Yoba 6:1-30
6 Penepo Yoba walondolola kanena’mba:
2 “Yō, shi malwa+ ami onso adi abwanya’tu kupimwaNe kutūlwa’o pamo na byamalwa byami pa kipimo kya bulēmi!
3 Mwanda pano bibalēma kupita musenga wa majiba.
O mwanda binenwa byami i binenwa byampikwa kulanga.*+
4 Mwanda miketo ya Mwinē Bukomo Bonso ibaungase,Kadi mushipiditu wami utomanga bulembe bwayo;+Luzakalo lwa kwa Leza lubetunge mulongo kulwa nami.
5 Le mpunda wa ntanda+ ukadila shi udi na biyombo,Nansha ñombe kumonga shi udi na bidibwa?
6 Le kyakudya kitalala kidibwe pampikwa mwepo,Nansha butobaji kwikala mu busuku bwa kamutyi ka ngimove?
7 Ami* napelele kutenga bino bintu.
Bidi pamo bwa byona byakudya byami.
8 Yō, shi milombelo yami yafikidileNe Leza nandi wampa byonsaka!
9 Leza wadi wa kwitabija kumvingakanya,Wadi wa kōlola kuboko kwandi ne kungipaya!+
10 Mwanda nansha kino’ki kyadi kya kunsenga;Nadi wa kutombojoka nsangaji nansha ke mu misanshi keipu,Mwanda nkyapatenyepo binenwa bya Mwine Ujila.+
11 Le ngidi na bukomo bwa kukunga’nka kukunga?+
Ne i mfulo’ka intengele, amba ñendelele kwikala mūmi?*
12 Lelo bukomo bwami budi pamo na bwa dibwe?
Nansha ngitu yami le i milongwe na mukuba?
13 Le kudi muswelo ombwanya kwikwasha ami mwineAbyo bintu byami byonso bya kunkwasha ke bingatwe?
14 Yewa usuminwa mukwabo buswe bwa ndamatyidile+Ukaleka kutyina Mwinē Bukomo Bonso.+
15 Banabetu abaikala bandalandala+ pamo bwa kamunonga ka mu kitatyi kya mashikaPamo bwa mema auma a tuminonga twa mu kitatyi kya mashika.
16 Tubafityijibwa na maimakasa,Kadi e mo mufyeme mashika mekwate asunguluka.
17 Ino kitatyi pa kubwana twaikala twampikwa mema ne kufula’to;Shi kubaikala kyanga, twauma.
18 Mulungu wato i mwalamwinwe pafula;Tukukila mu ntanda mutuputupu twajimankana.
19 Bibumbo bya bañenda bya ku Tema+ bitukimba;Bañenda ba ku Sheba*+ betutengele.
20 Abafu bumvu mwanda wa kikulupiji kyabo kibi;Bāyanga’ko mwanda’tu wa kufwijibwa bumvu.
21 Mwanda banwe mo momwaikadila kondi;+Mubamone luzakalo lwa kyamalwa kyami, mubakwatwa moyo.+
22 Le nanena’mba, ‘Mpei’ko kintu,’
Nansha kulomba’mba muntūdile kyabuntu mu bya bupeta byenu?
23 Lelo nalombe kukūlwa ku kuboko kwa walwanaNansha kupandijibwa* ku bamweshañana malwa?
24 Nombolei, nami nkekala talala;+Nkwashei ngivwanije kilubo kyami.
25 Binenwa bya bine kebisansangapo!+
Ino le madingi enu adi na kamweno’ka?+
26 Lelo musakanga kutopeka binenwa byami,Binenwa bya muntu wampikwa kikulupiji,+ bipepuka na kivula?
27 Mwadi ba kuta ne bubale pa mwanā nshiye+Ne kupoteja* mulunda nenu!+
28 Ino pano alamukai muntale,Mwanda nkikabepapo ku mpala yenu.
29 Nemwisāshilai, shintai milangwe—kemwakamfwatakenyai bibi—Bine, shintai milangwe, mwanda boloke bwami bukidi bubwane.
30 Le ludimi lwami lwisambanga bya bukondame?
Le kilango kyami kekiyukangapo kintu kibi?
Kunshi kwa Dyani
^ Nansha’mba “binenwa bya bukidibukidi.”
^ Nansha’mba “Muya wami.”
^ Nansha’mba “amba ndepeje būmi (muya) bwami.”
^ Nansha’mba “kibumbo kya bendi bene Seba.”
^ Kishima pa kishima i, “kukūlwa.”
^ Nansha’mba “kupoteja ku bintu.”
