Yoba 20:1-29
20 Zofala+ mwine Nama walondolola kanena’mba:
2 “O mwanda mwine milangwe yami mivutakane intonona nondololePa mwanda wa kuvutakanibwa kwami.
3 Naivwana madingi a kuntuka;Kadi ñeni yami* intonona nondolole.
4 Bine, abe uyukile kino’ki tamba kala,Mwanda e mobikadile tamba kashā muntu* utūlwa pano pa ntanda,+
5 Amba nsadi ya tusepo ya mubi i mīpiKadi nsangaji ya muntu wampikwa Leza* i ya kitatyi kityetye.+
6 Nansha shi bukatampe bwandi bukande mūluNe mutwe wandi utenge mu makumbi,
7 Ukonekanga lonso pamo bwa tuvwi twandi;Boba bamumonanga bakanena’mba, ‘Le udi kwepi?’
8 Ukatumbuka pamo bwa kilotwa, kebakamumonepo;Ukapangilwa kulampe pamo bwa kimonwa kya bufuku.
9 Diso dyamumwene kedikamumonepo monka,Kadi kifuko kyandi kekikamubandilapo dikwabo.+
10 Bandi bana bakakimba kwifukwija kudi mulanda,Kadi maboko andi akalubula bupeta bwandi.+
11 Mikupa yandi yadi miyule bukomo bwa bunkasampe,Ino bukalāla* pamo nandi mu luvumbi lwa bitupu.
12 Shi kyokya kibi kyo kitobala mu kyakanwa kyandi,Shi wafi’kyo munshi mwa ludimi lwandi,
13 Shi wekitompa ne kwikileka kyende mpikaIno wekilama mu kyakanwa kyandi,
14 Byakudya byandi bikasosoma munda mwandi;Bikekala munda mwandi pamo bwa bulembe* bwa ntambwa-ntanda.*
15 Waminine bupeta, ino ukebulasa;Leza ukalupula’bo bonso mu difu dyandi.
16 Ukafifya bulembe bwa ntambwa-ntanda;*Meno* a mpidi akamwipaya.
17 Kakamonepo nansha dimo tuminonga twa mema,Milungu ya būki ne buleba.
18 Ukalubula bintu byandi kwampikwa kwibipwa;*Kakasangelapo bupeta bwa mu bya busunga byandi.+
19 Mwanda wavingakanya ne kwela mulanda;Wakwata njibo yakaubakilepo.
20 Ino kakekalapo na ndoe munda mwandi;Bupeta bwandi kebukamupandijapo.
21 Kashelepo na kintu nansha kimo kya kusasamuna;O mwanda bupeta bwandi kebukejepo.
22 Bupeta bwandi pobuvula bininge, mutyima ukamuzumbazumba;Bukomo bonso bwa kyamalwa bukāya kulwa nandi.
23 Payuja difu dyandi,Leza* ukamutumina bulobo bwandi budyendyemuka,Ukamunokejeja’bo mu mila yandi pamo bwa mvula.
24 Kitatyi kyanyema byabulwi bya kyuma,Miketo ya buta bwa mukuba ikamusabakanya.
25 Watukuna muketo pa nyuma pandi,Kyabulwi kyeñenya mu nsamba-bululu wandi,Luzakalo lubamukwata.+
26 Fukutu mikatampe itengele byabulēme byandi;Mudilo wampikwa kupēpulwa na muntu ukamuloteja;Kyamalwa kitengele bonso bashele bōmi mu pema wandi.
27 Diulu dikapūtula kilubo kyandi;Ntanda ikamwalamukila.
28 Dilobe dikapitula njibo yandi;Dikekala ke munonga mukatampe mu difuku dya bulobo bwa Leza.*
29 Kino’ki kyo kyepelo kya muntu mubi kitamba kudi Leza,Bupyani bumutungīle Leza.”
Kunshi kwa Dyani
^ Kishima pa kishima i, “mushipiditu wa ñeni yami.”
^ Nansha’mba “bantu; Adama.”
^ Nansha’mba “kapondo.”
^ Ko kunena’mba, bukomo bwandi.
^ Nansha’mba “nsamba-bululu.”
^ Nansha’mba “ñando.”
^ Nansha’mba “ñando.”
^ Kishima pa kishima i, “Ludimi.”
^ Kishima pa kishima i, “kadi kakaminapo.”
^ Kishima pa kishima i, “Aye.”
^ Kishima pa kishima i, “bwandi.”
