Zekadia 4:1-14
4 Mwikeulu wadi wisamba nami wajoka, waunangula, na mulangwilwanga muntu mu tulo.
2 Penepo waunena’mba: “Le ubamone bika?”
Ebiya nanena’mba: “Namone, ino tala! kitūlwa-binanu kya olo*+ akyo kyonso, na lweso peulu pakyo. Padi binanu bisamba-bibidi,+ bine, bisamba-bibidi, kadi binanu bidi peulu pakyo, bidi na miyengo isamba-ibidi.
3 Kidi na impafu ibidi+ kubwipi nakyo, umo ku lundyo lwa lweso, mukwabo ku lunkuso.”
4 Penepo naipangula mwikeulu wadi wisamba nami amba: “A mfumwami, le bino bintu bishintulula bika?”
5 Ebiya mwikeulu wadi wisamba nami waipangula’mba: “Le kuyukilepo mushintulwila bino bintu?”
Nami nalondolola’mba: “Aa, abe mfumwami.”
6 Penepo waunena’mba: “Kino kyo kinenwa kya Yehova kudi Zelububele amba: ‘“Ke na kibumbopo kya basola, nansha na bukomo,+ ino na mushipiditu wami,”+ i Yehova wa bibumbo unena.
7 A lūlu lukatampe, le wi ani? Ku meso a Zelububele+ ukekala mutantanshi.*+ Kadi aye ukatambija dibwe dya peulu* mu byungwe bya amba: “Bine, i kya kutendelwa! Bine, i kya kutendelwa!”’”
8 Kinenwa kya Yehova kyaiya monka kondi amba:
9 “Maboko a Zelububele abaala kyalwilo kya ino njibo,+ kadi maboko a aye mwine akapwa’yo.+ Ebiya mukayuka’mba Yehova wa bibumbo wantumine komudi.
10 Mwanda, le i ani wafutulula difuku dya ngalwilo mityetye?*+ Mwanda bakasangala ne kumona monji wa kūbaka nao* mu kuboko kwa Zelububele. Ano asamba-abidi i meso a Yehova, anangakananga koku ne koku pa ntanda yonso.+
11 Penepo namwipangula’mba: “Le ino impafu ibidi idi ku lundyo ne ku lunkuso lwa kitūlwa-binanu+ ishintulula bika?”
12 Namwipangula musunsa wa bubidi amba: “Le bimuna bibidi bya misambo* ya impafu ibidi ipungulula olo misunguluke kupityila ku midyo ibidi ya olo, bishintulula bika?”
13 Penepo wangipangula’mba: “Le kuyukilepo mushintulwila bino bintu?”
Nami nalondolola’mba: “Aa, abe mfumwami.”
14 Nandi wanena’mba: “Bano’ba i bashingwe māni babidi bemene kubwipi na Mfumu wa ntanda yonso.”+
Kunshi kwa Dyani
^ Nansha’mba “nsahabu.”
^ Nansha’mba “dibwe dya pangala.”
^ Nansha’mba “dilungu.”
^ Nansha’mba “bintu bityetye?”
^ Kishima pa kishima i, “dibwe, maningi.”
^ Ko kunena’mba, misambo ya mutyi mipe bipa.
