Zekadia 3:1-10
3 Kadi waunombola Yoshua+ kitobo mukatampe wimene ku meso a mwikeulu wa Yehova, Satana+ nandi wadi wimene ku kuboko kwandi kwa lundyo mwanda wa kulwa nandi.
2 Penepo mwikeulu wa Yehova wanena Satana amba: “Satana,+ Yehova akufunine, bine, Yehova mwine watonga Yelusalema+ akufunine! Mwene uno’u i lukuni lutēma lopolwe mu mudilo?”
3 Papo Yoshua wadi uvwele bivwalwa bya busala, wimene ku meso a mwikeulu.
4 Mwikeulu wanena boba badi bemene ku meso andi amba, “Muvūlei bivwalwa byandi bya busala.” Kupwa wamunena’mba, “Tala, nakutalula kilubo kyobe,* kadi ukavwikwa bivwalwa bilumbuluke.”*+
5 Penepo nanena’mba: “Bamuvwike kivwalwa kya ku mutwe kitōka ku mutwe wandi.”+ Ebiya bamuvwika kivwalwa kya ku mutwe kitōka ku mutwe wandi, bamuvwika ne bivwalwa; mwikeulu wa Yehova wadi wimene kubwipi.
6 Penepo mwikeulu wa Yehova wasapwila Yoshua amba:
7 “Yehova wa bibumbo wanena namino amba, ‘Shi unangile mu mashinda ami ne kuvuija mingilo yobe ku meso ami, nabya ukekala mutyibi mu njibo yami+ ne kutala* bipango byami; kadi nkakupa bwanapabo bwa kufwena mu bukata mwa bano bemene pano’ba.’
8 “‘A Kitobo Mukatampe Yoshua, nakwisāshila, ivwana, abe ne balunda nobe bashikete ku meso obe, mwanda bano bantu badi pamo bwa kiyukeno; tala! nsa kutweja Mutombo+ mwingidi wami!+
9 Tala dibwe dyonatūla ku meso a Yoshua! Pa dibwe dimo padi meso asamba-abidi; kadi nsa kulemba’po kilembwa,’ i Yehova wa bibumbo unena, ‘kadi nkatalula mambo a ntanda’ya mu difuku dimo.’+
10 “‘Mu dyodya difuku,’ i Yehova wa bibumbo unena, ‘banwe bonso muketa bakwenu bāye munshi mwa muñanza wenu ne munshi mwa kikuyu kyenu.’”+
Kunshi kwa Dyani
^ Nansha’mba “mambo obe.”
^ Nansha’mba “minkukumba ya mingilo.”
^ Nansha’mba “kulela; kulama.”
