Yoba 17:1-16
17 “Mushipiditu wami ubatyumunwa, mafuku ami abapu;Kabudi kantengele.+
2 Ba kibengo banjokolokele,+Kadi diso dyami ditalanga sō* bilongwa byabo bya butomboki.
3 Nakwisāshila itabija kyeya kyami, kadi wikilame.
Le i ani mukwabo ukekunka nami mu makasa ne kwikala bu kyeya pa mwanda wami?+
4 Mwanda ubafi mutyima wabo kusansanya;+O mwanda kwibazunzwilepo.
5 Aye ubwanya kwiabila bintu na balunda nandi,Papo meso a bandi bana kumona biyampe mpika.
6 Waunonga bu kintu kya kuzobejibwa* mu bukata mwa bantu,+Amba ngikale muntu obapēlela mata mu mpala.+
7 Meso ami keabumbudima malwa,+Kadi bidyoma byami byonso ke munjiñininya onka.
8 Bantu boloke swā babambile’ko meso sō batulumuka,Kadi muntu wampikwa mambo uvutakanibwa pa mwanda wa muntu wampikwa Leza.*
9 Moloke ulamete nyeke ku dishinda dyandi,+Kadi muntu wa makasa atōka wenda ukoma bininge.+
10 Inoko, banwe bonso iyai mulunguluke na lupata lwenu,Mwanda nkitenepo momudi muntu wa tunangu nansha umo.+
11 Mafuku ami abafule;+Mpango yami, bisakasaka mutyima wami, bibatyumunwa.+
12 Balamunanga bufuku ke dyuba,Banena’mba, ‘Kitōkeji kifwaninwe kwikala pabwipi mwanda kubafīta.’
13 Shi nkungile, Kibundu* kikekala yami njibo;+Nkāla butanda bwami mu fukutu.+
14 Nketa kīna*+ amba, ‘Abe wi tata!’
Kivinyu nakyo amba, ‘Wi mama kadi wi mwanetu mwana-mukaji!’
15 Le penepo lukulupilo lwami ludi kwepi?+
Le i ani ubwanya kumwena ami lukulupilo?
16 Alo* lukatūkila ku bibelo bya Kibundu* bishite na mikonkoleBatwe bonso potukatūkila pamo mu luvumbi.”+
Kunshi kwa Dyani
^ Nansha’mba “dishikete mu.”
^ Kishima pa kishima i, “lukindi; lukōyo.”
^ Nansha’mba “kapondo.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “kibundu.”
^ Ko kunena’mba, lukulupilo lwami.
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
