Yoba 24:1-25
24 “Mwanda waka Mwinē Bukomo Bonso katungilepo kitatyi?+
Mwanda waka boba bamuyukile kebamwenepo dyandi difuku?*
2 Bantu batundululanga biyukeno bya mikalo;+Babombwela luombe ku madyo abo.
3 Bapinga mpunda wa bana bampikwa bashaboBayata ñombe wa mukaji wa kishala bu kyeya mwanda wa mapu.+
4 Basāsukija balanda mu dishinda ku bukomo;Muntu mufudile wa pa ntanda ukebafyama.+
5 Balanda bakimbanga na kininga byakudya pamo bwa bampunda ba ntanda+ mu ntanda mutuputupu;Bakimbilanga babo bana byakudya mu ntanda mutuputupu.
6 Bakangula mu budimi* bwa beneNe kukōkolola mu budimi bwa mañanza bwa mubi.
7 Balālanga bufuku mutaka, kwampikwa bivwalwa;+Kebadipo na kya kwipūta mwanda wa mashika.
8 I babombe mvula wa ku lūlu;Balamete ku mabwe mwanda wa kubulwa mwa kufyama.
9 Mwana wampikwa shandi i mutukunwe ku mabele;+Kadi bivwalwa bya balanda i biyatwe bu kyeya mwanda wa mapu,+
10 Bebendeja ku bukomo mutaka, kwampikwa bivwalwa,Basela bīta bya ñano na nzala.
11 Baputumanga na mingilo mu mumbu ya madimi dyuba kampumpu;*Baponda byengelo bya vinyu, abo papo na kyumwa.+
12 Boba badi kubwipi na kufwa babinza’nka kubinza mu kibundi;Boba batapwe* bibibibi balomba bukwashi,+Ino Leza kutupu kwikimona bu kyampikwa kwendela’mo.*
13 Kudi boba batombokela kitōkeji;+Kebayukilepo mashinda akyo,Kadi kebalondangapo tushinda twakyo.
14 Ntapañani ubūkanga pa kutamba kwa dyuba;Utapa mufudile ne mulanda,+Shi ke bufuku wepāna mu bwivi.
15 Diso dya wa makoji dikuñanga kapita i kāni,+Unena’mba, ‘Kekudipo umwene!’+
Upūta ne mpala yandi.
16 Mu fukutu basabilanga mu* mobo;Mu dyuba beshityila’mo.
Kebayukilepo kitōkeji.+
17 Mwanda lubanga ludi pamo’nka bwa fukutu mikatampe kobadi;Bayukile biyampe luzakalo lwa fukutu mikatampe.
18 Baselwanga lubilo na mema.*
Kipindi kyabo kya ntanda kikafingwa mafingo.+
Kebakajokelapo ku madimi abo a mañanza.
19 Monka mutalwilanga mulanga ne kyanga mashika mekwate asunguluka,Kibundu* nakyo kitalulanga boba balongele bubi!+
20 Inandi* ukamwilwa; kivinyu kikamudya.
Kakavulukwapo dikwabo.+
Kadi bukondame bukatyumunwa pamo bwa mutyi.
21 Umwenanga mwana-mukaji ñumba,Ne kususula mukaji wa kishala.
22 Leza* ukengidija bukomo bwandi mwanda wa kufundula bankomokomo;Nansha shi bemane, kebadipo na kikulupiji kya būmi.
23 Leza* wibalekele bekale na kikulupiji ne mutyima-ntenke,+Ino meso andi adi pa byonso byobalonga.*+
24 Abazunzulwa mu kitatyi kityetye, kupwa ne kobāya jimejime.+
Abatūkijibwa munshi+ ne kukongakanibwa pamo bwa muntu ense;Abaketwe pamo bwa bisampo bya ñano.
25 Shi ke pano, i ani ubwanya kumbepejaNansha kupatana byonena ami?”
Kunshi kwa Dyani
^ Ko kunena’mba, difuku dyandi dya butyibi.
^ Bibwanika padi i, “Bakangula byakudya mu budimi.”
^ Bibwanika padi i, “Beñanga māni mu mumbu ya madimi.”
^ Nansha’mba “Myuya ya batapwe.”
^ Bibwanika padi i, “Leza kalambikangapo muntu bibi.”
^ Kishima pa kishima i, “kukola mu.”
^ Kishima pa kishima i, “Upitanga lubilo pangala pa mema.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Kishima pa kishima i, “Ndá.”
^ Kishima pa kishima i, “Aye.”
^ Kishima pa kishima i, “Aye.”
^ Kishima pa kishima i, “pa mashinda abo.”
