Yoba 19:1-29
19 Yoba walondolola kanena’mba:
2 “Le mukendelela kulobeja muya wami* kufika ne kitatyi’ka,+Ne kumvingakanya na binenwa?+
3 Pano ke misunsa dikumi yomumfunina;*Kemudipo na bumvu bwa kunsusula.+
4 Kadi shi binebine netupile,Nabya kilubo kyami kidi nami nyeke.
5 Shi mwendelele kwizunzula banwe bene pondi,Munena’mba matope antopekwa i a bine,
6 Nankyo yukai amba i Leza wañongola,Kadi wankwata mu bukonde bwandi.
7 Tala! Ngabijanga’nka kwabija’mba, ‘Kibi!’ ino kekudipo ulondolola;+Ngabijanga’nka kwabija bukwashi, ino kekudipo boloke.+
8 Kashinda kami i kajikwe na lubumbu lwa mabwe, nkibwanyapo kupita’mo;Wapūta dishinda dyami na fukutu.+
9 Waumvūla ntumbo yamiNe kuntalula kilukwa ku mutwe wami.
10 Wauntyumuna mitamba yonso kufika ne byomfwa;Lukulupilo lwami welujula pamo bwa mutyi.
11 Bulobo bwandi bubandyendyemukila,Kadi umwene bu walwana nandi.+
12 Bibumbo byandi bya basola bibaiya pamo kuntēkela kasāla,Bibatūla ne nkambi kufulakufula kwa pema wami.
13 Wasonsolwela banabetu kulampe nami,Kadi boba bandyukile abamvundamina.+
14 Balunda nami* ba pa mutyima abaenda,Kadi boba bonadi ndyukile biyampe abangilwa.+
15 Beni ba mu njibo yami+ ne bapika bami bana-bakaji abaumone bu muntu ungi;Kendi mweni ku meso abo.
16 Naite mwingidi wami, ino ketabilepo;Namulombe lusa na kyakanwa kyami.
17 Umpuya wami ubaikala bya mukenye kudi wami mukaji,+Kadi naikala kendi kintu kinunka bibi kudi banabetu.*
18 Enka ne bana batyetye bene bamfutululanga;Shi naimana, baanza kumenga.
19 Balunda nami bonso ba pa mutyima abaunshikwe,+Kadi boba bonadi nsenswe abaungalamukila.+
20 Mikupa yami ibalamata ku kikoba kyami ne ku mwita wami,+Kadi napande na kikoba kya meno ami.
21 Mfwilei’ko lusa, a balunda nami, mfwilei’ko lusa,Mwanda kuboko kwa Leza kubauntenga.+
22 Mwanda waka mumpangapanga na mumpangilapangila Leza,+Muntamba ne kuleka’byo mpika?*+
23 Yō, shi binenwa byami byaandikilwe,Shi byalembelwe nansha mu mukanda!
24 Yō, shi byalembelwe nyeke pa dibwe,Na ka kulemba nako ka kyuma ne fweta!
25 Mwanda ndyukile biyampe amba mukūdi+ wami i mūmi;Ukāyanga ku mfulo ne kwimana pa ntanda.*
26 Kikoba kyami pa kupwa konakanibwa nenki,Papo nakidi mu ngitu yami, nkamonanga Leza,
27 Mwine onkemwena ami mwine,Mwine ukamona meso ami, ke a muntu ungipo.+
Ino munda mwami ne mulēmenenwe!*
28 Mwanda mubanena’mba, ‘Le tumupangapañanga namani?’+
Akyo nakyo kitako kya mwanda i amiwa.
29 Tyinai kipete banwe bene,+Mwanda kipete kiletanga mfuto pa bilubo;Mufwaninwe kuyuka’mba kudi mutyibi wa mambo.”+
Kunshi kwa Dyani
^ Nansha’mba “kundobeja.” Tala Nshintulwilo ya Bishima.
^ Nansha’mba “yomuntuka.”
^ Nansha’mba “Babutule bami.”
^ Kishima pa kishima i, “bana ba mu ndá yami,” ko kunena’mba, ndá yañimite (ndá ya mama).
^ Kishima pa kishima i, “Ne kwikuta mwita wami mpika?”
^ Kishima pa kishima i, “pa (pangala pa) luvumbi.”
^ Nansha’mba “Mfyo yami keikingilapo munda mwami.”