Yoba 10:1-22
10 “Ami nakwatwa būmi bwami mukenye.*+
Nsa kunena patōka mitompwe yami.
Nsa kwisamba mu tusua twami tulula bululu!*
2 Nsa kunena Leza amba: ‘Kokimponeja.
Nombole kine kyolwila nami i kika.
3 Le umwenanga mu kumwesha malwa,Mu kufutulula mwingilo wa makasa obe+Koku utōkelwa mutyima madingi a babi?
4 Le abe udi na meso a ngitu’ni,Nansha umonanga mumwenanga muntu wa kufwa?
5 Le mafuku obe adi bwa mafuku a bantu ba kufwa’ni,Nansha myaka yobe le idi bwa ya muntu,+
6 Amba ukimbekimbe kilubo kyamiNe kukimba’nka kukimba bubi bwami?+
7 Abe uyukile amba nkipilepo mambo;+Kadi i kutupu ubwanya kumpandija mu kuboko kobe.+
8 Maboko obe o amumbile ne kunonga,+Ino pano kouñonakanya fututu.
9 Nakwisāshila, vuluka’mba waunongele ku dilongo,+Ino pano kounjokeja ku luvumbi.+
10 Le kwaumpungulwilepo pamo bwa mabeleNe kunkwatyija pamo bwa mukama wa mabele?
11 Waumvwikile kikoba ne ngitu,Kadi wanungile pamo na mikupa ne mijilo.+
12 Waumpele būmi ne buswe bwa ndamatyidile;Walamine mushipiditu* wami na buledi bobe.+
13 Ino wadi usaka mu bufyafya kulonga bino bintu.*
Ndyukile amba bino bintu bitambanga kodi.
14 Shi nalongele bubi, wadi wa kumona,+Kwadipo wa kumingija pa kilubo kyami.
15 Shi ne mupye mambo, nankyo malwa ami!
Kadi nansha shi nkidipo na mambo, nkibwanyapo kutulula mutwe wami,+Mwanda nayulwa kafutululo ne malwa.+
16 Shi natulula mutwe wami, umpoyanga pamo bwa ntambo+Ne kulombola monka bukomo bobe pondi.
17 Undetelanga batumoni bapya pondiNe kuvudija bulobo bobe pondi,Pamfikila masusu āya epingakana.
18 Penepo i kika kyowantambijije mu ndá?+
Nadi wa kufwa kumeso kwa kumonwa na diso nansha dimo.
19 Longa naikele pamo bwa ami kaikele’ko kashā;Nadi wa kutamba mu ndá ne kupityidila ku kibundu.’
20 Le mafuku ami ke matyetyepo?+ Andeke’tu;Aleke kuntala, amba netūkije’ko bityetye*+
21 Ponkyaendele—kadi nkikajokapo+—Ku ntanda ya fukutu bwī,*+
22 Ku ntanda ya mfindi bwī,Ntanda ya munjiñininya mukatampe ne kavutakanya,Kwine’kwa ne kitōkeji kine kidi’nka bwa mfindi.”
Kunshi kwa Dyani
^ Nansha’mba “Muya wami ubakwatwa mukenye.”
^ Nansha’mba “Na bululu bwa muya wami!”
^ Nansha’mba “umpuya; būmi.”
^ Kishima pa kishima i, “Kadi bino bintu wafīle’byo mu mutyima obe.”
^ Nansha’mba “nsangale’ko bityetye.”
^ Nansha’mba “ya fukutu ne munjiñininya wa lufu.”
