Yoba 31:1-40
31 “Nasamba kipwano na meso ami.+
Le penepo mbwanya namani kuta nkungakaji mutyima byampikwa kwendela’mo?+
2 Le penepo i kipindi’ka kyonadi wa kutambula kudi Leza momwa mūlu,I bupyani’ka bwa kudi Mwinē Bukomo Bonso kokwa kūlu?
3 Lelo kimpengele kekitengelepo nonga-bibiNe kyamalwa boba balonga bibibibi?+
4 Le aye kamwenepo mashinda ami+Ne kubala matabula ami onso?
5 Le kashā kendi munangile mu bubela?*
Le kulu kwami ke kupēlakēne ku bongojani?+
6 Leza ampime na kipimo kya bulēmi kibwane;+Penepa ukayuka bululame bwami.+
7 Shi matabula ami abasāsuka mu dishinda+Nansha mutyima wami ubalonda meso ami+Nansha maboko ami abasubijibwa,
8 Nankyo nkune nkunwa, ino muntu ungi adye’yo,+Kadi kyokya kyonkuna kijulwe.*
9 Shi mutyima wami waongwelwe na mwana-mukaji+Kadi nalēle ntengele+ pa kibelo kya mukwetu,
10 Nankyo wami mukaji apelele mwana-mulume mukwabo miseke,Kadi bana-balume bakwabo balāle nandi.*+
11 Mwanda wao wadi wa kwikala mwiendelejo wa bumvu,Kilubo kifwaninwe kupebwa mfuto na batyibi.+
12 Wadi wa kwikala mudilo usōka ne konakanya,*+Uloteja enka ne miji ya* byonso byondi nabyo.
13 Shi napelēle mwingidi wami mwana-mulume nansha mwana-mukaji bolokePobadi bantompwela,*
14 I kika kyombwanya kulonga shi Leza wauntambe’dyo?*I kika kyombwanya kumulondolola shi waunena kwishintulwila?+
15 Mwene Yewa waunongele mu ndá ye webalongele ne abo?+
Mwene i Aye enka wetubumbile kumeso kwa batwe kubutulwa?*+
16 Shi napelele kupa balanda byobya byobadi basaka+Nansha kufītyija mutyima meso a mukaji wa kishala;*+
17 Shi nadīle kipindi kya byakudya byami bunkaKwampikwa kwabila’ko bana ba nshiye;+
18 (Mwanda tamba ku busongwalume bwami, mwanā nshiye* watamine pamo nami wita’mba ne shandi,Kadi nadi mwendeji wa mukaji wa kishala* tamba ku bwanuke.*)
19 Shi namwene muntu ufwa mwanda wa kubulwa kivwalwaNansha mulanda wampikwa kya kwipūta;+
20 Shi aye* kaungeselepo+Paadi wikabija na myoya ya mikōko yami;
21 Shi nabeleñenye mwanā nshiye kikoni kyami+Paadi usakilwa bukwashi bwami mu kibelo kya kibundi;*+
22 Nankyo kuboko* kwami kuposoke mu kipuji kyamiKadi kuboko kwami kutyumukile mu nkongweba.*
23 Mwanda natyinine kimpengele kya kwa Leza,Kadi nkyadipo mbwanya kwimana kumeso kwa bulēme bwandi.
24 Shi natūdile kikulupiji kyami mu oloNansha kunena olo itōka’mba, ‘Abe wi lukulupilo lwami!’+
25 Shi natene nsangaji yami mu bupeta bwami bukatampe+Mwanda wa bintu bivule byonasokwele;+
26 Shi namwene dyuba* ditēmaNansha kweji wenda mu buya bwandi bwa dyangi;+
27 Penepa mutyima wami waongolwa munshimunshi,Kadi kyakanwa kyami kyafifya kuboko kwami mwanda wa kwibitōta;+
28 Nankyo kino’ki kyadi kya kwikala kilubo kifwaninwe kupebwa mfuto na batyibi,Mwanda nadi wa kutuna Leza wa bine momwa mūlu.
29 Le kashā kendi musangele konakanibwa kwa walwana nami+Nansha kusepelela mwanda wa kibi kimufikila?
30 Kashā nkyalekele kyakanwa kyami kilonge bubiNa kulomba būmi bwandi* mu mutyipo.+
31 Le bantu ba mu pema wami kebadipo banena’mba,‘Le i ani ubwanya kusokola muntu kekwitepo byakudya* byandi’?+
32 I kutupu mweni* nansha umo wadi ulāla panja bufuku;+Nadi nshitwila ñenda bibelo byami.
33 Lelo kashā kendi mutompe kupūta kujilula kwami, pamo bwa bantu bakwabo,+Na kufya kilubo kyami mu ditumba dya kivwalwa kyami?
34 Le natyinine byadi bya kulonga kibumbo,Nansha kuzakajibwa na kafutululo ka bisaka bikwabo,Penepa nauba ne kwivwana moyo wa kutambila panja?
35 Yō, shi kwadi’tu muntu wa kungivwana!+Nadi wa kulamika dijina dyami pa bino byonanena.*Mwinē Bukomo Bonso anondolole!+Shi yewa unsambila walembele’tu mambo mene mu mukanda!
36 Nadi wa kwiusela pa kipuji kyami,Kadi nadi wa kwikutyila’o ku mutwe pamo bwa kilukwa.
37 Nadi wa kwishintulwila pa ditabula ne ditabula dyontabula;Nadi wa kumufwena na kikulupiji, pamo bwa mfumu.
38 Shi nshi yami yadi ya kudila intompwelaNe minkolankola yayo kudila pamo;
39 Shi nadīle bipa byayo kwampikwa kufuta,+Nansha shi natyumwine mityima ya bene’yo;*+
40 Nankyo miba imene kondi pa kyaba kya ñanoNe biyombo bya bushiko pa kyaba kya mebele a buluba.”
Binenwa bya Yoba bibafudila pano.
Kunshi kwa Dyani
^ Bibwanika padi i, “na bantu ba bubela?”
^ Nansha’mba “ntundu yami itukunwe.”
^ Kishima pa kishima i, “bana-balume bakwabo bafukate pādi.”
^ Kishima pa kishima i, “udya (usōka) mwanda wa konakanya.”
^ Nansha’mba “kujula.”
^ Nansha’mba “mambo a kusamba.”
^ Kishima pa kishima i, “wauñimanina?”
^ Kishima pa kishima i, “mu ndá.”
^ Kishima pa kishima i, “kulengeja meso a mukaji wa kishala aleke kumona biyampe.”
^ Kishima pa kishima i, “aye.”
^ Kishima pa kishima i, “tamba munda mwa mama.”
^ Kishima pa kishima i, “aye.”
^ Kishima pa kishima i, “kifuka kyandi.”
^ Bibwanika padi i, “Ponamwene amba nadi na bukwashi mu kibelo kya kibundi.”
^ Nansha’mba “kikupa kya pa kibembo.”
^ Nansha’mba “mu nungilo yako; mu kikupa kyako kya kungala.”
^ Kishima pa kishima i, “kitōkeji.”
^ Nansha’mba “muya wandi.”
^ Kishima pa kishima i, “mwita wa ntanda.”
^ Nansha’mba “mweni wa kibundi.”
^ Nansha’mba “Kayukeno kami kaka.”
^ Nansha’mba “myuya ya bene’yo.”
