Yoba 29:1-25
29 Yoba walunguluka na mwisambo* wandi, kanena’mba:
2 “Yō, shi nadi monadi ngikadile myeji ya kunyuma,Mafuku adi andamine Leza,
3 Pawaakije kinanu kyandi pa mutwe wami,Ponadi nekinanga mu fukutu na kitōkeji kyandi,+
4 Ponadi nakidi* mukenke,Padi pakimweka bulunda bwa Leza mu pema wami,+
5 Padi Mwinē Bukomo Bonso ukidi nami,Padi panjokolokele bami bana,*
6 Padi matabula ami matokene mu buleba,Mabwe nao ampungulwila tuminonga twa māni.+
7 Ponadi ntambilanga ku kibelo kya kibundi+Nshikata mu kīkwe,+
8 Bansongwalume badi bamona kebasāsuka,*Enka ne banunu badi bemana, bashala bemene bwimwa.+
9 Bamfumu badi bakankajibwa kwisamba;Badi batūla kuboko kwabo pa kyakanwa kyabo.
10 Mawi a bantu ba ntumbo adi obijibwa nyā;Ludimi lwabo lwadi lulamata mu kilango kya kyakanwa kyabo.
11 Muntu ense ungivwana wadi unenena maya,Kadi boba badi bamona badi bantūdila bukamoni.
12 Mwanda nadi nkūla mulanda ulomba bukwashi,+Pamo ne mwana wampikwa shandi ne muntu ense wampikwa mukwashi.+
13 Yewa wadi kubwipi na kufwa wadi ungesela,+Kadi nadi nsangaja mutyima wa mukaji wa kishala.+
14 Nadi mvwala boloke pamo bwa kivwalwa;Bululame bwami bwadi pamo bwa munkukumba* ne bwa kivwalwa kya ku mutwe.
15 Naikele kendi meso a mpofuNe maulu a kilema.
16 Nadi shandya mulanda;+Nadi mandaula kisambo kya boba bonkyadipo ndyukile.+
17 Nadi ntyumuna bibanga bya nonga-bibi+Ne kusompola kikwatwa ku meno andi.
18 Nadi nenanga’mba, ‘Nkafwila mu yami njibo,*+Kadi mafuku ami akavula pamo bwa musenga.
19 Miji yami ikāla mu mema,Kadi lume lukashala bufuku bonso ku misambo yami.
20 Ntumbo yami yalamunwanga kyaba kyonso ke mipya,Kadi buta bwa miketo mu kuboko kwami bukasa’nka kwasa.’
21 Bantu badi bevwana na nsangaji,Batengele talala madingi ami.+
22 Ami pa kupwa kwisamba, kebadipo na kya kunena monka;Binenwa byami byadi bipona biyampe* mu matwi abo.
23 Badi bantengela’nka bwa mvula;Badi basama kyakanwa kyabo bininge’nka bwa mvula wa ku muketeko.+
24 Ponadi nebamungijamungija, kebadipo betabija’kyo;Kitōkeji kya mpala yami kyadi kibakulupija.*
25 Nadi nebendeja pamo bwa mutwe wabo,Nadi pamo bwa mulopwe mu bibumbo byandi bya basola,+Pamo bwa muntu usenga badila.+
Kunshi kwa Dyani
^ Kishima pa kishima i, “lukindi.”
^ Kishima pa kishima i, “mu mafuku a.”
^ Nansha’mba “bengidi.”
^ Kishima pa kishima i, “kebafyama.”
^ Nansha’mba “kotyi wampikwa makasa.”
^ Kishima pa kishima i, “mu bunswa bwami.”
^ Kishima pa kishima i, “binoka.”
^ Bibwanika padi i, “Kebadipo bafītyija kitōkeji kya mpala yami.”
