Yoba 39:1-30
39 “Lelo uyukile kitatyi kibutulanga bambuji ba mu ngulu?+
Le kodi mumone tusha potubutula twana?+
2 Le ubalanga myeji yobafwaninwe kulonga?
Le uyukile kitatyi kyobabutulanga?
3 Babatamanga kitatyi kyobabutula twana twabo,Ne misanshi yabo yapwa.
4 Twana twabo tukomanga ne kutama mu ntanda;Tutambanga ne kujokela monka kobadi mpika.
5 I ani walekelele mpunda wa ntanda* ende,+Ne i ani wakutulwile myonji ya mpunda wa ntanda?
6 Nalonga dilungu mudi zolē ke njibo yandiKadi ntanda ya mwepo nayo ke kīkalo kyandi.
7 Ufutululanga lunwa lwa mu kibundi;Kevwanangapo mabila a yewa wendeja.
8 Uzeulukanga mu mikuna, ukimbakimba madyo,Ukimba mutyi onso mubishi.
9 Le ñombe wa ntanda usakanga kukwingidila?+
Le ukalāla bufuku mu kipombo* kyobe?
10 Le abe ukakuta ñombe wa ntanda na monji amba akutyimpwile minkolankola,Ne kadi, le ukakulonda mwanda wa kudima* mu musanza?
11 Le ukakulupila bukomo bwandi bukatampeNe kumuleka engile mwingilo obe mukomokomo?
12 Le ukamwisumbidila akuletele mwangulo* obe,Kadi le ukakukongakenya’o pa kipūdilo kyobe?
13 Mapapa a dikolongo epapanga na nsangaji,Ino le mapapwa adyo ne masala adyo abwanya kudingakana na a kakumbi?+
14 Mwanda dishiyanga mai adyo pa nshi,Kadi dikabija’o mu luvumbi.
15 Dilwanga’mba lwayo kampanda lubwanya kwialalaNansha’mba nyema wa ntanda ubwanya kwiatyampa.
16 Disusulanga bana badyo, wita’mba ke badyopo;+Kedityinangapo amba dibwanya kususuka na mingilo bya bitupu.
17 Mwanda Leza wedibudije* tunanguKadi kedipelepo ñeni.
18 Ino shi dibaimana kedipapa mapapa adyo,Disepanga kabalwe ne utentamine’po mwine.
19 Lelo abe ye upanga kabalwe bukomo bwako?+
Le uvwikanga nshingo yako manyenze?
20 Le ubwanya kwikatumbukija masumba pamo bwa lujie?
Kupemba kwako kukatakata kuleñanga moyo.+
21 Kashinsanga mikono pa nshi mu musanza ne kusepelela na bukomo;+Kendanga ku bulwi.*+
22 Kasepanga moyo ne kutyina kintu mpika.+
Kekajokelangapo kunyuma mwanda wa kipete.
23 Luvungu luvumanga polwikatema,Mukobe ne musungu bikelemanga.
24 Kazakalanga na kiyukuyuku, kekenda ku meso,*Kekabwanyapo kwimana nkū pa* kuvuma kwa lusengo.
25 Shi lusengo lubavuma, kanenanga’mba, ‘Ha ha!’
Kalulanga luvumba lwa bulwi kulampeKadi kevwananga lwanji lwa bakata ba basola ne kyungwe kya bulwi.+
26 Le kabemba kalelembanga na ñeni yobe,Kabāla mapapa ako dya kunshi?
27 Nansha, le i abe usoñanyanga mukebo utumbuke mūlu bininge,+Ne kwala bunswa bwao peulu,+
28 Ulāle bufuku pa nenekelo,Ne kwikala mu kifuko kyao kikomejibwe pa kidibwe?*
29 Kwine’kwa ukimbilanga’ko byakudya;+Meso ao atalanga kulampe.
30 Twana twao tutomanga mashi;Kadi kokwa kudi batapwe, ye koudi.”+
Kunshi kwa Dyani
^ Bamo balañanga’mba i ngolo. Mobimwekela i mwanda wa ngikadila ya kwitolwela kwa bunka.
^ Nansha’mba “kidīlo.”
^ Nansha’mba “kutyimpula.”
^ Kishima pa kishima i, “nkunwa.”
^ Kishima pa kishima i, “wedivulamije.”
^ Kishima pa kishima i, “Katambanga kukasambakana kyabulwi.”
^ Kishima pa kishima i, “kekamina nshi (ntanda).”
^ Bibwanika padi i, “Keketabijangapo.”
^ Kishima pa kishima i, “pa dino dya kidibwe.”