Yoela 1:1-20
1 Kinenwa kya Yehova kyaiya kudi Yoela* mwanā Petwele amba:
2 “A bakulumpe, ivwanai kino’ki,Banwe bekadi bonso ba ntanda* tai mutyima.
Le kintu pamo bwa kino’ki ke kilongeke mu enu mafukuNansha mu mafuku a bakulutuba benu?+
3 Sapwilai’kyo benu bana,Kadi benu bana basapwile’kyo babo bana,Babo bana nabo basapwile’kyo lukongo lulonda’ko.
4 Kyokya kyashilwe na njie iketaketa, kibumbo kya njie kyadya’kyo;+Kadi kyokya kyashilwe na kibumbo kya njie, njie yampikwa masala yadya’kyo;Kyokya kyashilwe na njie yampikwa masala, njie ya kyonakanya yadya’kyo.+
5 Banwe bankolwankolwa langukai,+ mudile!
Banwe bonso bantomi ba vinyu yoyokotai,Mwanda vinyu itobala ibayatwa ku byakanwa byenu.+
6 Mwanda muzo umo ubaiya mu ntanda yami, mukomokomo kadi keubadika.+
Meno ao i meno a ntambo,+ kadi bibanga byao i bya ntambo.
7 Ao ubasala muñanza wami ne kwalamuna kikuyu kyami ke kitako,Ubeipulula ne kwiikusa kufula,Ubashiye misambo yayo itōka tō.
8 Yoyokota pamo bwa mujike* uvwele sākaUyoyokota musoñañani* wa pa busongwakaji bwandi.
9 Kyamulambu kya miseke+ ne kyamulambu kya bitomibwa+ bibalekwa ku njibo ya Yehova;Babitobo, bengidi ba Yehova, badi mu madilo.
10 Budimi bubasalwa, nshi idilanga;+Mwanda miseke ibasalwa, vinyu mipya ibaume, māni abapu.+
11 Babidimye abatuyuka, bengidi ba mu madimi a mañanza bayoyokotanga,Mwanda wa ñano ne mebele a buluba;Ke-pantu mwangulo wa budimi ubaoneka.
12 Muñanza ubaume,Kikuyu kibafumba.
Mutyi wa mangelenade, ne kankindu, ne mutyi wa pome,Mityi yonso ya mu budimi ibaume;+Mwanda nsangaji ibaalamuka ke bumvu mu bantu.
13 A babitobo, vwalai masāka* mudile madilo;*Banwe bengidi ba ku kisōkelo+ yoyokotai.
Iyai mulāle bufuku bonso muvwele masāka, banwe bengidi ba Leza wami;Mwanda abapele kuleta kyamulambu kya miseke+ ne kyamulambu kya bitomibwa+ ku njibo ya Leza wenu.
14 Elai lubila lwa* kushikilwa na nzala; ityijai kitango kikola.+
Kongakanyai bakulumpe pamo, ne bekadi bonso ba ntanda,Ku njibo ya Yehova Leza wenu,+ kadi abijai Yehova.
15 Malwa pa mwanda wa difuku’dya!
Mwanda difuku dya Yehova dibafwena,+Kadi dikāya pamo bwa bonakani butamba kudi Mwinē Bukomo Bonso!
16 Lelo byakudya kebyayetwepo ku meso etu,Nsangaji ne kusepelela nabyo ku njibo ya Leza wetu?
17 Nkunwa* ibaume mu bipawa byayo.
Bibīko bibasalwa.
Bibīko bya miseke bibapomonwa, mwanda miseke ibaume.
18 Enka ne bimunanwa bibinzanga!
Luombe lwa bañombe lulumbakananga mu kavutakanya, mwanda keludipo na madyo!
Luombe lwa mikōko nalo lubapelwa’mo mfuto.
19 A Yehova, i abe onketa;+Mwanda mudilo ubasōka madyo a mu ntanda mutuputupu,Kadi lubimbi lubaloteja mityi yonso ya mu budimi.
20 Enka ne banyema ba mu ntanda bakwabilanga bininge,Mwanda tuminonga twa mema tubaumeKadi mudilo ubasōka madyo a mu ntanda mutuputupu.”
Kunshi kwa Dyani
^ Ko kushintulula’mba “Yehova I Leza.”
^ Nansha’mba “pano panshi.”
^ Nansha’mba “nsongwakaji.”
^ Nansha’mba “mulume.”
^ Kishima pa kishima i, “mwikutei mu kifuka.”
^ Nansha’mba “mwikupile pa kyadi.”
^ Kishima pa kishima i, “Pandulai.”
^ Bibwanika padi i, “Bikuyu byūmu.”
