Yoba 5:1-27
5 “Ita’po bidi! Le kudi ukwitaba?
Le ukalamukila kudi ujila’ka?
2 Mwanda kīji kikepaya mulembakane,Kadi kwabilaabila nako kukafikija wampikwa ñeni ku lufu.
3 Namwene mulembakane wala miji,Ino mu kitulumukila kīkalo kyandi kyafingwa mafingo.
4 Bandi bana badi kulampe na mutyima-ntenke,Bavingakanibwa ku kibelo kya kibundi,+ kwampikwa wa kwibapandija.
5 Wa nzala udyanga byaangula,Wibiyata enka ne mu miba,Kadi bintu byabo bidi mu dikinga.
6 Mwanda bintu bibibibi kebimenangapo ku luvumbi,Kadi makambakano keatambangapo pa nshi.
7 Mwanda muntu i mubutwilwe makambakano,Pamo bwa nsase itolokela mūlu.
8 Ino ami nadi wa kwabija Leza,Kadi nadi wa kutūla wami mwanda kudi Leza,
9 Kudi Mwine uloñanga bintu bikatakata kebisokolwapo,Bintu bya kutendelwa kebibadika.
10 Upanga ntanda mvulaNe kutuma mema pa madimi.
11 Uzunzulanga yewa mupēlulwe,Kadi uzunzwilanga ku lupandilo wa mutyima mutyumuke.
12 Uvutakanyanga nkuku ya bakosoke,Kutyina’mba mwingilo wa makasa abo wakendeka.
13 Ukwatanga ba tunangu mu budyumuku bwabo,+Amba mpango ya ba ñeni ikankajibwe.
14 Basambakananga fukutu mu dyuba,Kadi bafufukutanga dyuba mu mitwe wita’mba i bufuku.
15 Upandijanga ku kipete kya kyakanwa kyabo,Upandijanga mulanda ku kuboko kwa nkomokomo,
16 Amba kwikale lukulupilo kudi yewa mupēlulwe,Ino kyakanwa kya bukondame i kimume.
17 Tala! Wa nsangaji i muntu obadingila kudi Leza;Nanshi kokapela kulemununwa na Mwinē Bukomo Bonso!
18 Mwanda aye usanshijanga, ino ukutanga kilonda;Utyumunanga, ino undapanga na makasa andi.
19 Ukakupandijanga ku byamalwa bisamba,Nansha ke kya busamba-bubidi kine kekikakusanshijapo.
20 Mu kitatyi kya kipupo kya nzala ukakunyongolola ku lufu,Ne ku bukomo bwa kipete mu kitatyi kya divita.
21 Ukakukinga ku kikupilwa kya ludimi,+Kadi kukatyinapo musala shi ubaiya.
22 Abe ukasepa bonakani ne nzala,Kadi kukatyinapo banyema ba ntanda badi panshi.
23 Mwanda mabwe a mu ntanda keakakusanshijapo,*Kadi banyema ba ntanda badi mu madimi bakekala nobe mu ndoe.
24 Ukayuka’mba pema obe udi ne mutyima-ntenke,*Kadi kekudipo kintu kyokabulwa popempula madyo obe.
25 Ukekala na bana bavule,Kadi lutundu lobe lukavulanga bininge pamo bwa munamuna ya panshi.
26 Ukekala ukidi mukomo kitatyi kyoenda ku kibundu,Pamo bwa bīta bya miseke mikongakanye mu kitatyi kyayo.
27 Tala! Tubekibandaula, kadi e mokikadile.
Teja witabije’kyo.”
