Yoba 21:1-34
21 Yoba walondolola kanena’mba:
2 “Ivwanai biyampe bino byonena;Buno’bu bwikale busengi bomunsenga.
3 Ntūkijijei mutyima ponesamba;Shi napu kwisamba, ebiya kemunzawila.+
4 Lelo ntompwelanga muntu?
Shi byadi nankyo, mwene longa ami* kendi mujimije kitūkijetyima?
5 Ntalei ne kumandila byakanwa pululu;Tūlai kuboko kwenu pa kyakanwa kyenu.
6 Kitatyi kyonangulukila’po, mvutakanibwanga,Kadi ngitu yami yonso itetemanga.
7 Mwanda waka babi bakikēle bōmi,+Banunupa, ne kwikala bampeta?*+
8 Babo bana badi nabo nyeke ku meso abo,Kadi bamonanga ntundu yabo.
9 Mobo abo i malamibwe senene, kebadipo na moyo,+Kadi Leza kebapangapo mfuto na lusonde lwandi.
10 Bañombe babo bebutula kwampikwa makambakano;Bañombe babo babutula ne kupulumuna mpika.
11 Babo bana banuke banyema lubilo panja pamo bwa luombe,Kadi babo bana bakilakila koku ne koku.
12 Bemba koku bomba ñoma ne lunsenseKadi basangela kuvuma kwa lushiba.*+
13 Bapityija mafuku abo mu kuloelelwaKadi batūkila mu ndoe* ku Kibundu.*
14 Ino kebanena Leza wa bine amba, ‘Wituleke!
Ketusakilepo kuyuka mashinda obe.+
15 Lelo Mwinē Bukomo Bonso i ani, amba tumwingidile?+
Le i bika byotukamwena mu kwiyuka nandi?’+
16 Ino ndyukile amba kebadipo na lupusa pa bupeta bwabo.+
Milangwe* ya babi idi kulampe nami.+
17 Lelo i misunsa inga le ke mibule kinanu kya babi?+
Lelo i misunsa inga le ke mīye kyamalwa pobadi?
Lelo i misunsa inga le ke mibonakanye Leza mu bulobo bwandi?
18 Lelo kashā ke bekale pamo bwa biyombo ku meso a kivulaNe bwa mfumba ipepulwa na luvula lwa kimpumpu?
19 Mfuto ya muntu, Leza ukabīkila’yo bandi bana.
Ino Leza amulubwile mwanda wa akayuke’kyo.+
20 Meso andi amone musala wandi,Kadi ekale muntu utoma ku bukalabale bwa Mwinē Bukomo Bonso.+
21 Mwanda i bika byakatela mutyima ku byobya bikalongeka mu njibo yandi aye kakidi’koShi bungi bwa myeji yandi bubatyepejibwa?*+
22 Le kudi ubwanya kufundija Leza buyuki,*+Aye papo ye mwine utyiba mambo nansha ke a batabuke bukatampe bene?+
23 Kudi muntu ufwanga mukomo nkē+Aye papo kwampikwa malangalanga kadi wikele talala nyā,+
24 Matangatanga andi papo mayule māniKadi mikupa yandi mikomokomo.*
25 Ino muntu mukwabo ufwanga na njia mikatampe,*Kwampikwa kutompa bintu biyampe nansha dimo.
26 Bakalāla pamo mu luvumbi,+Kadi bivinyu bikebapūta abo bonso.+
27 Tala! Ndyukile senene byomulanga’byo,Ne nkuku yomukuta mwanda wa kunonga bibi.+
28 Mwanda munenanga’mba, ‘Le njibo ya wa būleme idi kwepi le,Ne pema mwadi mushikete mubi udi kwepi le?’+
29 Le kemwipangwilepo bendanga ñendo?
Le kemwifundilepo na katentekeji bukamoni bwabo,*
30 Amba muntu mubi upandijibwanga mu difuku dya kimpengeleNe kukūlwa mu difuku dya bukalabale?
31 I ani ukamutamba pa mwanda wa dishinda dyandi,Ne i ani ukamulubwila mwanda wa byalongele?
32 Pobamuselela ku tubudi,Kalama ukalama pa kibundu kyandi.
33 Bibuo bya nshi ya musanza* bikamutobala,+Kadi bantu bonso bakamulonda*+Pamo bwa bungi kebubadika budi ku meso andi.
34 Penepo i kika kyomunsengela bya bitupubitupu?+
Mu malondololo enu i mutupu kintu, poso’nka bongojani!”
Kunshi kwa Dyani
^ Kishima pa kishima i, “mushipiditu wami.”
^ Nansha’mba “bakomokomo.”
^ Nansha’mba “kapindo.”
^ Nansha’mba “mu kitatyi kampanda,” ko kunena’mba, lufu lwa bukidibukidi lwampikwa misongo.
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “Madingi; Nkuku.”
^ Nansha’mba “bubatyibwe pabidi.”
^ Nansha’mba “kufundija Leza kintu kyo-kyonso.”
^ Kishima pa kishima i, “māni a mikupa yandi i mabombe.”
^ Nansha’mba “na muya ulula.”
^ Kishima pa kishima i, “biyukeno byabo.”
^ Nansha’mba “kinekaneka.”
^ Kishima pa kishima i, “Kadi ukabulwila bantu bonso kwadi.”
