Yoba 28:1-28
28 “Kudi kifuko kya kukola ndalamaNe kifuko kya olo yobakundula;+
2 Kyuma kiyatwanga pa nshi,Kadi mukuba nao usungululwanga* ku mabwe.+
3 Muntu unekenyanga fukutu;Ukimbakimbanga mukalo mu mfindi ne mu fukutu,Ukimba dibwe dilēme.*
4 Ukolanga mungotyi kulampe na kushikatanga bantu,Mu bifuko byobedilwe, kulampe na kunangilanga bantu;Bantu bamo batūkila’mo ke bayelayela’mo.
5 Byakudya bimenanga peulu pa ntanda;Ino munshi, ifulamunwa pamo’nka bwa yapya mudilo.*
6 Kwine’kwa mu mabwe mudi safile,Mu luvumbi namo mudi olo.
7 I kutupu kyoni kipoyanga kiyukile kashinda kenda’ko;Diso dya kalela kedyamwene’ko.
8 I kutupu banyema balenga moyo ke banyante’ko;Ntambo mwana katumbukīle’ko masumba.
9 Muntu ukupilanga ku dibwe dikomokomo na kuboko kwandi;Ufulamuna ngulu pa kyalwilo kyayo.
10 Ukolanga mikola ya mema+ mu dibwe;Meso andi amona kintu kyonso kya bulēme.
11 Ujikanga mumba ku masulo a minongaNe kutambija patōka byobya byadi bifyame.
12 Ino tunangu—le tubwanya kusokolwa kwepi,+Ne i kwepi kudi nsulo ya ñeni?+
13 I kutupu muntu uyukile bulēme bwato,+Kadi ketubwanyapo kusokolwa mu ntanda ya bōmi.
14 Mema malamala anena’mba, ‘Ketudipo mondi!’
Dijiba nadyo amba, ‘Nkidipo nato!’+
15 Ketubwanyapo kupotwa na olo yonkayonka;Nansha kupima ndalama mwanda wa kwishinta nayo.+
16 Ketubwanyapo kupotwa na olo ya Ofila+Nansha na onikise ne safile misakane.
17 Olo ne dikalashi kebibwanyapo kudingakanibwa nato;Nansha kipungwa kya olo itōka* kushintwa nato.+
18 Dibwe dya kolaye ne dya kidisale* keafwaninwepo nansha kutelwa kwine,+Mwanda mufuko muyule tunangu udi na bulēme kupita owa muyule malungo.
19 Dibwe dya topaze+ dya Kusha kedibwanyapo kudingakanibwa nato;Ketubwanyapo kupotwa nansha ke na olo yonkayonka mine.
20 Ino le tunangu tutambanga kwepi,Ne nsulo ya ñeni idi kwepi?+
21 I tufibwe ku meso a kintu kyonso kyūmi+Kadi i bafye’to byoni bya mūlu.
22 Bonakani ne lufu binena’mba,‘Matwi etu aivwene’tu ntumbo yato.’
23 Leza ujingulwile dishinda dya kwitusokola;Aye bunka bwandi uyukile kotwikalanga,+
24 Mwanda utalanga ku mfulo ya ntanda,Kadi umonanga kintu kyonso kidi munshi mwa madiulu.+
25 Pawalongele bukomo* bwa kivula+Ne kupima mema,+
26 Pawatūdile’ko musoñanya wa mvula+Ne kashinda ka dikumbi dya mvula mukatampe wa mikungulo,+
27 E po pawamwene tunangu ne kushintulula’to;Wetutūla ne kwitutompa.
28 Kadi wanena muntu amba:
‘Tala! Kutyina Yehova—to tunangu,+Kadi kuvundamina bibi yo ñeni.’”+
Kunshi kwa Dyani
^ Kishima pa kishima i, “upungululwanga.”
^ Kishima pa kishima i, “dibwe.”
^ Mobimwekela kifunkila pa kukola mabwe malēme.
^ Nansha’mba “mikundulwe.”
^ Nansha’mba “dya kishimba.”
^ Kishima pa kishima i, “bulēmi.”
