Yoba 36:1-33
36 Edihu wanena monka’mba:
2 “Ntūkijije’ko mutyima bityetye nshintulule,Mwanda nakidi na binenwa bya kunenena Leza.
3 Nkanena byondyukile mu muswelo wivwanikwa,Kadi nkapāna boloke kudi Mulongi wami.+
4 Bine, binenwa byami ke bya bubelapo;Yewa mubwaninine mu buyuki+ udi pano ku meso obe.
5 Na bubine, Leza i mukomokomo+ kadi kapēlekangapo muntu;I mukatampe mu bukomo bwandi bwa ñeni.*
6 Kakapandijapo babi,+Ino upānanga boloke ku boba bamweshibwa malwa.+
7 Kafundulangapo meso andi pa boloke;+Wibabikikanga pamo na balopwe,*+ kadi bazunzulwanga nyeke.
8 Ino shi abakutwe mu nkanoNe kukwatwa mu myonji ya malwa,
9 Wibasokwelanga byobalongele,Kujilula kwabo kutambile ku mitatulo yabo.
10 Ujikulanga matwi abo ku kōlolwaNe kwibalombola bavundamine bilongwa bibi.+
11 Shi bakōkele ne kumwingidilaBakekala biyampe mafuku a būmi bwabo,Kadi myaka yabo ikekala ya nsangaji.+
12 Ino shi kebakōkelepo, bakakuba ku kipete*+Ne kufwa kwampikwa buyuki.
13 Bantu bampikwa Leza* mu mutyima bakatamija kīji.
Kebalombangapo bukwashi nansha shi webakute.
14 Bafwanga* bakidi banuke,+Bajimija* būmi bwabo mu bukata mwa bana-balume bandumba.*+
15 Ino Leza* ukūlanga boba bamweshibwa malwa mu malwa abo;Ujikulanga matwi abo kitatyi kyobasusulwa.
16 Ukusonsololanga ku nenekelo ya tusua+Wakutūla ku kifuko kikatampe, kwampikwa kijika,+Na byakudya binune pa meza obe ke busengi.+
17 Penepo ukasangela kutyibilwa mambo kwa babi,+Kitatyi kityibwa mambo ne kwingidija boloke.
18 Ino tá mutyima kutyina bukalabale bwakakutwala ku nshikani,*+Kadi kokaleka kutyibwa milomo kukatampe kukulubije.
19 Le bukwashi bolombaNansha bukomo bukatampe bolonga bukakukinga ku tusua?+
20 Kokabila bininge bufuku,Kitatyi kijiminanga bantu ku kifuko kyabo.
21 Dyumuka kutyina wakavundamukila ku bilongwa bibi,Kotonge kino pa kyaba kya malwa.+
22 Tala! Leza i muzunzulwe mu bukomo bwandi;Le i mufundiji’ka udi pamo bwa aye?
23 Le i ani uludikanga* dishinda dyandi+Nansha kumunena’mba, ‘Byowalonga’byo i bibi’?+
24 Vuluka kutumbija mingilo yandi,+Mine imbanga bantu.+
25 Bantu bonso i beimone,Muntu wa kufwa utadilanga kulampe.
26 Bine, Leza i mukatampe kupita ne byotukokeja kuyuka bine;+Bungi bwa myaka yandi i butabuke ne pa kwivwanika pene.*+
27 Ukokelanga mūlu mano a mema;+Ekwata ke mvula utamba ku lumundu lwandi;
28 Penepo makumbi apungulula’ye panshi,+Keanokela pa bantu.
29 Lelo kudi ubwanya kwivwanija mwibādile makumbi,Mikungulo itamba mu pema* wandi?+
30 Tala mwabādile’po mapeni* andi+Ne kupūta mushike* wa dijiba.
31 Ukwashanga* nabyo bantu;Wibapa byakudya bingibingi.+
32 Upūtanga mapeni na makasa andi,Ne kwiatadidija ku kitōndo kyao.+
33 Mikungulo yandi ilombolanga mwaikadile,Enka ne bimunanwa bine bilombolanga i ani wiya.*
Kunshi kwa Dyani
^ Kishima pa kishima i, “mutyima.”
^ Bibwanika padi i, “Ubikikanga balopwe.”
^ Nansha’mba “na kya bulwi.”
^ Nansha’mba “Batupondo.”
^ Nansha’mba “Myuya yabo ifwanga.”
^ Bibwanika padi i, “Bafudija.”
^ Kishima pa kishima i, “bandumba ba ku tempelo.”
^ Kishima pa kishima i, “Aye.”
^ Nansha’mba “kukupila bikufi bya nshikani.”
^ Bibwanika padi i, “ufutulula, umusambija mwanda wa.”
^ Nansha’mba “kebusokolwapo.”
^ Kishima pa kishima i, “kitanda.”
^ Kishima pa kishima i, “kitōkeji.”
^ Kishima pa kishima i, “miji.”
^ Bibwanika padi i, “Unenenanga.”
^ Bibwanika padi i, “i kika kīya.”
