Yoba 16:1-22
16 Yoba walondolola kanena’mba:
2 “Kendi mwivwane kala bintu bivule pamo bwa byabyo.
Banwe bonso mwi basengi ba kukambakanya!+
3 Le binenwa bya bitupu* bidi na mfulo?
I bika byakulengeja ulondolole nankyo?
4 Ami nami nadi mbwanya kwisamba momwisambila’mo.
Shi mwadi pa kyami kyaba,*Nadi wa kwimunena binenwa binekenyaNe kwimupukila mutwe.+
5 Ino, nadi wa kwimukomeja na binenwa bya kyakanwa kyami,Kadi busengi bwa milomo yami bwadi bwa kwimwikadija biyampe.+
6 Shi nesambe, misanshi yami keikapupo,+Kadi shi naleka kwisamba, le misanshi yami ikatyepa namani?
7 Ino pano waunkōkeja;+Waonakanya fututu ba mu njibo yami yonso.*
8 Abe nobe ubaunkwata, kadi kibaikala bu kamoni,Amba kinyano kyami kimane ne kutūla bukamoni ku mpala yami.
9 Bulobo bwandi bubansasamuna bipindibipindi, kadi undamīne kīji.+
Unshenkenyenya meno.
Walwana nami wansabakanya na meso andi.+
10 Abaungasamina kyakanwa kyabo bininge,+Kadi abakupila matama ami na kibengo;Abebunge kibumbo kikatampe kulwa nami.+
11 Leza waumpāna ku banuke bana-balume,Kadi waungela mu makasa a babi.+
12 Nadi neshikatyile talala, ino aye wantyumuna;+Waunkwata mwikoshi ne kumvingakanya;Penepa wauntūla bu kitōndo kyandi.
13 Bedi bandi ba miketo banjokolokele;+Usabakanyanga mfyo yami+ ne kwivwana lusa kwine mpika;Upungulwilanga nsamba-bululu wami panshi.
14 Untubulanga bipunzubipunzu;Wiyanga lubilo kondi pamo bwa muntu wa bulwi.
15 Nasone sāka wa kupūta kikoba kyami,+Kadi najīka bulēme* bwami mu luvumbi.+
16 Mpala yami ibatyile na kudila,+Kadi pa bikopelo byami padi munjiñininya mukatampe,*
17 Nansha maboko ami byokealongelepo kibiKadi milombelo yami itōka tō.
18 Yō, a ntanda, kokapūta mashi ami!+
Kadi kudila kwami kekwakikala na kifuko kya kukōkolokwa!
19 Ne pano pene, kamoni kami kadi mūlu;Yewa ubwanya kuntūdila bukamoni udi peulu.
20 Balunda nami bansepanga na kibengo+Pasūmija diso dyami impolo* kudi Leza.+
21 Muntu umo atyibe mambo pa bukata bwa muntu ne Leza,Enka mutyibilanga muntu mambo pa bukata bwa muntu ne muntu mukwabo.+
22 Mwanda myaka isa kwiya’ko i mityetye,Ami nami nsa kwenda mu kashinda ka ñendelele.+
Kunshi kwa Dyani
^ Nansha’mba “bya kwianya.”
^ Nansha’mba “Shi muya wenu wadi pa kyaba kya muya wami.”
^ Nansha’mba “boba bebungile kondi.”
^ Nansha’mba “bukomo.” Kishima pa kishima i, “lusengo.”
^ Nansha’mba “munjiñininya wa lufu.”
^ Bibwanika padi i, “ditala kulāla mpika.”
