Zefenia 1:1-18
1 Kinenwa kya Yehova kyaile kudi Zefenia* mwanā Kushi mwanā Ngedadia mwanā Amadia mwanā Hezekia mu mafuku a Yoshia+ mwanā Amona+ mulopwe wa Yuda amba:
2 “Nkakubija fututu kintu kyonso pa nshi,” i Yehova unena.+
3 “Nkakubija muntu ne nyema mwine.
Nkakubija byoni bya mūlu ne mwita wa mu dijiba,+Ne bikukaja*+ pamo ne babi bene;Kadi nkatalula bantu pa nshi,” i Yehova unena.
4 “Nkōlola kuboko kwami pa YudaNe pa bekadi bonso ba Yelusalema,Kadi nkajimankanya mu kino kifuko byonso bishele bya* Bāla,+Dijina dya babitobo ba baleza beni pamo ne babitobo,+
5 Ne boba bevukwila pa misaka ku kibumbo kya mūlu,+Ne boba bevukwila ne kutyipa kulamata kudi Yehova+Koku kadi batyipa kulamata kudi Malakame;+
6 Ne boba baleka kulonda Yehova+Ne boba kebakimbangapo Yehova nansha kumwipangula.”+
7 Talalai ku meso a Mfumu Mwinē Lupusa Lonso Yehova, mwanda difuku dya Yehova dibafwena.+
Yehova wateakanya kitapwa; wapandula boba baityile.
8 Mu difuku dya kitapwa kya Yehova, nketa bamfumu beshintulwile,Ne bana ba mulopwe,+ ne boba bonso bavwele bivwalwa byeni.
9 Mu dyodya difuku nketa yewa ense ukanda ku lukala* eshintulwile,Boba bayuja lūma ne bongojani mu njibo ya mfumwabo.
10 Mu dyodya difuku,” i Yehova unena,“Kukekala lunwa lwa madilo ku Kibelo kya Mwita wa Lui,+Ne kuyoyokota ku Mukenza wa Bubidi wa kibundi,+Ne mushindo mukatampe ku mikuna.
11 A bekadi ba Maketeshe* yoyokotai,Mwanda bansunga bonso abafundulwa’ko;*Boba bonso bapima ndalama abaonakanibwa.
12 Mu kine kitatyi’kya nkakimba Yelusalema na bimuni,Kadi nketa boba babwenye byonso* beshintulwile, boba banena mu mityima yabo amba,‘Yehova kakalongapo kiyampe, kadi kakalongapo kibi.’+
13 Bupeta bwabo bukatūtwa, mobo abo nao akasalwa.
Bakōbaka mobo, ino kebakashikata’mopo;+Kadi bakadima madimi a mañanza, ino kebakatomepo vinyu yao.+
14 Difuku dikatampe dya Yehova dibafwena!+
Dibafwena kadi difwenanga lubilo!*+
Lunwa lwa difuku dya Yehova i lubilubi.+
Muntu wa bulwi udilanga’mo.+
15 Difuku’dya i difuku dya bukalabale,+Difuku dya tusua ne malwa,+Difuku dya kimpumpu ne musala,Difuku dya fukutu ne mfindi,+Difuku dya makumbi ne mfindi bwī,+
16 Difuku dya lusengo ne dya kyungwe kya bulwi,+Pa bibundi bikomejibwe ne pa biteba bya pangala bya mu mafinko.+
17 Nkamwesha bantu malwa,Kadi bakananga pamo bwa bampofu,+Mwanda i Yehova obapya mambo.+
Mashi abo akapungululwa pamo bwa luvumbi,Umbidi wabo* nao pamo bwa tuvwi.+
18 Nansha ndalama yabo nansha olo* yabo keikabwanyapo kwibapandija mu difuku dya bukalabale bwa Yehova;+Mwanda ntanda yonso ikasōkwa na mudilo wa bupyasakane bwandi,+Ke-pantu aye ukakubija bekadi bonso ba ntanda, mukubo ulenga moyo.”+
Kunshi kwa Dyani
^ Ko kushintulula’mba “Yehova Wafi (Wabīka).”
^ Mobimwekela i, bintu nansha mingilo yadi ikwatañene na butōtyi bwa bilezaleza.
^ Nansha’mba “kikoka kya.”
^ Nansha’mba “lukala lwa pa kibelo.” Pakwabo i lukala lwa lupona lwa mulopwe.
^ Mobimwekela i kipindi kya Yelusalema kidi kubwipi na Kibelo kya Mwita wa Lui.
^ Kishima pa kishima i, “abatalajibwa.”
^ Kishima pa kishima i, “boba bekwata bwa nkuja yabo,” pamo bwa mu kīna kya vinyu.
^ Nansha’mba “dipēlakananga lubilo!”
^ Kishima pa kishima i, “Milá yabo.”
^ Nansha’mba “nsahabu.”
