Yoba 3:1-26
3 I pa kupwa bino’bi pashilwile Yoba kwisamba ne kufinga difuku dyaabutwilwe.*+
2 Yoba wanena’mba:
3 “Difuku dyonabutwilwe dyoneke,+Ne bufuku bwanenene muntu amba: ‘Mwana-mulume waimitwa!’
4 Dyadyo difuku dikale ke fukutu.
Leza kakedita mutyima momwa mūlu;Kitōkeji kekyakidimunikila.
5 Fukutu bwī* idilombe.
Makumbi a mvula edipūte.
Kintu kyonso kifītyijanga dyuba kidizakaje.
6 Bobwa bufuku—mfindi ibukwate;+Kebwakisangala mu bukata mwa mafuku a mwaka,Kadi kebwakitwela mu kibalwa kya myeji.
7 Bine! Bobwa bufuku bwikale buumba;Kemwakivwanwa nsadi ya tusepo nansha dimo.
8 Boba bafiñanga difuku bebufinge,Boba babwanya kulangula Leviatane.*+
9 Ñenyenye yabo ya kapita i kāni ifīte fututu;Bwilaije kitōkeji kya dyuba bya bitupu,Kadi kebwakimona mikejima ya kibangabanga.
10 Mwanda kebwashityilepo bibelo bya ndá ya mama;+Nansha kufya makambakano ku meso ami.
11 Mwanda waka nkyafwilepo pa kubutulwa?
Mwanda waka nkyaonekelepo ponatambile mu ndá?+
12 Mwanda waka kwadi manwi a kuntambulaNe mabele a kuñamusha?
13 Longa pano ndēle pampikwa kukambakanibwa;+Longa ndēle nkōkolokwa+
14 Na balopwe ba ntanda ne badingidi babo,Beubakīle abo bene bifuko bidi pano mu masala,*
15 Nansha na bamfumu badi na olo,*Ba mobo adi mayule ndalama.
16 Ne kadi, mwanda waka nkyadipo pamo bwa mupulumunwe mufibwe,Pamo bwa bana kebamwene kashā kitōkeji?
17 Kwine’kwa ne babi bene ke baleke kuvutakanibwa;Kwine’kwa bakōkekōke bakōkolokwanga.+
18 Kwine’kwa bakutwa badi pamo talala nyā;Kebevwanangapo diwi dya muntu wibaningila kwingila.
19 Mutyetye ne mukatampe badi’ko muswelo umo,+Kadi umpika i mupebwe bwanapabo kudi mfumwandi.
20 Mwanda waka wape yewa ususuka kitōkejiNe būmi ku boba badi mu tusua* bya mwiko?+
21 Mwanda waka babilanga lufu bininge, ino kwiya’lo mpika?+
Bakola belukimba kupita ne bya bulēme bifibwe,
22 Boba basepelela bininge,Basangala shi abasokola kibundu.
23 Mwanda waka Leza wape kitōkeji kudi muntu wajimija dishinda dyandi,Yewa obasaile mu lusao kudi Leza?+
24 Mwanda mitompwe yami īyanga pa kyaba kya byakudya,+Kadi imbizo+ yami ipunguluka pamo bwa mema.
25 Mwanda byobya byonadi ntyina bibamfikila,Ne byonadi ngakaminwe bibamponena.
26 Nkyadipo na ndoe nansha dimo, nkyadipo talala, nansha kukōkolokwa mpika,Ino makambakano āya’nka kwiya.”
Kunshi kwa Dyani
^ Kishima pa kishima i, “kufinga difuku dyandi.”
^ Nansha’mba “fukutu ne munjiñininya wa lufu.”
^ Wivwanwa bu ñwena nansha nyema mukwabo mukatampe wa bukomo, wa mu mema.
^ Bibwanika padi i, “beūbakile bifuko bya masala.”
^ Nansha’mba “nsahabu.”
^ Nansha’mba “boba ba bululu bwa muya.”
