Yoba 41:1-34
-
Leza walombola mwikadile Leviatane utulumuja (1-34)
41 “Lelo ubwanya kukwata Leviatane*+ ku buloboNansha kukuta ludimi lwandi na monji?
2 Lelo ubwanya kutweja monji* mu mapunge a myulu yandiNansha kutubula bibanga byandi na ndobo?*
3 Lelo ukakwisāshila bininge’ni,Nansha’ko ukesamba nobe biyampe?
4 Lelo aye ukasamba nobe kipwano,Amba umumune bu umpika obe nyeke?
5 Le ukakaya nandi pamo bwa koniNansha kukutyila’ye bana bobe bana-bakaji na monji wa mwishingo?
6 Lelo bansunga bakasunga’ye?
Lelo bakamwabanya mu bansunga?
7 Lelo ukayuja kikoba kyandi na byobo+Nansha mutwe wandi na mikobe?
8 Mutenteke kuboko kobe;Ukavuluka bulwi’bwa kadi kukalonga’byopo monka!
9 Lukulupilo lonso lwa kumunekenya i lwa bitupu.
Kumumona’tu konka kukakukoleja.*
10 I kutupu nansha umo usomonwa kumujinya.
Penepo i ani ubwanya kwimana ku meso ami?+
11 Le i ani waumpele kintu dibajinji amba mujokejeje?+
Byonso bidi munshi mwa madiulu i byami.+
12 Nkikobepo talala mwanda wa bidyoma byandi,Mwanda wa lupaka lwandi ne ngitu yandi ya buya.
13 I ani le ke mutalule kivwalwa kyandi kya pangala?
I ani ukatwela mu bibanga byandi byasame?
14 I ani ubwanya kushitula bibelo bya kyakanwa* kyandi?
Meno andi alenga moyo.
15 Pa nyuma pandi padi mikuku ya mabamba*Melamate pamo bininge.
16 Dimo ne dimo dītwele biyampe na dikwaboKebibwanyapo kupita’mo luvula umbukata.
17 I melamate;Mekwate pamo kadi keabwanyapo kusansanibwa.
18 Kupemba kwandi kukelemanga kitōkeji,Kadi meso andi adi pamo bwa mikejima ya lubanga futwi.
19 Mapeni atambanga mu kyakanwa kyandi;Nsase ya mudilo itoloka’mo.
20 Mwishi ulupukanga mu mapunge a myulu yandi,Pamo bwa nkelwa myele’mo myundu.
21 Umpuya wandi wakijanga makala,Kadi lubimbi lutēmanga mu kyakanwa kyandi.
22 Mu nshingo yandi mudi bukomo bukatampe,Kadi moyo unyemanga lubilo ku meso andi.
23 Mikonye ya ngitu yandi i mibambakanibwe pamo;I myūmu, wita’mba i beisungulwile’po ne kujina’yo mpika.
24 Dityima dyandi i dyūmu pamo bwa dibwe,Bine, i dyūmu pamo bwa dibwe dya mpelo dya munshi.
25 Shi wataluka, enka ne bankomokomo bene batuyukanga;Kubulukuta kwandi kubezemunanga.
26 I kutupu kipete kimutenga kikamunekenya;Nansha mukobe, musolo, nansha muketo.+
27 Umonanga kyuma pamo’nka bwa kiyombo,Mukuba pamo’nka bwa mutyi mubole.
28 Muketo keumunyemejangapo;Dibwe dya topito dyalamukanga ke kityakuku kwadi.
29 Umonanga umpebwe bu kityakuku,Kadi usepanga kutenda kwa musungu.
30 Munshi, udi pamo bwa bibese bya dilongo bya bui;Wibālanga mu bitoto pamo bwa kipungwa kya kupūla nakyo.+
31 Usabijanga mema malampe pamo bwa kisuku;Ujinyanga dijiba pamo bwa kisuku kya māni a kwishinga.
32 Ushiyanga kweñenya mu kashinda kandi.
Muntu ubwanya kulanga’mba mema malampe adi na mvwi.
33 I kutupu kintu kidi bwa aye pa ntanda,Kipangwa kilongwe kyampikwa moyo.
34 Aye utalanga sō kintu kyonso kīzunzula.
I mulopwe wa banyema bonso ba ntanda bakatampe.
Kunshi kwa Dyani
^ Pakwabo i ñwena.
^ Kishima pa kishima i, “mundu.”
^ Kishima pa kishima i, “mwiba.”
^ Nansha’mba “kukakuponeja.”
^ Kishima pa kishima i, “mpala.”
^ Bibwanika padi i, “Mitatulo yandi i mikuku yandi ya mabamba.”
