bantu bandalandala.
3 Batontanga ludimi lwabo pamo bwa buta bwa miketo;I bubela butādile ntanda, ke bubinebinepo.+
“Baloñanga bubi bwadi bobu ke bobu,Kadi kebatangapo mutyima kondi nansha dimo,”+ i Yehova unena.
4 “Banwe bonso, tadijai mulondakani nenu,Kadi kemwakikulupilai nansha ke mwanenu mwine.
Mwanda banabenu bonso i bangabañani,+Kadi balondakani bonso i bavubavuba.+
5 Ense udimbanga mulondakani nandi,I kutupu nansha umo wisamba bubine.
Abafundija ludimi lwabo kwisamba bya bubela.+
Bepungijanga na kulonga bibi.
6 Abewa, ushikete mu bukata mwa bongojani.
Bapelele kundyuka mu bongojani bwabo,” i Yehova unena.
7 O mwanda Yehova wa bibumbo wanena namino amba:
“Nsa kwibasungulula ne kwibatompa,+Mwanda le i kika kikwabo kyombwanya kulonga na mwanā bantu bami mwana-mukaji?
8 Ludimi lwabo i muketo wa lufu, lwisambanga bongojani.
Muntu wisambanga na kyakanwa kyandi bya ndoe na mukwabo,Ino munda mwandi umukadila lukalo.”
9 “Mwene nkebeta beshintulwile pa mwanda wa bino bintu?” i Yehova unena.
“Mwene nkalubwila* uno muzo kinongo?+
10 Nkadila ne kuyoyokota pa mwanda wa nguluKadi nkatulula lwimbo lwa bulanda* pa mwanda wa madyo a mu ntanda mutuputupu,Mwanda abatēma, kekukidipo muntu upita’mo,Kadi lunwa lwa bimunanwa kelwivwenwepo.
Byoni bya mūlu ne banyema abanyema; abaenda.+
11 Nkalamuna Yelusalema ke mulwi wa mabwe,+ mutá wa mizeu,+Kadi nkalamuna bibundi bya Yuda ke masala, mwa kubulwa mwikadi.+
12 Le i ani wa tunangu ubwanya kwivwanija kino’ki?
Le kyakanwa kya Yehova kyesambile na ani, amba asapule’kyo?
Mwanda waka ntanda ibaonakanibwa?
Mwanda waka ibasōkwa pamo bwa mu ntanda mutuputupu,Kekukidipo muntu nansha umo upita’mo?”
13 Yehova walondolola’mba: “I mwanda abapele kijila* kyami kyonatūdile ku meso abo, kadi i mwanda kebalondele’kyopo kadi kebakōkelepo diwi dyami.
14 Ino abo balondele na kibengo mityima yabo,+ balonda bankishi ba Bāla, monka mwebafundijije bashabo kulonga.+
15 O mwanda Yehova wa bibumbo, Leza wa Isalela wanena namino amba, ‘Nsa kudisha bano bantu ndulwe, kadi nsa kwibatomeja mema a bulembe.+
16 Nsa kwibapalakanya mu mizo yokebayukilepo abo ne bashabo bene,+ kadi nkebatumina kipete kufika’nka ne byonkebakubija.’+
17 Yehova wa bibumbo wanena namino amba,‘Mwiendejei bya ñeni.
Ityijai bana-bakaji bembanga ñimbo ya bulanda,*+Kadi itai bana-bakaji ba bwino bāye,
18 Amba bapēlakane ne kwitutulwila madilo,Amba meso etu azululuke impoloKadi bikopelo byetu bisūme mema.+
19 Mwanda ku Ziona kubaivwanwa lunwa lwa madilo+ amba:
“Yō, tubasalwa!
Yō, bumvu bwetu i bukatampe!
Mwanda tubashiye yetu ntanda, kadi abapomona mobo etu.”+
20 Banwe bana-bakaji, ivwanai kinenwa kya Yehova.
Matwi enu atambule kinenwa kya kyakanwa kyandi.
Fundijai benu bana bana-bakaji ano madilo,Kadi mwifundijei luno lwimbo lwa bulanda.*+
21 Mwanda lufu lubatwelela pa madidisha etu;Lubatwela mu biteba byetu bikomejibweMwanda wa kwipaya bana mu bipitoNe bansongwalume mu bīkwe.’+
22 Nena’mba, ‘Yehova wanena namino amba:
“Imbidi mifwe ya bantu ikapona pamo bwa mboleo mu budimi,Pamo bwa mulongo wa miseke ikiketwaketwa yobashile kudi mwangudi,Kwampikwa muntu nansha umo wa kwiikongakanya.”’”+
23 Yehova wanena namino amba:
“Muntu wa tunangu kaketumbijija tunangu twandi;+Muntu mukomokomo kaketumbijija bukomo bwandi;Mpeta nandi kaketumbijija bupeta bwandi.”+
24 “Ino muntu wa kwitumbija etumbijije bino’bi:
Amba udi na bujinguludi ne buyuki bwami,+Amba ami ne Yehova, Mwine ulombola buswe bwa ndamatyidile, bululame, ne boloke pa ntanda,+Mwanda ami ndoelelwe bino bintu,”+ i Yehova unena.
25 “Tala! Mafuku āyanga,” i Yehova unena, “nketa muntu ense mutwejibwe kwisao aye papo wa kubulwa kutwejibwa kwisao amba eshintulwile,+
26 ne Edipito,+ ne Yuda,+ ne Edoma,+ ne bene Amone+ ne Moabu+ ne boba bonso badi na nywene mitende dya ku matwi bekele mu ntanda mutuputupu;+ mwanda mizo yonso i ya kubulwa kutwela kwisao, kadi njibo yonso ya Isalela i ya kubulwa kutwela kwisao mu mutyima.”+
Kunshi kwa Dyani
^ Nansha’mba “muya wami ukalubwila.”
^ Nansha’mba “lwimbo lwa madilo.”
^ Nansha’mba “bulombodi.”
^ Nansha’mba “ñimbo ya madilo.”
^ Nansha’mba “lwimbo lwa madilo.”
