Zekadia 10:1-12
10 “Lombai Yehova mvula mu kitatyi kya mvula wa ku muketeko.
I Yehova uloñanga makumbi a kimpumpu,Wibanokejeja mvula,+Ne kupa muntu ense munamuna ya mu ntanda.
2 Mwanda bankishi ba batelafimi* abesambe bya bongojani;*Kadi bambuki abamone bya bubela.
Besamba bilotwa bya bitupubitupu,Kadi batompa kusenga bya bitupu.
O mwanda bakanangakana pamo bwa mikōko.
Bakasusuka, mwanda i kutupu mukumbi.
3 Bulobo bwami bubadyendyemukila bakumbi,Kadi nketa bendeji ba kasusu* beshintulwile;Mwanda Yehova wa bibumbo wate mutyima ku mikōko yandi,+ ku njibo ya Yuda,Kadi webalonga pamo bwa kabalwe kandi kalumbuluke mu bulwi.
4 Kudi aye kutambanga muntu mukatampe,*Kudi aye kutambanga mulopwe ukwasha,*Kudi aye kutambanga buta bwa miketo bwa bulwi;Kudi aye kutambanga mutadi* ense, abo bonso pamo.
5 Kadi bakekala pamo bwa bantu ba bulwi,Batyampakanya bitoto bya mu bipito mu bulwi.
Bakalwa divita, mwanda Yehova udi nabo;+Kadi boba bakandanga pa tubalwe bakafwijibwa bumvu.+
6 Nkalonga njibo ya Yuda ke mikatampe kutabuka,Kadi nkapandija njibo ya Yosefa.+
Nkebajokeja,Mwanda nkebakwatyilwa lusa;+Kadi bakekala pamo’nka bwa ami kebelelepo nansha dimo;+Mwanda ami ne Yehova Leza wabo, kadi nkebetaba.
7 Bantu ba Efelaimi bakekala pamo bwa muntu wa bulwi mukomokomo,Kadi mutyima wabo ukasangala pamo bwa abo batome vinyu.+
Babo bana bakamona kino’ki ne kusangala;Mutyima wabo ukasangela mudi Yehova.+
8 ‘Nkebedila muluji ne kwibakongakanya pamo;Mwanda nkebakūla,+ kadi bakavula,Ne kwivudija nyeke.
9 Nansha byonebapalakenya mu bantu pamo bwa nkunwa,Bakamvuluka mu bifuko bya kulampe;Bakapumputumuka ne kujoka pamo na babo bana.
10 Nkebajokeja tamba ku ntanda ya EdipitoNe kwibabunga tamba ku Ashidia;+Nkebaleta ku ntanda ya Ngileade+ ne Lebanona,Kadi kekukekalapo monka kyaba kyabo kwine’kwa.+
11 Aye ukapityila mu dijiba na tusua;Kadi ukakupila mantanki mu dijiba;+Mishike yonso ya Nile ikōma.
Mitatulo ya Ashidia ikatūkijibwa,Nkonto wa Edipito nandi ukenda.+
12 Nkebalonga ke bakatampe kutabuka mudi Yehova,+Kadi bakanangila mu dijina dyandi,’+ i Yehova unena.”
Kunshi kwa Dyani
^ Nansha’mba “baleza ba mu njibo; bilezaleza.”
^ Nansha’mba “bya maleñanya; bya majende.”
^ Kishima pa kishima i, “bambuji balume.”
^ Kishima pa kishima i, “kiteba kya difinko,” kyelekejo kya muntu wa mvubu nansha wa bulēme; mukata.
^ Kishima pa kishima i, “kipopo,” kyelekejo kya muntu ukwasha; mulopwe.
^ Nansha’mba “mwendeji wa mingilo.”