Bantu bavule mutyima wibafītanga pa kupwa kujingulula’mba bantu bobadi bekulupīle i bantu kebafwaninwepo kukulupilwa. Bavule kebakikulupilepo mu . . .

•   bendeji politike batangidija tumweno twabo kumeso, twa bakwabo kunyuma.

•   baneni ba ku bisanji bakomenwa kunena mapya moekadile binebine.

•   befundi ba sianse bakomenwa kulonga bintu mwanda wa kamweno ka bakwabo.

•   bendeji ba bipwilo bekuja bininge mu politike pa kyaba kya kwimanina Leza.

 Pano bantu kebakikulupilangapo mu muntu bukidi. Badi na bubinga mwanda Bible witudyumuna’mba:

•   “Kemukakulupilapo bāna ba balopwe, Nansha mwana muntu wampikwa bukwashi.”—Ñimbo ya Mitōto 146:3, Mukanda Ukola.

  Bible ulombola muntu ofwaninwe kukulupila’mba: I Yesu Kidishitu. Kadipo’tu enka bu muntu muyampe wāikele’ko myaka tutwa kunyuma. Leza i mutonge Yesu amba abikale “bu Mulopwe . . . , ne Bulopwe bwandi kebukekalapo na mfulo.” (Luka 1:32, 33) Yesu i Mulopwe wa Bulopwe bwa Leza, buludiki bubikele’ko pano momwa mulu.—Mateo 6:10.

•   Pa kuyuka kine kyofwaninwe kukulupila Yesu, tanga bishinte “Le Mulopwe wa Bulopwe bwa Leza I Ani?” ne “Le Bulopwe bwa Leza Bukalonga Bika?”