Yoba 7:1-21
7 “Mwene būmi bwa muntu wa kufwa pano panshi budi pamo bwa mwingilo wa kuningilwa,Ne mafuku andi pamo bwa oa a muntu wa kaji?+
2 Wabilanga bininge mwemba, pamo bwa umpika,Kadi ukungilanga mfutwa yandi, pamo bwa muntu wa kaji.+
3 I namino’u monapelwa myeji ya bitupubitupuKadi bufuku bwa bumonya-malwa i bumbadilwe.+
4 Kitatyi kyondāla, neipangulanga’mba, ‘Le nkabūka kitatyi’ka?’+
Ino bufuku pobwija, njinakananga kyaba kyonso ne byobukya lubanga.*
5 Ngitu yami i mibumbwe na bivinyu ne mukama wa busala;+Kikoba kyami i kiyule bitāto ne mafina.+
6 Mafuku ami endanga lubilo kupita ne kingidilwa kya muntu usuka,+Kadi abafule kwampikwa lukulupilo.+
7 Vuluka’mba būmi bwami i kivula,+Amba diso dyami kedikamonepo monka nsangaji* nansha dimo.
8 Diso dimwene pano, kedikamonepo monka;Meso obe akankimbanga, ami papo kendi mwende.+
9 Pamo bwa dikumbi disābuka kupwa dyajimina,Yewa utūkila mu Kibundu,* kabukanga’mopo.+
10 Kakajokelapo dikwabo ku njibo yandi,Kifuko kyandi kekikamujingululapo monka.+
11 O mwanda, nkikamumepo kyakanwa kyami.
Nkesamba mu malwa a mushipiditu wami;Nkatompola mu byamalwa byami bibibibi!*+
12 Le ami ne dijiba’ni ne kipangwa kikatampe kya lui,Amba untūdile mulami?
13 Ami ponena’mba, ‘Pa kulāla pami pakansenga;Butanda bwami bukatalaja bumonya-malwa bwami,’
14 Penepo wauntuyula na bilotwaNe kunzakaja na bimonwa,
15 Ami kensake* kutonga’ko lukono,Bine, lufu pa kyaba kya ino yami ngitu.+
16 Nakwatwa būmi bwami mukenye;+ nkisakilepo kwikala monka mūmi.
Ndeke, mwanda mafuku ami adi pamo bwa umpuya.+
17 Le muntu wa kufwa nandi i ani olangaNe kumuta mutyima?+
18 Mwanda waka umupempula lubanga ne lubangaNe kumutompa kitatyi ne kitatyi?+
19 Ubulwepo kuleka kuntalaNe kundeka kitatyi kilampe amba mine mata?+
20 Shi ne mulonge bubi, le mbwanya kukusanshija namani, abe Utalanga bantu?+
Mwanda waka ubaungalamuna kendi kyobe kitōndo?
Le naikala kendi kiselwa kilēma kodi?
21 Mwanda waka kulekelapo kujilula kwamiNe kumfwila lusa pa kilubo kyami?
Mwanda panopano ponka, nsa kulāla mu luvumbi,+Kadi ukankimbanga, ami papo kendi mwende.”
Kunshi kwa Dyani
^ Nansha’mba “ne ku kapita i kāni ka lubanga.”
^ Kishima pa kishima i, “biyampe.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “na bululu bwa muya wami!”
^ Nansha’mba “Muya wami keusake.”
