Yoba 18:1-21
18 Biledade+ mwine Shuha walondolola kanena’mba:
2 “Lelo i kitatyi’ka kyomukaleka kunena binenwa bya uno muswelo?
Ikalai na ñeni amba netu twisambe.
3 I kika kyotumwenwa bwa banyema+Ne kumonwa bu bivila* ku meso enu?
4 Nansha shi wisasamune abe mwine* bipindibipindi mu bulobo bobe,Lelo ntanda ikalekwa pa mwanda obe’ni,Nansha’ko dibwe dikatunduluka pa kifuko kyadyo?
5 Bine, kitōkeji kya mubi kikabula,Kadi lubimbi lwa mudilo wandi kelukakelapo.+
6 Kitōkeji kya mu pema wandi bine kikafīta,Kadi kinanu kya peulu pandi kikabula.
7 Matabula andi a bunkanka abaipipa,Kadi madingi andi akamuponeja aye mwine.+
8 Mwanda maulu andi akamutwala mu bukonde,Kadi ukalumbakena mu meso abo.
9 Kidiba kikamukwata ku kapondo;Kadi dikinga dikamukwatanga.+
10 I bamufye monji pa nshi,Kadi kidiba kilēle mu kashinda kandi.
11 Luzakalo lubamutuyula mitamba yonso+Ne kumulonda lubilo ku maulu andi.
12 Bukomo bwandi bubamupu,Kadi kimpengele+ kikamulundula.*
13 Kikoba kyandi kibadibwa;Misongo ya lufu* ibadididila bidyoma byandi.
14 Watalulwa ku mutyima-ntenke wa pema wandi+Ne kwenda kudi mulopwe ulenga moyo.*
15 Beni* bakekala mu pema wandiBibidikityi bikakusankana mu njibo yandi.+
16 Miji yandi ikōma munshi mwandi,Kadi misambo yandi ikafumba peulu pandi.
17 Kivulukilo kyandi kikajimankana pa ntanda,Kadi dijina dyandi kedikayukanapo* mu kipito.
18 Ukatalulwa ku kitōkeji ne kutwejibwa mu fukutuKadi ukapangwa mu ntanda ya bumeni.
19 Kakekalapo na lutundu ne bana mu bantu bandi,Kadi kakekalapo na muntu ushele mūmi mu kifuko kyashikete’mo.*
20 Difuku dyandi pa kufika, bantu ba Kushika bakatulumukaKadi bantu ba Kutunduka nabo bakakwatwa nzuba.
21 Kino kyo kifikilanga mapema a nonga-bibiNe kifuko kya yewa kayukilepo Leza.”
Kunshi kwa Dyani
^ Bibwanika padi i, “ba disubi.”
^ Nansha’mba “muya obe.”
^ Nansha’mba “kikamusunkutyija.”
^ Kishima pa kishima i, “Umbedi wa lufu.”
^ Nansha’mba “lufu lwa malwa.”
^ Kishima pa kishima i, “Kintu kya bene.”
^ Kishima pa kishima i, “kakekalapo na dijina.”
^ Nansha’mba “kīkalo kyandi kya lupito.”