Yoela 3:1-21
3 “Mwanda talai! mu oa mafuku ne mu kine kitatyi’kya,Ponkajokeja misungi ya Yuda ne ya Yelusalema,+
2 Nkakongakanya ne mizo yonsoNe kwiitūkija ku Musanza wa* Yehoshafata.*
Nkatwela nabo mu kidye kwine’kwa+Pa mwanda wa bantu bami ne Isalela bupyani bwami,Ke-pantu bebapalakeninye mu mizo,Kadi beabile yami ntanda mu bukata mwabo.+
3 Mwanda batedile bantu bami bubale;+Basungile mwana mwana-mulume mwanda wa kufuta ndumbaKadi bapoteje mwana mwana-mukaji ku vinyu ya kutoma.
4 Ne kadi, le mudi nami mwanda’ka,Banwe ba Tyila ne Shidona ne matanda onso a Fidishitia?
Le kemundubwila pa mwanda wa kintu kampanda?
Shi kemundubwila,Ami nkemulubwila bukidibukidi kadi lubilo lonka mfutwa yenu pa mitwe yenu.+
5 Byomwayata ndalama ne olo* yami,+Mubatweja ne byabulēme byami bilumbuluke mpata mu matempelo enu;
6 Mubapoteja bantu ba Yuda ne ba Yelusalema ku Bangidiki,+Mwanda wa kwibasonsolwela kulampe na yabo ntanda;
7 Nsa kwibalangula batambe ku kifuko komwebapoteje,+Kadi nkemulubwila mfutwa yenu pa mitwe yenu.
8 Nkapoteja benu bana bana-balume ne bana bana-bakaji mu kuboko kwa bantu ba Yuda,+Nabo bakebapotoloja ku bantu ba ku Sheba, ku muzo wa kulampe;Mwanda Yehova mwine wesambe’kyo.
9 Sapulai kino’ki mu mizo+ amba:
‘Teakanyai* divita! Jinyai bana-balume bakomokomo!
Basola bonso bafwene, bende kumeso!+
10 Fulai nkasu yenu ke bipete, bipete byenu bya kukukula nabyo, ke mikobe.*
Yewa muzoze anene amba: “Ami ne mukomo.”
11 A mizo yonso ijokolokele, iyai mukwashe, mwibungei pamo!’”+
A Yehova, tūkijija bobe ba bukomo* ku kifuko’kya.
12 “Mizo ilangulwe, ikande ku Musanza* wa Yehoshafata;Mwanda nkashikata kwine’kwa, kutyibila mizo yonso ijokolokele mambo.+
13 Pityijai’mo kikwakwa, mwanda mwangulo ubaele.
Tūkai muponde, mwanda kyengelo kya vinyu kibayula.+
Bīna bibayula bā, mwanda bubi i bungi.
14 Bibumbo, bibumbo bidi mu musanza* wa butyibi,Mwanda difuku dya Yehova dibafwena mu musanza* wa butyibi.+
15 Dyuba ne kweji bikafīta,Ñenyenye nayo ikabumbudima.
16 Yehova ukabuluma ku Ziona,Ukatulula diwi dyandi ku Yelusalema.
Diulu ne ntanda bikatetema;Ino Yehova ukekala kinyemeno kya bantu bandi,+Nsakwa ya bantu ba Isalela.
17 Kadi mukayuka’mba ami ne Yehova Leza wenu, ushikete mu Ziona, lūlu lwami lujila.+
Yelusalema ukekala ke kifuko kijila,+Kadi beni kebakapite’mopo monka.+
18 Mu dyodya difuku ngulu ikasūma vinyu itobala,+Mikuna ikakuka mabele,Tuminonga twa Yuda tukakuka ato tonso mema.
Nsulo ya mema ikakuka ku njibo ya Yehova,+Kadi ikasangila Musanza wa* Mityi ya Akashia.
19 Ino Edipito ukasalwa,+Edoma nandi ukekala ke mu ntanda mutuputupu musalwe,+Pa mwanda wa lūma lobalwile bantu ba Yuda,+Benē ntanda mobamwangile mashi ampikwa mambo.+
20 Ino Yuda ukekalwa’mo mafuku onso,Yelusalema nandi ku nkongo ne nkongo.+
21 Mashi* abo onkyamwenepo bu ampikwa mambo, nkeamona bu ampikwa mambo;+Kadi Yehova ukekala mu Ziona.”+
Kunshi kwa Dyani
^ Nansha’mba “Dilungu dya Musanza dya.”
^ Ko kushintulula’mba “Yehova I Mutyibi.”
^ Nansha’mba “nsahabu.”
^ Kishima pa kishima i, “Pandulai.”
^ Nansha’mba “misungu.”
^ Nansha’mba “ba bulwi bobe.”
^ Nansha’mba “Dilungu dya Musanza.”
^ Nansha’mba “dilungu dya musanza.”
^ Nansha’mba “dilungu dya musanza.”
^ Nansha’mba “Kinekaneka kya.”
^ Nansha’mba “Mambo a mashi.”
