Yoba 23:1-17
23 Yoba walondolola kanena’mba:
2 “Enka ne dyalelo nsa kutompola bya kibengo;*+Bukomo bwami bubapu mwanda wa kubinza kwami.
3 Yō, shi nadi’tu ndyukile kwa kusokola Leza!+
Nadi wa kwenda ku kīkalo kyandi.+
4 Nadi wa kutūla wami mwanda ku meso andiNe kuyuja bya kwisamba mu kyakanwa kyami;
5 Nadi wa kuyuka mwaadi wa kunondolwelaNe kuta mutyima ku byaunena.
6 Le wadi wa kulwa nami na kwingidija bukomo bwandi bukatampe?
Mhm, bine wadi wa kunteja.+
7 Kwine’kwa muntu moloke swā ubwanya kusendulula myanda pamo nandi,Kadi nadi wa kutalulwa mambo lonso na mutyibi wami.
8 Ino shi naenda kutunduka, kadi’kopo;Kadi shi najoka, nkibwanyapo kumusokola.
9 Paingila ku lunkuso, nkibwanyapo kumutala;Penepo waalamukila ku lundyo, ino ami kumumona ne pano pene mpika.
10 Ino aye uyukile kashinda koñenda.+
Aye pa kupwa kuntompa, nkatamba pamo bwa olo yonkayonka.+
11 Maulu ami alondanga senene mayo andi;Nalama dishinda dyandi kwampikwa kwidisāsuka.+
12 Nkisāsukilepo mbila ya milomo yandi.
Nebīkila binenwa+ byandi kupita ne byobadi banombele* bine.
13 Shi wasumininwa, le i ani ubwanya kumukankaja?+
Shi aye* wasake kulonga kintu kampanda, uloñanga’kyo.+
14 Mwanda ukafikidija ne pa mfulo kyokya kyampikwidilwe,*Kadi udi na bintu bingi bwa bino’bi mu kibīko.
15 O mwanda nzumbijanga mutyima pa mwanda wandi;Shi namulanga, moyo wami uvulanga.
16 Leza wazozeja mutyima wami,Kadi Mwinē Bukomo Bonso wankwatyija moyo.
17 Inoko fukutu keingubijepo talalaNansha ke mfindi ipūtyile mpala yami.
Kunshi kwa Dyani
^ Nansha’mba “mitompwe yami i mitomboke.”
^ Nansha’mba “byobadi bantungīle.”
^ Nansha’mba “muya wandi.”
^ Nansha’mba “kyantungīlwe.”
