Yoba 40:1-24
40 Yehova walondolola monka Yoba amba:
2 “Lelo yewa uboyañana tuto ukalwa na Mwinē Bukomo Bonso?+
Yewa usaka kudingila Leza alondolole.”+
3 Yoba walondolola Yehova amba:
4 “Tala! Ami ne wa bitupubitupu.+
Le mbwanya kukulondolola kika?
Natūla kuboko kwami pa kyakanwa kyami.+
5 Nesambile musunsa umo, ino nkikalondololapo monka;Musunsa wa bubidi, ino nkikanenapo dikwabo.”
6 Penepo Yehova walondolola Yoba mu kimpumpu kya luvula+ amba:
7 Wilongolole’po bidi, pamo bwa mwana-mulume;Nsa kukwipangula, nobe unombole.+
8 Le ukatatana* boloke bwami?
Le ukamponeja mwanda wa wikale mubinge?+
9 Le udi na kuboko kukomo na kwa Leza wa bine,+Nansha le diwi dyobe dibwanya kukungula pamo bwa dyandi?+
10 Wineñenye’po bidi, na ntumbo ne bukatakata;Vwala bulēme ne buya bwa dyangi.
11 Lekelela bukalabale bwa bulobo bobe;Tala muntu ense wizunzula, umutūkije.
12 Tala muntu ense wizunzula, umutūkije panshi,Kadi tyimpila panshi babi kokwa kobemene.
13 Wibafye bonso mu luvumbi;Wibakute abo* mu kifuko kifyame,
14 Ebiya ne ami mwine nkakwitabija*Amba kuboko kobe kwa lundyo kubwanya kukupandija.
15 Pano tala Behemote,* onalongele monka monakulongele abe.
Udyanga biyombo pamo’nka bwa ñombe.
16 Tala bukomo budi mu kifuka kyandiNe lukupa ludi mu misunya ya difu dyandi!
17 Wimikanga mukila ntā pamo bwa mutyi wa sedele;Mijilo ya matangatanga andi i mipilakane.
18 Mikupa yandi i midyo ya mukuba;Bidyoma byandi bidi pamo bwa mikabo ya byuma bifule.
19 Udi pa kifuko kibajinji* mu mingilo ya Leza;Enka Mulongi wandi ye ubwanya kumufwena na kipete kyandi.
20 Mwanda ngulu imulupwilanga byakudya,Kwine kukailanga banyema bonso ba ntanda.
21 Ulālanga munshi mwa bisalesale,Mu mwemba wa mabungu a kinyanjinyanji.
22 Bisalesale bimupūtanga kyelevwe kyabyo,Kadi mityi ya myelebi ya mu musanza* imujokolokele.
23 Shi munonga ubatomboka, kazakalangapo.
Wikulupile, nansha shi Yodano+ wamupumina mema mu kyakanwa.
24 Le kudi muntu ubwanya kumukwata aye utala,Nansha kutubula myulu yandi na ndobo?*
Kunshi kwa Dyani
^ Nansha’mba “ukona.”
^ Kishima pa kishima i, “mapala abo.”
^ Nansha’mba “nkakwanya.”
^ Pakwabo i kyovwe.
^ Kishima pa kishima i, “I ngalwilo.”
^ Nansha’mba “kinekaneka.”
^ Kishima pa kishima i, “dikinga.”
