Yoba 8:1-22
8 Penepo Biledade+ mwine Shuha+ walondolola kanena’mba:
2 “Lelo ukendelela kwisamba namino kufika ne kitatyi’ka?+
Binenwa bya kyakanwa kyobe i kivula kikomo kyonkakyonka!
3 Lelo Leza ukanyengakanya bululame’ni,Nansha Mwinē Bukomo Bonso ukanyengakanya boloke?
4 Shi bobe bana bamupile mambo,Nandi webalekele bapebwe mfuto mwanda wa butomboki bwabo;*
5 Ino shi abe watadile’tu kudi Leza+Ne kuzenza Mwinē Bukomo Bonso atōkwe mutyima,
6 Kadi shi bine wadi utōka ne moloke swā,+Aye wadi wa kukuta mutyima*Ne kukwalwija pa kifuko kyobe kya boloke.
7 Nansha ngalwilo yobe byoyadi mityetye,Ino mafuku a kumeso wadi wa kwikala mukatampe.+
8 Nakwisāshila, ipangula lukongo lwa kala,Kadi tá mutyima ku bintu byasokwele bashabo.+
9 Mwanda batwe twabutwilwe’nka kesha’di, kekudipo kyotuyukile,Ke-pantu mafuku etu pano pa ntanda i munjiñininya.
10 Babulwepo kukufundijaNe kukulombola byobayukile?*
11 Lelo lububa lukatama pantu pampikwa kinyanjinyanji?
Lelo dibungu dikatama kwampikwa mema?
12 Podikidi dibishi, kedyaposwelwe,Dikōma kumeso kwa mutyi mukwabo o-onso.
13 E namino’u mufudilanga* boba bonso belwa Leza,Mwanda lukulupilo lwa muntu wampikwa Leza* lukonekanga,
14 Wa kikulupiji kyandi kya bitupuKadi lukulupilo lwandi ke lukomopo enka bwa bukonde bwa* tandakumbidi.
15 Ukeyalela ku njibo yandi, ino ayo keikashalapo imene;Ukatompa kwiikwatyija, ino ayo keikejepo.
16 Aye i mutyi mubishi mu mwinya wa dyuba,Kadi tumisambo twandi i twale mu budimi.+
17 Miji yandi ibepilakana mu mulwi wa mabwe;Ukimbanga njibo mu mabwe.*
18 Ino shi wajulwa* pa kifuko kyandi,Kifuko’kya kikamutuna kekinena’mba, ‘Ami nkyakumwene kashā.’+
19 Bine, e nabya mwakajiminina;*+Penepo bakwabo bakamena mu luvumbi.
20 Bine Leza kakelapo boba balamine bululame;*Nansha kukwasha* bantu babi,
21 Mwanda nankyo aye ukadinga kyakanwa kyobe na tusepoKadi milomo yobe ikela nsadi ya nsangaji.
22 Boba bakushikilwe bakavwikwa bumvu,Kadi pema wa babi nandi kakekala’kopo monka.”
Kunshi kwa Dyani
^ Kishima pa kishima i, “Webatumine mu kuboko kwa butomboki bwabo.”
^ Nansha’mba “wadi wa kukwimanina.”
^ Kishima pa kishima i, “Ne kulupula binenwa mu mityima yabo?”
^ Kishima pa kishima i, “Mo mwikadile tushinda.”
^ Nansha’mba “kapondo.”
^ Kishima pa kishima i, “njibo ya.”
^ Nansha’mba “Utalanga ku njibo ya mabwe.”
^ Nansha’mba “waminwa.”
^ Nansha’mba “mo mufudilanga dishinda dyandi.”
^ Nansha’mba “muntu wampikwa kutopekwa.”
^ Kishima pa kishima i, “kukwata ku kuboko kwa.”
