Yoba 22:1-30
22 Edifaza+ mwine Temani walondolola kanena’mba:
2 “Le muntu ubwanya kwikala na mvubu kudi Leza?
Le kudi muntu wa bujinguludi ubwanya kwikala na kamweno kwadi?+
3 Le Mwinē Bukomo Bonso utele mutyima’mba* wi moloke’ni,Nansha le aye umwenanga kintu kampanda mu kulonda kolonda dishinda dya bululame?+
4 Le ukakupa mfutoNe kutwela nobe mu kidye mwanda wa kalēmo kobe?
5 Le ke pa mwandapo wa bubi bobe bukatampe kutabukaNe bilubo byobe kebidipo na mfulo?+
6 Mwanda uyatanga kyeya kya banabenu pampikwa mwanda,Kadi uvūlanga bantu bivwalwa byabo, wibashiya mutaka.*+
7 Kupangapo mukōke mema a kutoma,Kadi wa nzala umusuminwanga byakudya.+
8 Ntanda i ya nkomokomo,+Kadi yewa obatōkelwe mutyima ye ushikata’mo.
9 Ino abe wapingile bakaji ba kishala makasa bitupu,Kadi wavingakenye maboko a bana bampikwa bashabo.*
10 O mwanda wi mujokolokwe na bidiba,*+Kadi luzakalo lwa mu kitulumukila lubakuzakaja;
11 O mwanda kudi fukutu yokubwanyapo kumona,Kadi dilobe dya mema dibakupūta.
12 Lelo Leza kadipo mu mitenta ya mūlu?
Ne kumona mulepēle ñenyenye yonso.
13 Ino abe ubanena’mba: ‘I bika bine biyukile Leza?
Le ubwanya kutyiba mambo mu mfindi bwī?
14 Makumbi i mamujike kakimonepoPanangakana mūlu* koku ne koku.’
15 Le ukalonda kashinda ka kalaKanangile’mo bantu babi,
16 Bantu basompwelwe* kumeso kwa kitatyi kyabo,Ba kyalwilo kyabo kyaselelwe na dilobe?*+
17 Badi banena Leza wa bine amba: ‘Wituleke!’
Ne amba ‘I bika bibwanya kwitulonga Mwinē Bukomo Bonso?’
18 Aye papo ye Mwine wayujije mobo abo na bintu biyampe.
(Ino milangwe mibi idi kulampe na yami.)
19 Boloke bakamona kino ne kusangala,Kadi muntu wampikwa mambo ukebazawila kanena’mba:
20 ‘Bakinkwa netu abaonakanibwa,Kadi mudilo ukaloteja kyokya kishele kobadi.’
21 Muyuke Aye, nobe ukekala mu ndoe;Penepo bintu biyampe bikakufikila.
22 Itabija bijila bya kyakanwa kyandi,Kadi lama binenwa byandi ku mutyima obe.+
23 Shi ujokele kudi Mwinē Bukomo Bonso, nabya nobe ukalujibwa;+Shi utalule bukondame mu pema obe,
24 Shi waelele olo* yobe mu luvumbiNe olo ya Ofila+ mu binkolankola* bya mabwe,
25 Penepo Mwinē Bukomo Bonso ukekala ke olo* yobe,Kadi aye ukekala ndalama yobe milumbuluke kutabuka.
26 Mwanda e pokaloelelwa mudi Mwinē Bukomo Bonso,Kadi ukatulwila mpala yobe kudi Leza.
27 Ukamulomba, nandi ukakwivwana;Nobe ukafuta mpiko yobe.
28 Kyonso kyosaka kulonga kikendeka,Kadi kitōkeji kikeñenya mu kashinda kobe.
29 Mwanda ukafwijibwa bumvu powisamba na kibengo,Ino aye ukapandija yewa mwityepeje.*
30 Aye ukakūla boba bampikwa mambo;Nanshi shi makasa obe atōka, nankyo bine ukakūlwanga.”
Kunshi kwa Dyani
^ Nansha’mba “Le Mwinē Bukomo Bonso uloelelwe amba.”
^ Kishima pa kishima i, “kuvūla bivwalwa bya badi mutaka.”
^ Nansha’mba “a bana ba nshiye.”
^ Kishima pa kishima i, “bidiba bya toni.”
^ Kishima pa kishima i, “nkuvunga ya mūlu.”
^ Nansha’mba “ba būmi bwatyepejibwe.”
^ Kishima pa kishima i, “munonga.”
^ Nansha’mba “bibese bya olo.”
^ Nansha’mba “binekaneka.”
^ Nansha’mba “bibese bya olo.”
^ Nansha’mba “yewa utala panshi.”
