Yoba 11:1-20
11 Zofala+ mwine Nama walondolola kanena’mba:
2 “Lelo bino binenwa byonso’bi kebikalondololwapo,Ne kadi le kunena bivule ko kubingija muntu?*
3 Le binenwa byobe bya bitupu byo bikobija bantu?
Le i kutupu ukakufunina mwanda wa binenwa byobe bya kibengo?+
4 Mwanda abe ubanena’mba, ‘Bufundiji bwami butōka tō,+Kadi ne utōka ku meso obe.’+
5 Ino shi’tu Leza wadi wa kwisambaNe kukupūtwila milomo yandi!+
6 Nankyo wadi wa kukusokwela bifyame bya tunangu,Mwanda tunangu twa kamweno tudi na mitamba mingi.
Nobe wadi wa kujingulula’mba Leza waitabija kwilwa’ko bilubo byobe bimo.
7 Le abe ubwanya kusokola bintu bya mushike bya Leza’niNansha kusokola bintu byonso bya* Mwinē Bukomo Bonso?
8 Tunangu tudi peulu bininge kutabuka mūlu. I bika byokokeja kulonga?
Tudi na mushike bininge kutabuka Kibundu.* I bika byokokeja kuyuka?
9 I tulampe bininge kutabuka ntandaKadi i tukatampe kutabuka dijiba.
10 Shi wapite wakute muntu ne kumuleta mu kidye,I ani ubwanya kumukankaja?
11 Mwanda aye uyukile kitatyi kikalanga bantu na bongojani.
Shi wamone kibi, abulwe kuta’ko mutyima?
12 Ino muntu wampikwa ñeni ukevwanijaEnka shi mpunda wa ntanda wabutula muntu.*
13 Shi abe walongolwele’tu mutyima obeNe kōlola maboko obe kwadi.
14 Shi kuboko kobe kuloñanga bibi, fundwila’byo kulampe,Kadi kokaleka bukondame bwikale mu mapema obe.
15 Mwanda e pokabwanya kutulula mpala yobe kwampikwa kabulema;Ukabwanya kwimanija pototo, kwampikwa moyo.
16 Mwanda e pokelwa makambakano obe;Ukeavuluka bwa mema akukile akupita.
17 Būmi bobe bukeñenya kupita ne dyuba mu mitwe;Nansha ke fukutu yabo ikekala bwa lubanga.
18 Ukekala na kikulupiji mwanda kudi lukulupilo,Kadi ukatala koku ne koku walāla na mutyima-ntenke.
19 Ukalāla, kwampikwa muntu ukukwatyija moyo,Kadi bantu bavule bakefukwija kodi.
20 Ino meso a babi keakamonepo biyampe,Kadi kebakatanapo kifuko kwa kunyemena,Kadi lukulupilo lwabo lumo kete i lufu.”*+
Kunshi kwa Dyani
^ Nansha’mba “le wa mitatulo ukekala na bubinga?”
^ Nansha’mba “kuyuka mikalo ya.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “shi mpunda wa ntanda wabutulwa bu muntu.”
^ Nansha’mba “muya kufwididila.”
