Yoshua 17:1-18
17 Kupwa bubale+ bwaponena kisaka kya Manase,+ mwanda wadi mwana umbedi wa Yosefa.+ Ke-pantu Makile,+ mwana umbedi wa Manase kadi shandya Ngileade, wadi muntu wa divita, wapelwe Ngileade ne Bashane.+
2 Kadi bubale bwaponena lutundu lukwabo lwa Manase mungya mafu abo, bana ba Abi-Ezele,+ bana ba Heleke, bana ba Asediele, bana ba Shekema, bana ba Hefele, ne bana ba Shemida. Luno lo lutundu lwa Manase mwanā Yosefa, bana-balume mungya mafu abo.+
3 Ino Zelofehade+ mwanā Hefele, mwanā Ngileade, mwanā Makile, mwanā Manase, kadipo na bana bana-balume, wadi’nka na bana-bakaji, kadi ano o majina a bandi bana bana-bakaji: Mahala, Noa, Hokela, Milaka, ne Tiza.
4 Ebiya baenda kudi kitobo Eleaza,+ ne kudi Yoshua mwanā Nuna, ne kudi bamfumu kebanena’mba: “I Yehova wasoñenye Mosesa kwitupa bupyani mu bukata mwa banabetu.”+ O mwanda, mungya musoñanya wa Yehova, webapele bupyani mu bukata mwa banababo na shabo.+
5 Kadi kwadi ne bipindi dikumi byapelwe Manase ku bubale kutentekela ku ntanda ya Ngileade ne Bashane, byadi bobwa bukila* bwa Yodano,+
6 mwanda bana bana-bakaji ba Manase bapelwe bupyani pamo na bandi bana bana-balume, kadi ntanda ya Ngileade yaikele ke bupyani bwa lutundu lukwabo lwa Manase.
7 Kadi mukalo wa Manase wadi tamba ku Ashela kufika ne ku Mikemeta+ witadidile na Shekema,+ ne mukalo waendelele dya kunshi* ku ntanda ya bekadi ba Ene-Tapua.
8 Ntanda ya Tapua yaikele ke ya Manase, ino Tapua+ wa ku mukalo wa Manase wadi wa lutundu lwa Efelaimi.
9 Kadi mukalo watūkīle dya ku Kinekaneka kya Kāna, kunshi kwa kinekaneka. Kwadi bibundi bya Efelaimi mu bukata mwa bibundi bya Manase,+ kadi mukalo wa Manase wadi kungala kwa kinekaneka, wakafula ku dijiba.+
10 Kunshi kwadi kwa Efelaimi, ino kungala kwadi kwa Manase, kadi dijiba o wadi mukalo wandi,+ ne kadi kungala bakafikile* kwa Ashela, ne kutunduka nako bakafika kwa Isakala.
11 Mu ntanda ya Isakala ne ya Ashela, Manase wapelwe’mo Bete-Sheane ne bibundi bidi mu bwendeji bwandi,* Ibeleame+ ne bibundi bidi mu bwendeji bwandi, bekadi ba Dola+ ne bibundi bidi mu bwendeji bwandi, bekadi ba Ene-Dola+ ne bibundi bidi mu bwendeji bwandi, bekadi ba Tanake+ ne bibundi bidi mu bwendeji bwandi, ne bekadi ba Mekido ne bibundi bidi mu bwendeji bwandi, matanda asatu a pa mitenta.
12 Ino lutundu lwa Manase kelwabwenyepo kukwata bino bibundi; bene Kenani bakomene baendelela kushikata mu ino ntanda.+
13 Bene Isalela pa kwikala bakomo, baalamuna bene Kenani ke ba kwingila mingilo ya kuningilwa,+ ino kebebapangile’mopo* abo bonso.+
14 Ebiya lutundu lwa Yosefa lwanena Yoshua amba: “Mwanda waka ubetupe* bupyani bwa kipindi kimo kete kya ntanda?+ Batwe twi bangi bininge, mwanda Yehova wetwesela kufika ne dyalelo’di.”+
15 Penepo Yoshua webalondolola’mba: “Shi mwi bangi bininge nankyo, twelai mwitó mulongolole’mo kyaba mu ntanda ya bene Pedizi+ ne bene Lefaime,+ mwanda ntanda ya ngulu ya Efelaimi+ ibemutyepela mpata.”
16 Kupwa lutundu lwa Yosefa lwanena’mba: “Ntanda ya ngulu ibetutyepela, kadi bene Kenani bonso bashikete mu ntanda ya musanza* badi na makalo a bulwi+ adi na bikwakwa bya byuma,* boba badi mu Bete-Sheane+ ne bibundi bidi mu bwendeji bwandi* ne boba badi mu Musanza* wa Yezelele bene.”+
17 Ebiya Yoshua wanena njibo ya Yosefa, ba Efelaimi ne Manase namino amba: “Mwi bangi bininge, kadi mwi bakomo mpata. Kemukapebwapo kipindi kimo kete ku bubale,+
18 ino ntanda ya ngulu nayo isa kwikala yenu.+ Nansha byodidi ditó, mukeditēta, kadi dikekala mfulo ya ntanda yenu. Mwanda musa kupanga bene Kenani, nansha byobadi bakomo ne byobadi na makalo a bulwi adi na bikwakwa bya byuma.”*+
Kunshi kwa Dyani
^ Ko kunena’mba, bukila bwa kutunduka.
^ Kishima pa kishima i, “ku lundyo.”
^ Ko kunena’mba, bantu ba Manase nansha ntanda ya Manase.
^ Nansha’mba “bimujokolokele.”
^ Nansha’mba, “kebebatalwilepo.”
^ Kishima pa kishima i, “ubaumpe.”
^ Nansha’mba “dilungu dya musanza.”
^ Kishima pa kishima i, “makalo a byuma.”
^ Nansha’mba “bimujokolokele.”
^ Nansha’mba “Dilungu dya Musanza.”
^ Kishima pa kishima i, “makalo a byuma.”
