Kwikala na Būmi bwa Bwine Vega—Lelo Bible Unena’po Bika?
Kujokoloka ntanda yonso, bantu abasangela mpata bwine Vega.
“Bwine Vega i mulangilo ne mwikadilo wa kupela—shi bikokejika ne shi i byendele’mo—kususula nansha kwipaya banyema mwanda wa kwibadya, kwivwika nansha mwanda wa bubinga bukwabo.”—The Vegan Society.
Kutentekela pa kukinga banyema, bantu bavule basangedile būmi bwa bwine Vega pa mwanda wa kulama ntanda, bukomo bwabo bwa ngitu, nansha nkulupilo yabo ya bipwilo.
“Kwishila na boba basañunanga bidibwa, bwine Vega abo bumonwa divule bu filozofi, lukulupilo, nansha butongi bwa muntu ukimba kwalamuna ntanda ikale biyampe.”—Britannica Academic.
Le bwine Vega bo bukalumbulula umbuo wetu wa ntanda? Lelo Bible unena’po bika?
Mumwena Umpangi wetu bantu ne banyema
Bible ulombola’mba Umpangi wetu, Yehova Leza, a umwene bantu bu i bapite banyema, ne amba wāpele bantu lupusa pa banyema. (Ngalwilo 1:27, 28) Ne kadi mwenda mafuku, Leza wāpele bantu lupusa lwa kudya banyema. (Ngalwilo 9:3) Inoko, kasakilepo tususule banyema.—Nkindi 12:10.
Mungya Bible, kudya nansha kuleka kudya mwita i butongi bwa muntu mwine. b Butongi bwetu ke abopo buketwikadija bayampe ku meso a Leza. (1 Bene Kodinda 8:8) I kutupu ufwaninwe kutopeka mukwabo pangala pa bintu byatonga kudya.—Bene Loma 14:3.
Kine kikalumbulula būmi bwa kumeso
Bible ulombola’mba byotutonga kulonga umbūmi ke abyopo bikapwija makambakano a ino ntanda. Makambakano mavule atambanga ku ngikadilo ya politike, ya bantu, ne ya busunga ya ino ntanda, mine yoketubwanyapo kōlola. Bible unena’mba:
“Kyokya kikondame kekibwanyapo kōlolwa.”—Musapudi 1:15.
Umpangi wetu ye ukapwija makambakano otwikonda nao. Bible unena mu kyelekejo byobya byasaka kulonga.
“Kadi namwene diulu dipya ne ntanda mipya; mwanda diulu dya kala ne ntanda ya kala bibapu kupita, kadi ne dijiba dine ke kutupu’dyo.”—Kusokwelwa 21:1.
Leza ukapingakanya imbikalo ya bantu, nansha “diulu dya kala,” na “diulu dipya,” ko kunena’mba umbikalo wandi wa Bulopwe bwa momwa mūlu. Buno bwandi Bulopwe bukafundula “ntanda ya kala,” ke bantu babi kadi, ne kuludika “ntanda impya,” ko kunena’mba bantu baswele kwibukōkela.
I enka mu bwendeji bwa Bulopwe bwa Leza mukefunda bantu kwikala mu ndoe na banyema ne mobakalēmeka umbuo.—Isaya 11:6-9.
a Yehova i dijina dya Leza dya bunka.—Ñimbo ya Mitōto 83:18.
b Bible witusoñanya’mba “mwilamei . . . ku mashi.” (Bilongwa 15:28, 29) Ko kunena’mba ketufwaninwepo kudya ne kutoma mashi nansha kudya mwita wampikwa kutyiba midibu; enka ne bidibwa byelwe’mo mashi bine.
Tala'po Bidi ne Bino:
MYANDA MIKWABO
Lukulupilo lwa Bine lwa Būmi Bulumbuluke bwa Kumeso
Le milao idi mu Bible i mishile namani na milao ya bantu ne bintu byobabadikila kunena?
KITEBA KYA MULAMI
Lelo Muntu Ukonakanya Ntanda Byoikoma Kulongolola?
Bible kalailepo’nka koneka koneka bifuko dyalelo, ino i ne bintu bitwala ku koneka.
ESSENTIAL BIBLE TEACHINGS
Mwanda waka Leza wāpangile ntanda?
Ntanda yetu i miyule’mo bintu bilumbuluke. I mitūlwe pa kifuko kifwaninwe na ku dyuba, ijinanga na kulonda ndudi, ne kujokoloka na lubilo lufwaninwe. Mwanda waka Leza wālongele bukomo pa kupanga ntanda?
MYANDA MIKWABO
Le I Ani Ukakūla Ntanda?
Mungya bashayuka, mu myanda itala bupangi bwa pa ntanda, pano po pene bilongwa bya bantu bidi mu kyaka kya konakanya ne bipangwa bidi mu umbuo wa ntanda.
MYANDA MIKWABO
Le Bibwanika Kupwa Bukondame mu Myanda ya Misokwe?
Kudi umbikalo umo ubwanya kwendeja senene myanda ya bantu, kupwididila bulanda ne makambakano a misokwe.
